Биз ёшлар коррупцияга қаршимиз

Туманимизда жойлашган Плеханов номидаги институтида Мирзо Улуғбек туман ҳокимлиги, Ўзбекистон «Адолат» социал-демократик партияси ҳамда Мирзо Улуғбек туман Ёшлар ишлари агентлиги ҳамкорликда «Биз ёшлар коррупцияга қаршимиз» мавзусида учрашув ташкил этилди.

Унда туман ҳокимлиги вакиллари, «Адолат» СДП Сиёсий Кенгаши аъзолари, Олий Мажлис Қонунчилик палатаси депутатлари, Мирзо Улуғбек тумани ҳокимлиги ва туман прокуратураси масъул ходимлари, Плеханов номидаги институт ўқитувчилари ва талабалари, Ёшлар парламенти аъзолари иштирок этди.

Тадбирни ўтказишдан асосий мақсад ўсиб келаётган ёшларда коррупцияга қарши муросасиз курашиш маданиятини ривожлантириш, уларнинг жамият ҳаётига дахлдорлигини янада оширишдан иборатдир.

Маърузачилар томонидан бугунги кунда ҳар бир фуқаронинг ҳуқуқий маданиятини шакллантириш, уларнинг фаоллиги, жамиятдаги ўрнини ошириш, ҳар қандай ишда масъулият билан ёндашган ҳолда салбий иллатларга қатъий курашиш лозимлиги таъкидланди. Коррупцияга қарши курашишда аввало ёшларнинг онгини маънавий жиҳатдан юксалтириш лозимлигига аҳамият қаратилди.

Дарҳақиқат, бугунги кунда аҳолимизни қийнаётган муаммолардан бири жамиятда учраётган коррупция тизимидир. Учрашув чоғида ушбу иллатга қарши курашиш, бунда ижобий натижага эришишда энг самарали усул - халқимизнинг фаол фуқаролик позицияси дея таъкидланди.

Ҳозирда жадал ислоҳотлар билан ривожланаётган юртимизнинг барқарорлик билан тараққий этишида айрим жабҳаларда коррупция иллати қаршилик кўрсатиб келмоқда. Шу боисдан хам коррупцияга қарши курашиш барча юртдошларимиз учун долзарб муаммо бўлиб қолмоқда.

Учрашув якунида ёшлар ўзларини қизиқтирган саволларига жавоб олдилар ва ўз мулоҳазаларида коррупция иллатига қарши курашишда ёшларнинг ўрни беқиёс эканлигини таъкидлаб ўтишди.

Мирзо Улуғбек туман ҳокимлиги

Матбуот хизмати