Бизнес ва тадбиркорлик олий мактаби ташкил этилди | Образована Высшая школа бизнеса и предпринимательства

2020 йилнинг 30 июль куни Вазирлар Маҳкамасининг “Бизнес ва тадбиркорлик олий мактаби фаолиятини ташкил этиш чора-тадбирлари тўғрисида”ги қарори қабул қилинди.

Мазкур Олий мактаб:  

* республика иқтисодиётини ривожлантиришга зарур бўлган бошқарув кадрлари, шу жумладан, олий таълим, олий таълимдан кейинги таълим, кадрлар малакасини ошириш ва уларни қайта тайёрлаш;

* кичик бизнес ва тадбиркорлик, рақамли иқтисодиёт, рақобатни ривожлантириш ва монополияга қарши курашиш, маркетинг, менежмент ва иқтисодиётнинг талаб юқори бўлган бошқа йўналишлари бўйича магистрларни, илмий ва илмий-педагогик кадрларни тайёрлаш;

* иқтисодиётда эркин рақобат муҳитини шакллантириш, маҳаллий ишлаб чиқарувчиларнинг рақобатбардошлигини ошириш, товар ва молия бозорларида монопол мавқега эга бўлган корхоналарга қўлланилган имтиёз ва преференциялар самарадорлигини баҳолаб бориш ва тегишли масалалар бўйича ўқув курсларини ташкил этиш;

* халқаро эътироф этилган хорижий олий ўқув юртларининг етакчи профессор-ўқитувчиларини жалб қилган ҳолда, корпоратив ва лойиҳа бошқаруви ҳамда бошқа соҳаларда бошқарув кадрларини тайёрлаш, қайта тайёрлаш ва уларнинг малакасини ошириш бўйича ҳамкорликда дастурларни (joint programs) амалга ошириш;

* аҳолининг тадбиркорликка қизиқиши бўлган қатламларини ҳамда тадбиркорларни бизнес ва тадбиркорлик кўникмалари бўйича қисқа муддатли пулли, хусусан, кейинчалик бўлиб-бўлиб тўлаш шарти билан ўқитишни ташкил этиш;

* оилавий тадбиркорлик дастурлари орқали кредит олишни мўлжаллаган аҳоли қатламлари учун қисқа муддатли ўқитишни ташкил этиш;

* аҳоли ҳамда тадбиркорларга тадбиркорлик ва бизнесга оид ўқув материалларини (жумладан, электрон шаклда) тайёрлаш билан шуғулланади.

Ҳужжат Қонун ҳужжатлари маълумотлари миллий базасида эълон қилинган ва 30.07.2020 йилдан кучга кирди.

Манба: norma.uz/uz/qonunchilikda_yangi/biznes_oliy_maktabi_tadbirkorlarni_uqitish_bilan_shugullanadi

30 июля 2020 года принято постановление Кабинета Министров «О мерах по организации деятельности Высшей школы бизнеса и предпринимательства».

Данная высшая школа будет заниматься: 

• повышением квалификации и переподготовкой кадров, необходимых для развития экономики республики управленческих кадров, в том числе кадров высшего образования и послевузовского образования;

• подготовкой магистров, научных и научно-педагогических кадров по малому бизнесу и предпринимательству, цифровой экономике, развитию конкуренции и борьбы с монополиями, маркетингу, менеджменту и другим направлениям экономики, пользующихся повышенным спросом;

• формированием свободной конкурентной среды в экономике, повышение конкурентоспособности местных производителей, проведение оценки эффективности привилегий и преференций, примененных к предприятиям, имеющим монопольный статус на товарных и финансовых рынках, и организация учебных курсов по соответствующим вопросам;

• подготовкой, переподготовкой и повышением квалификации управленческих кадров в сфере корпоративного и проектного управления и другим направлениям (joint programs) с привлечением ведущих профессоров-преподавателей международно признанных зарубежных вузов;

• организацией краткосрочного, платного, особенно с условием последующей оплаты по частям, обучения предпринимателей и слоев населения, интересующихся предпринимательством, навыкам ведения бизнеса и предпринимательства;

• организацией краткосрочного обучения для слоев населения, планирующих получение кредита по программам семейного предпринимательства;

• подготовкой учебных материалов по бизнесу и предпринимательству (в том числе, в электронном виде) для населения и предпринимателей.

Документ опубликован в Национальной базе данных законодательства и вступил в силу 30.07.2020 г.

Источник: norma.uz/uz/qonunchilikda_yangi/biznes_oliy_maktabi_tadbirkorlarni_uqitish_bilan_shugullanadi