BILIMDON QIZLAR “ZAKOVAT” da BELLASHDILAR

Andijon davlat tibbiyot institutida taʼlim olayotgan talaba-qizlar o‘rtasida 8-mart – Xalqaro xotin-qizlar kuni munosabati bilan “Zakovat” intellektual o‘yinning shaxsiy oʻyin yo‘nalishi bo‘yicha bayram turniri bo‘lib o‘tdi. Turnirni Xotin-qizlar masalalari bo‘yicha rektor maslahatchisi, institut Xotin-qizlar maslahat kengashi raisi G.Xolmatova kirish so‘zi bilan ochib berdi va yaqinlashib kelayotgan go‘zallik va nafosat bayrami bilan bilimdon qizlarni tabriklab, o‘yin davomida barcha ishtirokchilarga omad yor bo‘lishini tiladi.

Shundan so‘ng turnir boshlandi va o‘yinni institut “Zakovat” intellektual klubi koordinatori Shoxjahon Abduraxmonov olib bordi. Ushbu turnirda 40 ga yaqin talaba qizlar ishtirok etdilar va oʻz bilimlarini sinovdan oʻtkazdilar.

Zukko qizlar tibbiyotga oid 24 ta qiziqarli hamda mantiqiy savollar berdilar va yakunda natijalar quyidagi ko‘rinish hosil qildi:

1-o‘rin- Davolash ishi yoʻnalishi 117-guruh talabasi Dilnavoz Abdulhamidova;

2-o'rin-Davolash ishi yoʻnalishi 447-guruh talabasi Maftunaxon Mamazakirova;

3-o‘rin-Davolash ishi yoʻnalishi 513-guruh talabasi Zilolaxon Sobirjonova.

G‘oliblarning har biri diplom hamda bazaviy stipendiyaning 1 barobari miqdoridagi pul mukofoti bilan taqdirlandilar.

Andijon davlat tibbiyot instituti matbuot xizmati