Akademik Xolboy Ibraimov bilan unutilmas uchrashuv...
Qoʻqon universitetida Oʻzbekiston pedagogika fanlari ilmiy tadqiqot instituti direktori, akademik Ibraimov Xolboy Ibragimovich bilan "Buyuk ajdodlarimizning munosib vorislari" mavzusida adabiy-badiiy uchrashuv boʻlib oʻtdi.
Dastlab, akademik Xolboy Ibragimovich universitetda talabalarga yaratilgan imkoniyatlar, yotoqxona, universitet moddiy texnik bazasi, sport kompleksidagi shart-sharoitlar va axborot kutubxona markazi faoliyati bilan yaqindan tanishtirildi.
Soʻngra, adabiy-badiiy uchrashuvga taklif etildi. Uchrashuv davomida akademik Xolboy Ibraimov ishtirokchilarga vatanparvarlik, ilm egallash, inson kamoloti, ta'lim-tarbiyani qanchalik muhimligi haqida soʻzlab berdi.
Shuningdek, akademik Xolboy Ibraimov Qoʻqon universiteti Raqamli texnologiyalar va Matematika kafedrasi oʻqituvchisi Mamajonov Sanjarbek Mirzayevichni fizika-matematika fanlari boʻyicha falsafa doktori (PhD) dissertatsiya ishini muvaffaqiyatli himoya qilgani bilan tabrikladi.