БУХОРО ВИЛОЯТ ҲУДУДИЙ БОШҚАРМАСИ БОШЛИҒИНИНГ АДВОКАТЛИК ТУЗИЛМАЛАРИДАГИ “ОЧИҚ МУЛОҚОТ” ТАРЗДАГИ УЧРАШУВИ ДАВОМ ЭТМОҚДА
Ўзбекистон Республикаси Адвокатлар палатаси Бухоро вилоят ҳудудий бошқармаси бошлиғи Зебинисо Мухаммедованинг жойларда адвокатлик тузилмаларидаги “Очиқ мулоқот” тарзидаги учрашувлари давом этмоқда.
![](https://server.paruz.uz/uploads/2021/04/20210402112009.jpg)
Бугун, 2 апрель куни навбатдаги учрашув Бухоро шаҳридаги “Ishonchli himoya”, “Buxoro advokatlari” адвокатлик фирмалари ва “Adolat munavvar nuri”, “Hamidova Gulbahor Muxamatovna”, “Advokat Abasova Munisa” ва “Advokat Saidova Rahima” адвокатлик бюролари адвокатлари билан бўлиб ўтди.
![](https://server.paruz.uz/uploads/2021/04/20210402114833.jpg)
Учрашувда бошқарма бошлиғи мазкур адвокатлик тузилмаларида фаолият юритаётган адвокатлар билан суҳбатлашиб, уларнинг касбий фаолиятлари билан боғлиқ масалалар, ютуқ ва ҳал қилиниши лозим бўлган муаммолар, мавжуд камчиликлар ва уларни бартараф қилиш борасида ўзаро фикр алмашдилар.
![](https://server.paruz.uz/uploads/2021/04/20210402153411.jpg)
Адвокатлик тузилмаларининг ташкил этилиши, фаолияти, қайта ташкил этилиши ва тугатилиши, тузилмаси, штатлари, вазифалари, маблағларни сарфлаш тартиби, раҳбар органларининг ваколатлари, уларни сайлаш тартиби ҳамда адвокатлик тузилмалари фаолиятига тааллуқли бошқа масалалар, шу каби адвокатларнинг ўзаро муносабатлари, адвокатнинг Ўзбекистон Республикаси Адвокатлар палатаси ва унинг ҳудудий бошқармаларининг ташкилий тузилмаси, шунингдек малака комиссиялари билан ўзаро муносабатлари муҳокама қилинди.
Мавжуд муаммо ва камчиликларни биргаликда ҳал этиш ва келажакдаги режалар хусусида келишиб олинди.