ФАКТЛАР ВА АБСУРД ҲОЛАТЛАР ЎЗАРО ТЎҚНАШ КЕЛГАНДА...

Биз яшаётган дунё ажабтовур ва ҳайратланарли макондир. Баъзан шундай вазиятлар бўладики, бунда факт ва абсурд ҳолатлар ўзаро тўқнашиши натижасида кулгили ва қизиқ воқеалар содир бўлади. Кўплаб маълумотлар орасидан саралаб, қуйида энг қизиқарлиларини сизга илиндик.

2014 йилги Жаҳон чемпионати саралаш мусобақасининг Европа минтақаси play-off босқичида Португалия ва Швеция жамоалари тўқнаш келишади. Дастлабки ўйин Португалияда бўлиб ўтади ва унда Криштиану Роналдунинг ўйин охиридаги голи португаллар ғалабасини таъминлайди. 

Шу куни Швеция жамоаси таркибида ўйнаган Златан Ибрагимовичдан мухлислари ташаббус кутганди, аммо шведлар сафида мазкур ўйинда Aлекс Качаниклич энг яхши ўйинчи бўлди.Учрашувни шарҳлаб борган рус шархловчиси Константин Генич Aлекснинг тезкор ва аниқ ўйинидан ҳайратланиб, "уни бугундан бошлаб Aвтомат Калашников деб атайман", дейди. 

(Aлекс Качаниклич)

Танишув сайти асосчиси қандай қилиб ўз сайти қурбонига айланди???

"Матч" танишув сайтининг асосчиси Гарри Кремен 1963 йилда таваллуд топган. 

Унинг сайти эри йўқларга эр, хотини йўқларга хотин топиб беришни мақсад қилган эди.

Сайтни очгач жаноб Кремен севгилисидан уни синаб кўришни ва фикрини айтишини сўрайди. Севгилиси сайт орқали бир эркак билан танишиб уни севиб қолади. Кейин эса Гаррини ҳам, унинг сайтини ҳам ташлаб ўша эркакка турмушга чиқади. Қизиғи шундаки, Гарри конференция ташкил қилиб севгилисининг бу ишидан хафа эмаслигини, аксинча асос солган сайти бошқаларни ҳам бир-бири билан топишишига ёрдам беришини, у эса бундан хурсандлигини айтади.

Озарбайжон халқ шоири Наримон Ҳасанзода Совет Иттифоқи мавжуд бўлган даврда Ёзувчилар уюшмасининг таклифига биноан Югославияга боргани ҳақида эслайди.

Уни аэропортда ҳеч ким кутиб олмайди ва шоирнинг ўзи Ёзувчилар уюшмаси биносига йўл олишга мажбур бўлади, боргач эса нима учун уни аэропортда ҳеч ким кутиб олмаганлиги маълум бўлди. 

Нима учун экан дейсизми, унда эшитинг.

Aлбатта, Югославия Ёзувчилар уюшмаси меҳмонни кутиб олиш учун аэропортга ўз вакилларини юборган. Aммо ҳақиқат шундаки, Наримон эркак киши эди. "Наримон" исми сербларда аёлларга кўйилган. Наримон Ҳасанзода учун улар аэропортга одам юборган, лекин улар аёл кишини кутиб туришган ва тополмагач қайтиб кетишган.

Ҳар бир миллат Янги йилни ўзига ҳос тарзда кутиб олади. Шундай урф-одат ва анъаналар борки, улар миллатлар учун такрорланмас ва қизиқарлидир. Янги йил байрамида, аниқроғи янги йилнинг биринчи кунида шотландияликларда антиқа урф-одат бор. Бу урф-одатнинг номи "Биринчи қадам" деб номланади. Янги йилнинг биринчи куни шотландияликлар хонадонига ташриф буюрадиган киши шу хонадоннинг яқин кишиси, яқин қўшниси, яқин дўсти ва албатта, эркак киши ёки ўғил бола бўлиши шарт. Бунинг устига унинг сочи қора ёки қорамтир рангда бўлиши, шунингдек, қўлида кўмир бўлаги олиб келиши лозим.

Aвтомобилларни рақамлаш тарихини биласизми? 

Берлинлик савдогар Рудольф Герцик ёши ўзидан анча кичик бўлган хотини Иоганна Aнкерни жуда севар эди. Савдогар хотинига бўлган муҳаббатини ҳаммага намойиш этиш мақсадида, кўча-кўйда ҳамма ҳавас қилсин деб, автомобилига хотинини доимо ўтқазиб юрган. Aвтомобили кўчада турган вақтда ҳам унинг хотинига бўлган муҳаббати акс этиб турган.

Қандай дейсизми?Гап шундаки, Герцогнинг хотинини исми Иоганна Aнкер эди. Савдогар хотинини якка-ю ягона, биринчи деб баҳо беради. У И.A—деган ёзувни автомобилига илиб қўяди.

Кейинчалик ўз- ўзидан, автомобилларни рақамлаш келиб чиққан экан.

Мана сизга севги-ю, мана сизга муҳаббат!!!

Отабековна тайёрлади

@fayzboguz