Автомашина олди-соттисидаги фирибгарлик
Ички ишлар вазирлиги
Шу йил 31 июль куни Тошкент шаҳрининг Сергели туман ИИБга тушган ҳужжатларга кўра, 2017 йил 17 декабрь куни Олмазор туманида яшовчи Қ.С. Янги Сергели кўчасида жойлашган автомашина бозорида фуқаро С.Д.га тегишли “Нексия” русумли автомашинани Тошкент вилояти Олмалиқ шаҳрида яшовчи Д.Э.га сотишини ва автомашинани бир неча кун ичида номига расмийлаштириб беришини айтиб, алдов йўли билан ундан 6 050 АҚШ доллари олиб, берган ваъдасини бажармай пулларни ўз эҳтиёжлари йўлида ишлатиб юборганлиги кўрсатилган. Қ.С.ни ушлаш чоралари кўрилган. Ҳолат юзасидан жиноят иши қўзғатилиб, кўрилган чоралар натижасида Қ.С. қўлга олинган. Тергов ҳаракатлари давом этмоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси