#AsteakEmana
LAB Zerbitzu PublikoakZerbitzu publikoetan asteak eman duena
Resumen semanal de lo acontecido en los servicios públicos
Greba eguna izan da gaur Araba, Bizkaia eta Gipuzkoako zerbitzu publikoetan eta 27.000 langile atera dira sektoreko soldata eta enpleguak hemen adostea eskatzeko. Xabier Ugartemendia Zerbitzu Publikoen Federazioko idazkaria Bilboko manifestazioan izan da eta adierazi du Hego Euskal Herrian, Madrilek mugatzen dituela enplegu publikoa eta bere lan baldintzak. “Muga hauek kentzea” eskatu du, “eta hemengo erakundeek hemengo enpleguaren eta lan baldintzen ardura hartzea. EAJk eta PSOEk Madrilen adostutakoa ez da nahikoa, hemen erabaki ahal izatea bermatzen ez duelako, eta inposatzen jarraitzeko aukera zabalik jarraitzen duelako. Gure zerbitzu publikoak hemen adostu eta hemen erabaki nahi ditugu”.
- Lehen orduko datuen arabera, EAEko sektore publikoko greba erantzun oso zabala izaten ari da
- La convocatoria de huelga en el sector público de la CAV está teniendo un seguimiento muy amplio
LABek ezezko borobila ematen dio gaur onartu den Hezkuntza Legeari eta borrokan jarraituko du hezkuntza-sistemak behar dituen eraldaketak gauzatu, burujabetzan sakondu eta eskola publikoa eta euskara ardatz dituen legea eskuratu arte. Prozesu luzea izan da hezkuntza legea osatzekoa, hezkuntza komunitateko sindikatu eta eragileok 3 urte luzeko borrokan murgildu gaituena. LAB Sindikatuak burujabetzan sakondu lezakeen lege berria erdiesteko aukera baliatu eta eragiteko determinazioa izan du hasieratik eta hori lortzeko ez dira falta izan legeari egindako ekarpen edo alegazioak, mobilizazio eta grebak edota trantsiziorako proposamenak.
- EAEko Hezkuntza Legea aukera galdu bat da etorkizuneko belaunaldiak euskalduntzeko
- La Ley de Educación de la CAV supone una oportunidad perdida para euskaldunizar a las futuras generaciones
LAB exige soluciones ante el aumento de agresiones internas y externas en Osasunbidea
Lan-gainkargako mahaietan Osasunbideko Laneko Arriskuen Prebentziorako Zerbitzuaren 2022ko memoria aurkeztu da. Horretan ikusten da kanpoko zein barruko erasoak nabarmen ugaritu direla. Zifra horiek direla eta, LABek ezinbestekotzat jo du langileak babesteko neurriak hartzea; neurri horiek, aldi berean, egoera salatu duen pertsonari erantzukizuna egozten dioten neurri hertsatzaileak alde batera uzteko balioko dute.
Estatuko Batzorde Paritarioko Idazkaritzak egindako mehatxuari buruz, azaroaren 8ko bileran, sindikatu guztiek (LAB, CCOO, UGT eta ELA) eta patronalek (ANEIS eta OEIS) aho batez hitz eman genuen eragile bakoitzak bere ikuspegia azalduko zuela Estatuko Batzorde horrek Nafarroako hitzarmenaren eremu funtzionalaren inguruan sortutako zalantzei buruz, bai eta dagozkien argudio juridikoei buruz ere. Hori guztia, azaroaren 23ko bilerarako.
Irakaskuntza publikoko irakasleek urte asko daramatzate erosahalmenaren galera handia jasaten, % 20tik gorakoa kasurik onenean. Oso une konplexuan gaude eta erronka asko ditugu aurre egiteko hezkuntzaren esparruan. Ez da negoziatu ikasleen hezkuntza arreta eta irakasleen lan baldintzak hobetuko dituen aldaketarik. Hobekuntzak aipatzen ditugunean, ratioen, zuzeneko irakaskuntza saioen, burokrazia zein gehiegizko lan zamaren jaitsieraz ari gara, baita soldaten eta plantilen egonkortasunaren igoeraz ere.
Altsasuko Josefina Arregui Klinika Psikogeriatrikoko langileek gogorarazi dute klinikan hitzarmen propioa dutela eta 2022ko abenduaren 31n amaitu zela haren indarraldia.
Donostiako Udaltzaingoa Garbera merkatal gunearentzat lanean ari dela salatzen dugu
Denunciamos que la Policía Municipal de Donostia está al servicio del centro comercial Garbera
Zer irudituko litzaiguke Martin Ibabe Donostiako Segurtasun zinegotziak bere etxeko birgaitzeko lanak egiteko Udal brigadak erabiliko balitu, Eneko Goia alkatearen baimenarekin? Eskandalo bat, ezta? Bada, antzeko zerbait gertatu da, Udaltzaingoaren arduradun politikoa den Martin Ibabe zinegotziak, Eneko Goia alkatearen baimenarekin, Donostiako langile publikoak diren udaltzainak enpresa pribatua den Garbera Merkataritza Gune barruan lanean jarri baititu segurtasun lanetan.
%100eko jarraipena izan dute TUVISAn bigarren egunez deitutako lanuzteek
100% de seguimiento en la segunda jornada de paros de TUVISA
Gaur lanuzteen bigarren eguna izan da TUVISAn, eta berriro ere, erakutsi diote inoiz baino elkartuago daudela eta kudeaketa txarrak sortutako gatazka errealitate bat dela erakutsi diote langileek zuzendaritzari. Erabateko jarraipena izan dute dute goizeko 5:00etatik 9:00etara deitutako lau orduko lanuztearekin.
Aste honetan, LAB sindikatuak eta Osasun Departamentuak sinaturiko akordioaren ondorioz, martxan jarri dira Lehen Arretako eta Arreta Espezializatuko lan gainkargari buruzko lan mahaiak, bai eta oraindik onartua ez duten Osasunbideko langileen karrera profesionala garatzeko mahaia ere. LABek begi onez ikusten du hitzarturikoa betetzen ari dela, eta buru-belarri ari da lanean mahai horietatik atera daitezen Osasunbideko langile guztien lan-baldintzak hobetzeko neurriak.
LAB Sindikatua
Argi-ilunak bertako hitzarmenen lehentasuna ezartzen duen dekretuan
Luces y sombras en el decreto que establece la prioridad de los convenios de aquí
Bertako hitzarmenen lehentasuna ezartzen duen duen errege dekretua publikatu berri da. LABek argi ilunak ikusten dizkio jasotako edukiari. Izan ere, Autonomia Erkidegoetako hitzarmenei lehentasuna ezartzen zaie Estatukoen aurretik, baina baldintza batekin: langileentzat Estatuko hitzarmenak baino onuragarriagoak izatea. Azken zehaztapen horrek bertako negoziazio kolektiboa Estatukoaren menpe jarraitzea ahalbidetuko du. Edonola ere, testuinguru berriak bertako negoziazio kolektiboa babestu eta dagoeneko estatalizatu diren eremuetan hitzarmen propioak berreskuratzeko aukera eskainiko. Hori ez da automatikoa izango ordea, eta LABek bertako negoziazio kolektiboa berreskuratu eta indartzeko lanean jarraituko du.
- Nafarroako Gobernuak uko egin dio zerga bidez ia 2.000 milioi euro gehiago biltzeari, zerbitzu publikoak indartu eta garatzeko eta langileen bizi baldintzak hobetzeko erabil zitezkeenak
- El Gobierno de Nafarroa renuncia a recaudar casi 2.000 millones de euros más vía impuestos, que servirían para reforzar y desarrollar los servicios públicos y mejorar las condiciones de vida de la clase trabajadora navarra
- Egungo zerga sistema patronalaren neurrira egina dago eta zerbitzu publikoak nahiz herritarrak babesteko sakoneko aldaketa beharrezkoa da
- El actual sistema tributario está hecho a la medida de la patronal y es necesario un cambio profundo con el fin de cuidar a las personas y fortalecer los servicios públicos
Atzo, immigrazio lege arrazista eta xenofoboa onartu zuten Parisen. Sindikatu abertzale, ezkertiar eta antiarrazista gisa, testu honen edukia salatzen dugu, Estatu frantseseko migrazio-politika bortitza eta inhumanoa larriagotu egingo baitu. Azpimarratu nahi dugu Vincent Bru diputatuak alde bozkatu duela Florence Lasserre abstenitu dela. Lotsagarriak zirezte! Bestalde, Frédérique Espagnac senatariak eta Iñaki Etchaniz diputatuak testuaren aurka bozkatu zuten. Haien erabakia goresten dugu.
- Migratzaileen Nazioarteko Eguna: Hipokrisia gutxiago eta konpromiso erreal gehiago
- Día Internacional de las personas Migrantes: Menos hipocresía y más compromisos reales
LAB, ELA, ESK, STEILAS, CGT/LKN, CNT, HIRU eta EHNE sindikatuok mobilizazioak egin ditugu gaur Bilbon, Donostian, Gasteizen eta Iruñean Sareren Konponbiderako giltzak ekimenaren baitan. Presoen etxeratzea eskatu eta, nola ez, urtarrilaren 13an Bilbon egingo den manifestazioan parte hartzeko deia luzatu diegu langileei.
Hego EHan garatu den zerga politikak aberastasunaren birbanaketa justuari atea itxi eta aberastasun handiak, ondasunak eta enpresa mozkinak babestu ditu.
Bideoak
Kaleak hartu ditugu gure zerbitzu publikoak hemen adostu eta hemen erabakitzea eskatzeko
Hemos tomado las calles para reclamar que nuestros servicios públicos se acuerden y decidan aquí
ANFASeko langileen %90 greba egin dute hitzarmen duin baten alde