BATAFSIL

Toshkent davlat agrar universiteti talabalari “InnoWeek–2025” xalqaro innovatsion gʻoyalar haftaligida!

Toshkent davlat agrar universiteti Yoshlar akademiyasi lideri S. Xojimurodov boshchiligida iqtidorli va tashabbuskor talabalar guruhi “InnoWeek–2025” xalqaro innovatsion gʻoyalar haftaligida oʻzlarining istiqbolli loyihalari va ishlanmalari bilan faol ishtirok etishdi.

Shuningdek, Yoshlar akademiyasi a’zolari haftalik doirasida tashkil etilgan seminar va treninglarda faol qatnashib, xorijiy hamda mahalliy ekspertlar bilan tajriba almashish, yangi bilim va koʻnikmalarni egallash imkoniyatiga ega boʻlishdi.

Mazkur ishtirok nafaqat universitet yoshlarining innovatsion fikrlash salohiyatini oshirdi, balki ularning ilmiy-amaliy loyihalarini keng miqyosda targ‘ib etish uchun muhim maydon boʻlib xizmat qildi.