Беларускі букмекер аб'явіў пра пагадненне з топавым клубам Еўропы. Але здаецца, што гэта фэйк!
БяганычНядаўна найбуйнейшыя беларускія букмекеры абвясцілі аб супрацоўніцтве з еўрапейскімі топамі. Maxline апублікаваў серыю пастоў пра пагадненне з англійскім «Манчэстар Юнайтэд», а Betera цяпер будзе працаваць з італьянскім «Ювентусам». І гэта ў не самы просты для вядзення бізнесу 2023-ы год!
Давайце пагдядзім, што прынясуць беларускім кампаніям і заўзятарам такія калабы. Бо пазнаёміцца бліжэй з сусветнымі топамі, знаходзячыся зараз у Беларусі, гучыць як недазваляльная раскоша. У нас у краіне ёсць вялікі фан-клуб «МЮ», а за «Юве» ў свой час прытапіла нават мая жонка (дзякуй, Крыш), так што выбар клубаў выглядае лагічным.
Кампаніі абвясцілі, што становяцца афіцыйнымі бэтынг-партнёрамі клубаў у СНД, пра што паведамілі ў сваіх у сацыяльных сетках, а таксама ў выданнях, з якімі наладжана супрацоўніцтва.
І вось тут ёсць праблема. Усё выглядае так, што ў Манчэстэры аб супрацы з Maxline нічога не ведаюць. Дакладней, не ведалі.
Разбіраемся. Пачалося ўсё з таго, што Maxline апублікаваў даволі просценькі рэліз: звычайна такія мерапрыемствы старанна рыхтуюць, каб раструбіць пра сябе на ўвесь сусвет. А тут атрымалася, што навіна выйшла ў розныя дні на ўласным сайце і на знешніх спонсарскіх пляцоўках.
Абяцанкі для кліентаў выглядаюць вельмі агульнымі:
- больш акцый і эксклюзіўных навін.
- спецпраекты і мерапрыемствы, накіраваныя на працу з заўзятарамі клуба і аматарамі футбола.
Таксама ў сваіх сацсетках букмекер арганізаваў кволы двіж: першаму, хто адгадаў назву партнёра - паабяцалі 1000 беларускіх рублёў фрыбэтамі.
Аказалася, што такога маштабу ад «Макслайна» не чакаў ніхто, таму прыйшлося рабіць дадатковы пост з падказкай.
З такім намёкам менавіта варыянт МЮ адгадалі адразу тры чалавекі. Але паміж імі толькі падзялілі прызавы фонд:
Пост-анонс пра такую немаленькую падзею ў жыцці любой кампаніі, як згадана вышэй, з'явіліся толькі ў партнёрскіх медыя: Прессбол, Football.by, 024.by, Беларускі мінор, ФБ | Футбол Беларусі.
На сайце англійскага клуба, альбо ў яго сацсетках, такіх паведамленняў не выяўлена. І гэта максімальна падазрона. Нават ні ў якіх англамоўных Facebook ці Twitter згадак не было. Усюды цішыня, і толькі навіны ўласнай вытворчасці.
Для прыклада, на сайце «Юве» прэс-рэліз з Betera прысутнічае. І там падрабязна напісана, што атрымаюць беларусы-юзэры.
Я вельмі спадзяюся, што хтосьці з гульцоў клуба пачне размаўляць на беларускай мове. Гэта будзе хіцяра!
Каб даведацца больш пра гэты «ціхі» дагавор, я адправіў лісты ў аддзел па працы з брэндамі «Манчэстар Юнайтэд», і бэтынгавай кампаніі Betfred, якая афіцыйна супрацоўнічае з «манкуніянцамі», і, напэўна, мае ўяўленне аб усіх здзелках МЮ з іншымі букмекерамі.
Адказ з клуба даў аддзел па абароне брэнда:
А гэта - адказ зацікаўленай кампаніі Betfeder:
Абодва адказы даюць зразумець, што ў клубе не ведаюць ні пра Maxline, ні тым больш, пра партнёрства з імі. Камандай МЮ будзе распачатае ўласнае расследаванне.
Фейк ад букмекера, але навошта? Актыўнасці атрымалася не вельмі шмат, ды і ў сацсетках пост залайкалі слаба:
Аднак, хутчэй за ўсё беларуская кампанія застанецца беспакаранай. Ну, якія санкцыі можа ўвесці «Манчэстэр»?
Як толькі я атрымаю адказ ад прадстаўнікоў Maxline - апублікую яго на сваім канале.
***
Калі вам спадабаўся пост - падпішыцеся на канал Beganych і пастаўце падабайку, а таксама перашліце сябрам, знаёмым і калегам.