Беморлар учун

Савол:

Варикоз касаллигини кандай турлари мавжуд?

Жавоб:

Варикоз касаллиги деганда купчилик оёклардаги вена томирларининг узгаришларини тушунади. Аммо шуни унутмаслик керакки варикознинг турли хиллари мавжуд ва бу касаллик деярли барча веналарни зарарлаши мумкин. Тери ости веналари варикози айнан оёклардаги веналар кенгайишига олиб келади. Оёклардаги варикоз 2 турли механизмда ривожланади. Биринчи пастга йуналган турида касаллик катта тери ости венасининг асосидан бошланади, иккинчи юкорига йуналган турида товондан юкорига караб кетади ва асосан сон, болдир, товон чукур веналари клапанлари етишмовчилиги сабабли ривожланади. Камдан кам холларда куллардаги веналар варикози хам кузатилади (тугма нуксон сабабли). Бундан ташкари оралик, куймич, ташки жинсий аъзолар веналарининг хам варикози учраб туради. Варикознинг тери ости, юза шакли магистрал, сочилган ва аралаш турларда булади. Кичик чанок органлари варикозида жинсий аъзолар веналари кенгайиши кузатилади. Мояк ва уруг тизимчаси веналари кенгайганда варикоцеле касаллиги юзага чикади. Жигар портал венаси тизимида босим ошиши натижасида кизилунгач, тугри ичак (бавосил) веналари варикози ривожланади.

Кенгайган веналарнинг шаклига караб чизимсимон, халтасимон вакапилляр турлари фаркланади. Касалликнинг кечиш даврларига караб компенсация (мувозанатдаги), субкомпенсация (кисман мувозанатдаги) ва декомпенсация(мувозанатдан чиккан) турлари фаркланади. Шунингдек веналар кенгайиши даражасига, асоратларга караб бу касалликнинг бир неча даражаси ажратилади. Бу асоратлар терио стига кон куйилиши, дерматит (тери яллигланиши), рожа (сарамас) касаллиги, паратравматик экзема, лимфо-веноз стаз, аллергик шиш, юза ёки чукур веналар тромбози, веноз трофик яра кабилар булиши мумкин.