Академик лицей ўқувчилари Республика фан олимпиадаларининг совриндорлари бўлишди

Умумий ўрта таълим мактаблари, академик лицейлар ҳамда касб-ҳунар мактаблари ўқувчилари ўртасида асосий олимпиаданинг IV Республика босқичи Самарқанд вилоятида тарих, география, она тили ва адабиёт, ўзбек тили, тожик тили фанларидан ҳамда Навоий вилоятида кимё, биология, информатика ва ахборот-технологиялари, рус тили ва адабиёти, қозоқ тили, қорақалпоқ тили ва адабиёти фанларидан ўтказилди.

Ушбу олимпиадада қатнашган академик лицей ўқувчилари қуйидаги натижалар бўйича совриндор бўлишди.

1. Кимё фанидан 1 ўрин — Бухоро муҳандислик-технология институти академик лицей ўқувчиси Жумаева Мукаррама.

 2. Биология фанидан 1 ўрин — Навоий давлат педагогика институти академик лицейи ўқувчиси Жавоҳир Иззатуллаев

 3. Биология фанидан 3 ўрин — Жиззах давлат педагогика институти академик лицейи ўқувчиси Мухторов Азизбек

 4. Информатика ва ахборот технологиялари фанидан 1 ўрин —Самарқанд иқтисодиёт ва сервис институти академик лицейи ўқувчиси Давлат Миракилов

 5. Информатика ва ахборот технологиялари фанидан 2 ўрин — Тошкент шаҳридаги Халқаро Вестминстер университети академик лицейи ўқувчиси Ким Святослав

 6. Ўзбек тили фанидан 3 ўрин — Самарқанд иқтисодиёт ва сервис институти академик лицейи ўқувчиси Бахромова Ирода

 7. Рус тили фанидан 3 ўрин — Тошкент шаҳридаги Халқаро Вестминстер университети академик лицейи ўқувчиси Ким Александра

Ҳукумат қарорига мувофиқ асосий олимпиаданинг тўртинчи босқичида ғолиб бўлган ҳар бир ўқувчига қуйидаги миқдорда пул мукофотлари берилди:

1-ўринни эгаллаган ўқувчига — базавий ҳисоблаш миқдорининг

12 баравари;

2-ўринни эгаллаган ўқувчига — базавий ҳисоблаш миқдорининг

8 баравари;

3-ўринни эгаллаган ўқувчига — базавий ҳисоблаш миқдорининг

6 баравари.

Шунингдек, асосий олимпиаданинг тўртинчи босқичида 1, 2, 3-ўринларни эгаллаган ўқувчиларга ихтисослик фани бўйича давлат олий таълим муассасаларига кириш имтиҳонларида максимал балл олиш ҳуқуқини берувчи ва уч йил муддат давомида амал қилувчи электрон сертификатлар тақдим этилди. 

Олий ва ўрта махсус таълим вазирлиги
Ахборот хизмати