BUXORO DAVLAT UNIVERSITETI REKTORI OBIDJON XAMIDOV G'IJDUVON TUMANI SOKTARE MFYDA NAVBATDAGI SAYYOR QABULINI OʻTKAZDI
BuxDU Matbuot xizmati![](/file/ca93f51a5872044a5ce64.jpg)
![](/file/242ff26498729a3f76294.jpg)
Buxoro davlat universiteti rektorining sayyor qabuli bugun G'ijduvon tumani Soktare mahallasida bo`lib o`tdi. Sirtqi ta`lim shaklida tahsil olayotgan talabalar va ularning ota-onalari bilan to‘g‘ridan-to‘g‘ri muloqotni kengaytirish, mavjud dolzarb muammolarni aniqlash, ularni bartaraf etish yuzasidan uyushtirilgan sayyor qabul Buxoro davlat universiteti o'quv binosida tashkil etildi.
![](/file/65c757f07d647917ad76b.jpg)
![](/file/9f40ebce7a2992cc3c6d6.jpg)
Sayyor qabul mobaynida sirtqi ta`lim shaklida tahsil olayotgan talabalar turli masalalarda o`z savol va takliflari bilan rektor Obidjon Xamidovga murojaat etishdi:
![](/file/ea6f93473a4f9bc1065e5.jpg)
![](/file/864a4a71ae13414716a30.jpg)
![](/file/f369718e70a4709b7260c.jpg)
Imkoni bo`lsa respublikamiz hamda viloyatimizdagi mashhur shoir va yozuvchilar bilan adabiy kechalar va uchrashuvlar tashkil etilishini juda istaymiz. O`zim ham ijodkorman. Ijodiy ishlarimni chop etishga amaliy yordam berishingizni so`rayman. Shodiyeva Mohigul, Filologiya va tillarni o’qitish: o’zbek tili ta’lim yo’nalishi, 9-1 UZBS-19 guruh talabasi
BuxDUda anchadan beri o`tkazib kelinayotgan Zakovat intellektual o`yinini qizg`in kuzatamiz. Imkoni bo`lsa, sirtqi ta’lim yo`nalishlari uchun ham G`ijduvon tumanidagi binomizda tashkil etishsa, qatnashar edik. Maktabgacha ta’lim yo`nalishi talabalari
Ushbu masala bo'yicha BuxDU Yoshlar Yetakchisi Feruz Karimovga topshiriq berilib 1 hafta muddatda sirtqi ta`lim shaklida tahsil olayotgan talabalar o'rtasida zakovat turnirini tashkil etish topshirig`i berildi.
Bizning amaliyot olib borishimiz uchun tikuv mashinalari o`rnatilgan xonaga ehtiyojimiz bor. Tashkil qilinsa, amaliy jarayonlar orqali darslarni o`zlashtirishimiz oson kechar edi. Texnologik ta’lim 9-1TEXS-19 guruh talabasi.
Bu masala bo'yicha tegishli mutasaddilarga o'quv binosidagi mavjud tikuv mashinalari bilan jihozlangan xonada endilikda amaliy darslar ham o'tkazilishi yo'lga qo'yiladi.
Kunduzgi ta’lim shaklida tahsil olayotgan talabalar turli xil tanlovlarga qatnashib, sertifikatlar olishadi. Biz sirtqi ta’lim shaklida o’qiyotgan talabalarga ham shu tanlovlarda qatnashish uchun ko’proq ma’lumotlar taqdim etilsa, yaxshi bo’lardi. Chunki bizning ham kelajakdagi rejalarimiz ko`p. Turli tanlovlarda, stipendiyalarda muvaffaqiyatli ishtirok etib, magistratura bosqichiga o’qishga kirmoqchimiz. Mansurova Sharofat, 9-1 PPS-19 guruhi sardori
Sayyor qabulda BuxDU fakultet dekanlari, bo`lim boshliqlari, Yoshlar Ittifoqi yetakchisi F. Karimov hamda tegishli mutasaddi raxbarlarga har bir murojaat yechimi bo'yicha topshiriqlar berildi.
![](/file/31e5425ad53c5da072908.jpg)
![](/file/f3a21526c4df558b60618.jpg)
![](/file/9fdf99604baf780d20d9f.jpg)
![](/file/aa1451b3cd948d67f3b6c.jpg)
BuxDU Matbuot xizmati