БАРЧА ИНСОНЛАР КАСОД ВА ЙЎҚОТИШДА. ФАҚАТ ИЙМОН КЕЛТИРИБ АМАЛИ СОЛИҲ ҚИЛГАНЛАР МУСТАСНО

Бу дунёда ҳамма касодда. Фақатгина иймон келтириб солиҳ амал қилган кишилар ютуқ, муваффақият ва нажотга эришади.

Аллоҳ Аср сурасида бундай дейди:

وَالْعَصْرِ إِنَّ الْإِنْسَانَ لَفِي خُسْرٍ إِلَّا الَّذِينَ آمَنُوا وَعَمِلُوا الصَّالِحَاتِ

«Асрга қасамки инсонлар касотдадирлар. Фақат иймон келтириб амали солиҳ қилганлар касодда эмаслар».

Хоҳ дунёни сотиб оладиган бой бўлсин, хоҳ дунёдаги энг кучли одам бўлсин, хоҳ дунёдаги энг ақлли кашфиётчи бўлсин, агар у иймон келтириб, солиҳ амал қилмаса касодга учрайди. Мағлуб бўлади. Аллоҳ Қуръонда марҳамат қилади:

لِلَّذِينَ اسْتَجَابُوا لِرَبِّهِمُ الْحُسْنَى وَالَّذِينَ لَمْ يَسْتَجِيبُوا لَهُ لَوْ أَنَّ لَهُمْ مَا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ أُولَئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ وَبِئْسَ الْمِهَادُ

«Парвардигорлари (даъвати)га ижобат этганлар учун гўзал мукофот (жаннат) бордир. Унга ижобат қилмаганлар эса, мабодо ердаги бор нарса (яна) икки баробар (кўпайиб) уларники бўлса, уни (Аллоҳнинг азобидан қутулиш учун) фидо қилган бўлур эдилар. Улар учун ёмон ҳисоб-китоб бўлур. Уларнинг (борар) жойлари жаҳаннамдир. Нақадар ёмон жо БАРЧА ИНСОНЛАР КАСОД ВА ЙЎҚОТИШДА. ФАҚАТ ИЙМОН КЕЛТИРИБ АМАЛИ СОЛИҲ ҚИЛГАНЛАР МУСТАСНО

Бу дунёда ҳамма касодда. Фақатгина иймон келтириб солиҳ амал қилган кишилар ютуқ, муваффақият ва нажотга эришади.

Аллоҳ Аср сурасида бундай дейди:

وَالْعَصْرِ إِنَّ الْإِنْسَانَ لَفِي خُسْرٍ إِلَّا الَّذِينَ آمَنُوا وَعَمِلُوا الصَّالِحَاتِ

«Асрга қасамки инсонлар касотдадирлар. Фақат иймон келтириб амали солиҳ қилганлар касодда эмаслар».

Хоҳ дунёни сотиб оладиган бой бўлсин, хоҳ дунёдаги энг кучли одам бўлсин, хоҳ дунёдаги энг ақлли кашфиётчи бўлсин, агар у иймон келтириб, солиҳ амал қилмаса касодга учрайди. Мағлуб бўлади. Аллоҳ Қуръонда марҳамат қилади:

لِلَّذِينَ اسْتَجَابُوا لِرَبِّهِمُ الْحُسْنَى وَالَّذِينَ لَمْ يَسْتَجِيبُوا لَهُ لَوْ أَنَّ لَهُمْ مَا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ أُولَئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ وَبِئْسَ الْمِهَادُ

«Парвардигорлари (даъвати)га ижобат этганлар учун гўзал мукофот (жаннат) бордир. Унга ижобат қилмаганлар эса, мабодо ердаги бор нарса (яна) икки баробар (кўпайиб) уларники бўлса, уни (Аллоҳнинг азобидан қутулиш учун) фидо қилган бўлур эдилар. Улар учун ёмон ҳисоб-китоб бўлур. Уларнинг (борар) жойлари жаҳаннамдир. Нақадар ёмон жой у!» (Раъд сураси, 18-оят).

Иймон келтирмасдан қилинадиган ҳар қандай хайрли ишдан охиратда ҳеч қандай фойда бўлмайди. Бугун еганимиз эмас, берганимиз эртага бизга ас қотади. Бугун кийганимиз эмас, кийдирганимиз бизга фойда беради.

Пайғамбаримиз соллаллоҳу алайҳи васаллам:

أَيُّمَا مُسْلِمٍ كَسَا مُسْلِمًا ثَوْبًا عَلَى عُرْىٍ كَسَاهُ اللَّهُ مِنْ خُضْرِ الْجَنَّةِ وَأَيُّمَا مُسْلِمٍ أَطْعَمَ مُسْلِمًا عَلَى جُوعٍ أَطْعَمَهُ اللَّهُ مِنْ ثِمَارِ الْجَنَّةِ وَأَيُّمَا مُسْلِمٍ سَقَى مُسْلِمًا عَلَى ظَمَإٍ سَقَاهُ اللَّهُ مِنَ الرَّحِيقِ الْمَخْتُومِ

“Қайси бир мусулмон кийими йўқ мусулмонга кийим кийдирса, Аллоҳ унга жаннатнинг яхши кийимларидан кийгизади. Қайси бир мусулмон қорни оч мусулмонга таом берса, Аллоҳ уни жаннат мевалари ила таомлантиради. Қайси бир мусулмон сувсиз, чанқаган мусулмонга сув берса, Аллоҳ азза ва жалла уни раҳийқи махтум[1]дан сероб қилади”, дедилар.

Демак учинчи илоҳий қонун, солиҳ амал қилганлар неъматда, иймон ва солиҳ амалдан йироқда ҳаётини кечирганлар касотда бўлар экан.

[1] Муҳрланган, ниҳоятда пок-тоза ичимлик маъносини англатади. Қуръони каримнинг Мутаффифун сураси, 25-оятида келган.

Одилхон қори Юнусхон ўғлининг 
"ИЛОҲИЙ ҚОНУНЛАР" китобидан