Белгиланган қоидаларни четлаб ўтган ҳайдовчига 1 115 000 сўм жарима жазоси тайинланди
ИИВ ЙҲХББЖорий йилнинг 4 январь куни ижтимоий тармоқда "Қашқадарё шопирларига қойил қолмай илож йўқ" сарлавҳаси остидаги видео лавҳа тарқалди.
Видео лавҳа ўрганилди ва белгиланган қоидаларни четлаб ўтиб ўзи ҳамда атрофдаги бошқа ҳаракат қатнашчиларининг ҳаётини хавф остига қўйиб ҳаракатланган "FORD" русумли автомобиль ҳайдовчиси, 1996 йилда туғилган Н.Д.га нисбатан Ўзбекистон Республикаси Маъмурий жавобгарлик тўғрисидаги Кодекснинг 125 прим биринчи модда (юк ташиш қоидаларини, шатакка олиш қоидаларини бузиш)си тартибида баённома тузилиб, 1 115 000 сўм миқдорида жарима жазоси тайинланди.
Барча ҳайдовчилардан белгиланган қоидаларга амал қилишларини, қоидаларни четлаб ўтиб ўзи ва ўзгалар саломатлигини хавф остига қўймасликларини сўраб қоламиз.
Ўзбекистон Республикаси ИИВ ЙҲХББ Ахборот хизмати