Беҳуш ҳолда топилган шахс ўзаро жанжал туфайли шу ҳолга тушгани аниқланди
2019 йил 22 январь куни Тошкент шаҳрининг Олмазор даҳасида яшовчи Ш.Б. Чилонзор тумани Бунёдкор шох кўчасидан тан жароҳати билан беҳуш ҳолда топилиб, РШТЁИМга ётқизилган эди.
Кўрилган чоралар натижасида ушбу жиноятни Юнусобод тумани Халқобод кўчасида яшовчи А.В. ўзаро жанжал туфайли содир этганлиги аниқланиб, ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси