Нуфузли Destination by Hyatt меҳмонхона брендининг Марказий Осиёдаги биринчи ва ягона курорти Ўзбекистонда очилади
Дилшод АбдумаликовBeldersoy Resort & SPA — Destination by Hyatt нуфузли халқаро меҳмонхона брендининг Марказий Осиёдаги биринчи курорти – 2026 йил июн ойида Тошкент вилоятининг хушманзара Бўстонлиқ туманида, Билдирсой тоғ-чанғи ёнбағирлари яқинида очилади.
Курорт йил-ўн икки ой давомида дам олиш ва саломатликни тиклашни таклиф этади, бу ерда тоғ туризми пухта ўйланган wellness-инфратузилма ва халқаро даражадаги сервис билан уйғунлашади. Beldersoy Resort & SPA Чимён тоғининг маназараси намоён бўладиган 109 та меҳмонхона хонаси ва 39 та виллани ўз ичига олади. Курорт макони ҳам индивидуал саёҳатлар учун, ҳам оилавий дам олиш учун мослашган.
Мишлен даражасидаги гастрономия
Курортнинг гастрономик концепцияси тўртта муаллифлик ресторанини бирлаштиради, уларнинг ҳар бири ўз пазандачилик фалсафасини намоён этиб, олий даража таомлар мухлислари учун ягона жозиба нуқтасини шакллантиради. Лойиҳага Michelin юлдузларига сазовор бўлган ресторанларда иш тажрибасига эга, халқаро миқёсда эътироф қозонган бош ошпазлар раҳбарлик қилади. Бу ерда гастрономия саёҳатга айланади: ўзбек таомларининг замонавий интерпретациясидан то нафис Ўрта Ер денгизи таомлари ва ҳар бир жиҳатига эътибор бериб пиширилган премиал стейкларгача. Ҳар бир ресторандан кўриниб турувчи тоғларнинг гўзал манзараси таассуротларни кучайтиради ва ҳар бир кечки таомланишни унутилмас тажрибага айлантиради.
“Тоғлар ичра денгиз”: spa ва wellness-мажмуа
Курортнинг гавҳари re:thalasso spa ва wellness-мажмуаси саналади. Уч қаватли марказ олтита бассейнли термал ҳудудни, таассуротлар души, дунёнинг турли ўлкаларига мансуб бешта ҳаммом ва куч ҳамда ички мувозанатни тиклаш учун ноёб спа-муолажалар таклиф этиладиган дам олиш маконларини бирлаштиради. Спа-мажмуада денгиз минераллари ва денгиз неъматларидан фойдаланиладиган талассотерапия орқали “тоғдаги денгиз” концепцияси акс этади. Тоғларнинг ҳайратланарли манзараси кўриниб турадиган инфинити-бассейн алоҳида таассурот уйғотади.
Премиал даражадаги банкет ва конференц-имкониятлар
Курорт ҳудудида кўп функционал трансформер банкет зали кўзда тутилган бўлиб, у турли форматдаги тадбирлар – нафис гала-кечки зиёфатлар ва тўйлардан то кенг кўламли амалий тадбирларгача мослаша олади. Инфратузилмани очиқ ҳаво остидаги тадбирлар ҳудудлари, шунингдек, амалий учрашувлар, тақдимотлар ва ёпиқ сессияларни ўтказиш учун зарурий жиҳозлар билан таъминлаган замонавий музокара заллари тўлдиради.
Табиатга эҳтиёткорона муносабатдаги лойиҳа
Beldersoy Resort & SPA лойиҳаси экологик барқарорлик ва атроф-муҳитга эҳтиёткорона муносабат диққат марказида бўлган ҳолда амалга оширилди. Қурилиш жараёнида табиий рельеф ва мавжуд яшил ҳудудлар сақлаб қолинди, бу курортни тоғ ландшафтига назокат билан интеграциялаш имконини берди. Ҳудудда замонавий энергия ва иссиқлик-самарадор ечимлар жорий этилган, муҳандислик жиҳозларида эса экологик тоза хладагентлар ва атмосферага таъсири минимал бўлган ишчи газлар қўлланади.
Курорт халқаро сервис стандартларини маҳаллий ўзига хослик ва манзил руҳияти билан уйғунлаштириб, тоғ ва wellness-туризм учун янги уфқларни очади. 2026 йил июн ойига мўлжалланган очилиш мамлакат сайёҳлик индустриясини ривожлантиришга салмоқли ҳисса бўлади ва унинг халқаро имижини сезиларли даражада мустаҳкамлайди. Лойиҳа Марказий Осиёдаги энг яхши курорт мақомига даъвогар бўлиб, Ўзбекистонни премиал туризм йўналишлари глобал харитасига киритишга қаратилгандир.
Алоқа ва қўшимча маълумотлар учун: +998 55 555 11 11
Сайт | Telegram | Instagram | Facebook | LinkedIn