Андижон вилоятида аҳолини ижтимоий ҳимоя қилиш ва кўмакка муҳтож оилаларни моддий қўллаб-қувватлашга қаратилган тизимли ишлар амалга оширилмоқда
Мамлакатимизда кейинги йилларда муҳтарам юртбошимиз томонидан кам таъминланган ва эҳтиёжманд оилаларни манзилли қўллаб-қувватлашга, уларни ижтимоий муаммоларини ҳал қилиш ҳамда моддий кўмак кўрсатишга алоҳида эътибор қаратилмоқда.
Хусусан, аҳолини ижтимоий ҳимоя қилишга қаратилган тизимли ишларни давом эттириш ҳамда моддий ёрдам ва кўмакка муҳтож оилаларнинг фарзандларини кийим-бош тўпламлари, мактаб формаси ва ўқув қуроллари билан таъминлаш харажатларини бюджет маблағлари ҳисобидан қоплаш мақсадида муҳтарам Президентимизнинг 2021 йил 30 июлдаги ПҚ-5204-сонли қарорига асосан 2021 йил август ойида боқувчисини йўқотганлик пенсияси ёки нафақаси олувчи оилаларнинг 18 ёшга тўлмаган фарзандларига, ногиронлиги бўлган 18 ёшга тўлмаган болаларга ва «Темир дафтар»га киритилган оилаларнинг 18 ёшгача бўлган фарзандларига 500 минг сўмдан бир марталик моддий ёрдам пуллари бериш кўзда тутилган.
Бу борада ўтказилган хатловга асосан:
- «Темир дафтар»га киритилган 18 ёшгача болалари бўлган
1 минг 628 та оилалардаги 2 минг 991 нафар болаларга жами 1 млрд. 496 млн.сўм;
- Боқувчисини йўқотганлик пенсияси ёки нафақасини олувчи
13 686 та оилаларнинг 20 737 нафар 18 ёшга тўлмаган фарзандларига 10,4 млрд.сўм;
- ногиронлиги бўлган 13 626 та оиланинг 13 626 нафар 18 ёшга тўлмаган болаларга 6,8 млрд.сўм миқдоридаги маблағлар талаб этилиши ҳисоб-китоб қилинди.
Энг аҳамиятлиси шундаки, бир марталик моддий ёрдам миқдори боқувчисини йўқотган оилаларнинг вояга етмаган фарзандлари, ногиронлиги бўлган 18 ёшга тўлмаган болалар ҳамда «Темир дафтар»га киритилган оилаларнинг 18 ёшга тўлмаган фарзандларининг ҳар бири учун 500 минг сўмдан тўланади.
Шунингдек, қарорга асосан Пенсия жамғармаси вилоят бошқармаси томонидан бир марталик моддий ёрдам тўловлари учун зарур бўлган 17,2 млрд.сўм маблағлар тегишли тижорат банкларига молиялаштириб берилди ҳамда Марказий банк ва тижорат банклари томонидан нақд пул билан таъминлаш чоралари кўрилмоқда.
Мазкур бир марталик моддий ёрдам тўловлари боқувчисини йўқотганлик пенсияси ва нафақасини олувчиларга ва ногиронлиги бўлган 18 ёшга тўлмаган болаларга тўланаётган пенсия ва нафақалар билан бир вақтда тўлови амалга оширилади.
Жумладан, 15 498 нафар 18 ёшгача бўлган болалар учун 7,7 млрд.сўм бир марталик моддий ёрдам тўловлари пенсия ва нафақаси билан бирга банк пластик картасига юклаб берилди ҳамда 18 минг 864 нафар 18 ёшгача бўлган болаларнинг 9,4 млрд.сўм бир марталик моддий ёрдам тўловлари пенсия ва нафақа тўловлари билан бирга АТ «Халқ банки» сайёр кассалари орқали нақд пул шаклида етказиб берилиши назоратга олинди.
Ушбу қарор қабул қилиниши муҳтарам юртбошимиз томонидан кам таъминланган ва ижтимоий қўллаб-қувватлашга муҳтож оилаларнинг
18 ёшга тўлмаган фарзандлари учун кўрсатилаётган амалий ғамхўрликнинг яққол исботидир.
Пенсия жамғармаси Андижон вилояти бошқармаси
матбуот хизмати томонидан тақдим этилди