Адкрытыя колы для беларускіх культурніцкіх дзеячаў у свеце

Яшчэ #магчымасці тут: https://t.me/sekktor

Хуткі дэдлайн:

Аўтарскі курс Валянціна Акудовіча ў Беларускім Калегіюме

Дэдлайн: 19 кастрычніка 2022 г. / 18:00 па Мінску

Калі: штосераду, з 19 кастрычніка па 9 лістапада ў Zoom. Час лекцый: 18:30–20:00

Вядомы беларускі філосаф пазнаёміць слухачоў з ягонымі ўлюбёнымі постацямі, кнігамі, ідэямі з еўрапейскай традыцыі думкі. Гэта не столькі акадэмічнае выкладанне філасофскага канона, колькі заангажаваны расповед, сумоўе з традыцыяй, якая не толькі глыбокая і істотная, але таксама жывая і блізкая.

Кароткі курс будзе прысвечаны еўрапейскай філасофіі, яе ідэям і постацям (ад Парменіда да Сёрэна Кіркегора і Марціна Гайдэгера)

Зарэгістравацца

Бясплатныя анлайн-курсы ў Вольным Беларускім Універсітэце

Дэдлайн: 22 кастрычніка 2022 г.

Універсітэт паўстаў з ініцыятывы 59 вядомых беларускіх навукоўцаў, дзеячаў культуры і мастацтва, журналістаў, палітыкаў і грамадскіх дзеячаў

Зараз ідзе набор на наступныя курсы:

Аналіз медыятэксту для тых, хто вывучае англійскую мову як замежную (на англійскай)
Усе мы родам з дзяцінства? (культуралагічны аналіз традыцый дзіцячай літаратуры Беларусі і Еўропы) (на рускай)
Інтэграцыйныя працэсы і інстытутуцыі Еўрапейскага саюзу (на беларускай)
Падрыхтоўка трэнераў медыяцыі (на рускай)
Палітычная англійская мова ў часы палітычнай нестабільнасці (на англійскай)
Канфлікты на еўразійскай прасторы (СНД) (на рускай)

Падрабязнасці тут

“Рабі смела!” – базавы анлайн-курс па арганізацыі мерапрыемстваў

Для каго: актывісты, якія пачынаюць свой шлях у арганізацыі мерапрыемстваў і не маюць (або маюць мала) досведу ў арганізацыі івэнтаў (анлайн/афлайн)

Дэдлайн: 20 кастрычніка 2022 г.

Калі пройдзе: 3 лістапада - 15 снежня 2022 г.

Курс ладзіцца арганізацыяй “Іншыя”.

Ён дапаможа:

• зразумець агульную логіку падрыхтоўкі і правядзення мерапрыемстваў;

• вызначыць мэтавую аўдыторыю;

• даведацца пра асаблівасці анлайн і афлайн-фарматаў;

• скласці бюджэт івэнта;

• даведацца, як ладзіць мерапрыемствы з улікам скразных каштоўнасцяў;

• ведаць, як іх прасоўваць.

Удзельнікі, якія паспяхова завершаць курс, атрымаюць сертыфікаты.

Тэорыя будзе даступная на анлайн-платформе.

Практычная частка будзе праходзіць у у Zoom 1 раз на тыдзень – чацвер, 19:00 па Мінску

Важна мець ідэю будучага мерапрыемства. Вітаюцца ідэі любога фармату і маштабу.

Даведацца больш

Конкурс грамадскага фонду імя Генрыка Вуйца

Для каго: беларускія ўцекачы ў Польшчы

Дэдлайн: 21 кастрычніка 2022 г.

Можна атрымаць грант на праект, скіраваны на дапамогу ўцекачам у Польшчы.

Хто можа падаць праект:

група ўцекачоў з мінімум 3 чалавек
арганізацыі (асацыяцыі, фонды), у якіх дзейнасць ажыццяўляецца ўцекачамі
мясцовыя арганізацыі нацыянальных або этнічных меншасцяў, дзейнасць у якіх ажыццяўляюць уцекачы.

Якія праекты чакаюць:

арганізацыя груп падтрымкі, якія рэагуюць на патрэбы ўцекачоў
узмацненне здольнасці ўцекачоў да самаарганізацыі або супрацоўніцтва з мясцовай супольнасцю
інтэграцыя уцекачоў і мясцовай супольнасці

Сума падтрымкі:

Фіз.асобы – да 3 500zł (каля 730 еўра)

Арганізацыі – да 10 000 zł (каля 2000 еўра)

Падрабязней

Бясплатны анлайн-курс «Напісанне праектаў» на англ. мове ад SYMPA

Дэдлайн: 23 кастрычніка 2022 г.

Старт: 29 кастрычніка 2022 г.

Вы даведаецеся:

Што такое праектны цыкл і ацэнка патрэбаў, мэтаў і задач праектных прапаноў;
Як будуецца працэс праектнай прапановы: ад напісання да атрымання вынікаў;
Асноўныя паняцці / гласарый, дадатковы слоўнікавы запас па неабходных тэмах для напісання праекта.

Даведацца больш

Школа маладога пісьменніка

Для каго: маладыя людзі да 35 гадоў

Дэдлайн: 25 кастрычніка

Школа працуе як нефармальны адукацыйны праект для дарослых. Заняткі будуць праводзіць літаратары, педагогі, даследчыкі і навукоўцы са шматгадовым вопытам працы і з акадэмічнымі ступенямі ў галіне філалогіі.

Фармат: анлайн.

Калі: лістапад 2022 - травень 2023, па суботах.

Старонка праекта

Конкурсы:

Літаратурны конкурс пад назвай «Мы пасля 24 лютага 2022 года»

Для каго: пісьменнікі, якія пішуць на беларускай, польскай, украінскай, рускай ці англійскай мовах

Дэдлайн: 30 лістапада 2022 г.

Аўтарскае аб'яднанне ZAiKS і фонд KARTA чакаюць тэксты - аўтэнтычныя сведчанні і фіксацыю эмоцый людзей - якія пасля брутальнага нападу Расіі на Украіну мелі асаблівыя перажыванні і хочуць падзяліцца імі праз мастацкае выказванне.

Пераможцы атрымаюць грашовыя ўзнагароды.

Падрабязней

Адукацыя:

Адукацыйны курс па асновах менеджменту арганізацый грамадзянскай супольнасці (Беларускі дом правоў чалавека імя Б. Звозскава)

Дэдлайн: 31 кастрычніка 2022 г.

Калі пройдзе: лістапад 2022 – сакавік 2023

Курс будзе складацца з:

• самастойнага вывучэння ўдзельнікамі і ўдзельніцамі матэрыялаў на анлайн-платформе;

• групавых анлайн-заняткаў з экспертамі курса працягласцю 2-3 гадзіны;

• выканання практычных заданняў з атрыманнем зваротнай сувязі;

• 2-х афлайн 3-дзённых трэнінгаў у снежні 2022 (Грузія) і сакавіку 2023 (Літва).

Удзельнікі/-цы курса падвысяць свае веды і ўменні па наступных тэмах:

• роля і функцыі арганізацый грамадзянскай супольнасці (АГС);

• падыход, заснаваны на правах чалавека, і скразныя каштоўнасці ў дзейнасці АГС;

• планаванне ў АГС, распрацоўка праектаў;

• лідарства ў АГС; матывацыя, праца каманды, вырашэнне канфліктаў;

• ацэнка патрэбаў мэтавых груп;

• маніторынг і ацэнка эфектыўнасці дзейнасці;

• прынцыпы добрасумленнага кіравання (good governance), забеспячэнне ўстойлівасці арганізацыі.

Для каго: прадстаўнікі і прадстаўніцы беларускіх АГС, якія працуюць з тэмамі правоў чалавека. Магчымы ўдзел 2 чалавек ад арганізацыі. Пры адборы ўдзельнікаў перавага будзе наддавацца:

• арганізацыям/ініцыятывам, якія пачалі сваю працу пасля жніўня 2020;

• заяўнікам, якія далучыліся да больш дасведчаных арганізацый за апошнія 2 гады і маюць недастатковыя кіраўнічыя кампетэнцыі.

Даведацца больш

Стыпендыі:

Каледж Еўропы адкрывае прыём заявак на 2023-2024 навучальны год

Дэдлайн: 18 студзеня 2023 г.

Каледж працуе ў двух кампусах у дзвюх прымаючых краінах, у Бруге (Бельгія) і ў Натоліне (Польшча)

Вы можаце падаць заяўку на некалькі магістарскіх праграм, якія будуць праходзіць альбо ў Бруге, альбо ў Натоліне. Напрыклад, еўрапейскія эканамічныя даследаванні, еўрапейскае права, еўрапейскія палітычныя і дзяржаўныя даследаванні або даследаванні міжнародных адносін і дыпламатыі ЕС.

Сярод краін, з якіх прымаюцца студэнты – Беларусь.

Падрабязнасці

Гранты:

Праграма падтрымкі беларускай незалежнай журналістыкі і медыямастацтва (Nordic Media Grants)

Для каго: беларускія незалежныя СМІ, журналісты, стваральнікі медыякантэнта

Дэдлайн: 6 лістапада 2022 г.

Вітаюцца медыяпраекты па наступных тэмах:

• мэты ўстойлівага развіцця (напрыклад: дэмакратыя, грамадзянская супольнасць, правы чалавека)

• гендэр і моладзь

Сума гранта: ад 5 000 да 30 000 EUR.

Падрабязней

Вакансіі:

Праект мабільнасці «MOST+»

Дэдлайн: 3 лістапада 2022 г.

Праект мабільнасці для беларусаў «MOST+» (які хутка запусціцца) шукае для супрацы:

Перакладчыка (працоўныя мовы EN, BEL, RUS)
Вэб-распрацоўшчыка для сайта/платформы праекта
Графічнага дызайнера

Заяўкі дасылайце на email natalia.yurouskaya@goethe.de

OEEC

Дэдлайн: 23 кастрычніка 2022 г.

OEEC шукае спецыяліста па праграмнай дзейнасці на поўную занятасць з магчымасцю працаваць афлайн (Грузія) або анлайн.

Абавязкі:

Распрацоўка дакументаў, працэдур, неабходных для рэалізацыі праектаў;
Правядзенне маніторынгу і ацэнкі праграмнай дзейнасці;
Складанне тэхнічных заданняў спецыялістам і экспертам;
Падрыхтоўка і рэалізацыя праграм анлайн-навучання;
Распрацоўка канцэпцый навучальных праграм, праектаў, анлайн-курсаў;
Удзел у планаванні бягучай дзейнасці і падрыхтоўцы справаздач;
Правядзенне працоўных сустрэч, трэнінгаў, фасілітацыя мерапрыемстваў.

Падрабязней

На сталай аснове:

Дапамога рэпрэсаваным беларускім даследчыкам і студэнтам ад Akademisches Netzwerk Osteuropa

Для каго: беларускія даследчыкі і студэнты, якія падвергліся палітычнаму пераследу або пацярпелі ад вайны ва Украіне

Мэта akno e.V.— дапамагчы навукоўцам і студэнтам працягнуць вучобу, выкладчыцкую ці даследчую працу ў нямецкіх ці еўрапейскіх універсітэтах і навуковых установах.

Чым дапамагае Akno?

індывідуальнымі кансультацыямі пацярпелым ад рэпрэсій ці вайны
наладжваннем кантактаў у акадэмічнай сферы ў Германіі, у тым ліку з патэнцыйным навуковым кіраўніком
пошукам месца навучання, выкладання або правядзення даследчай дзейнасці ў нямецкіх/еўрапейскіх ВНУ

Запоўніць форму

ARTISTS at RISK - творцам у групе рызыкі

Некамерцыйная сеткавая ўстанова на стыку правоў чалавека і мастацтва, ARTISTS at RISK дапамагае пераследуемым творцам, палягчае іх бяспечны выезд з краін іх паходжання, размяшчае ў арт-рэзідэнцыях.

Адмысловая заяўка для БЕЛАРУСКІХ творцаў і работнікаў культуры - дысідэнтаў, якія вымушаны былі з’ехаць з-за пераследу або палітычных пагрозаў.

Інфармацыя

Стыпендыя ArtUniverse

Для каго: харэографы, артысты тэатру і цырка, тэатральныя рэжысёры, культменеджары, творцы і тэхспецыялісты, якія ствараюць відэа.

Прапануюць 2 тыпы стыпендый:

Поўная стыпендыя. Прадастаўляеццца пры ўмове, што кандыдат возьме на сабе частку тэх.абавязкаў (падрыхтоўка памяшканняў, арганізацыя харчавання, дапамога з абсталяваннем)
Частковая стыпендыя. Прысуджаецца, калі кандыдат:

- падаў заяўку на атрыманне гранта для аплаты курсу ў іншыя фонды, некамерцыйныя і дабрачынныя арганізацыі, і яго/яе заяўка была адхіленая

- адчувае фінансавыя цяжкасці і можа гэта даказаць,

- абавязваецца наведваць кожны занятак,

- пагаджаецца аплаціць курс цалкам і атрымаць кампенсацыю пасля заканчэння курса.

Кампенсацыя прадугледжана за заключную частку курса (у залежнасці ад працягласці).

Падаць заяўку

Каталог творчых асоб

Для каго: творчыя асобы з Беларусі, Украіны і Расеі

Беларускі Свабодны тэатр аб'яўляе аб стварэнні Каталога дзеячаў тэатра, кіно і іншых творчых асоб, якія зараз знаходзяцца ў еўрапейскіх краінах. Ён дапаможа ў пошуку спецыялістаў і ў пошуку працы. Каталог стане асновай будучага цэнтра творчай камунікацыі, стварэнне якога ініцыюе Беларускі Свабодны тэатр.

Заяўка на ўключэнне ў Каталог складаецца ў адвольнай форме ў фармаце doc. У ёй трэба пазначыць:

грамадзянства
месца жыхарства
узрост
фатаграфія
валоданне творчымі прафесіямі
веданне моў і ўзровень валодання імі
уменні і навыкі

+ любая дадатковая інфармацыя (спасылкі на працы, водгукі і гэтак далей)

Заяўкі дасылаць на гэты адрас surfbelarus@gmail.com

Стыпендыя на 3 месяцы ў Берліне для медыя-мейкераў з Беларусі, Украіны і Расіі

Для каго: фатографы, журналісты, рэдактары, мастакі, ілюстратары, медыя-прадзюсары, якія былі вымушаныя бегчы ад ваеннай агрэсіі і зараз знаходзяцца ў Берліне

Дэдлайн адкрыты

Што прапануюць: стыпендыя 1 000 EUR на месяц, доступ да каворкінгу Berlin Media Hub, забеспячэнне жыллём па неабходнасці.

Інфармацыйны ліст з падрабязнасцямі

#StandWithUkraine: гранты на праекты, звязаныя з вайной ва Украіне

Для каго: грамадскія актывісты ці прадстаўнікі арганізацый грамадзянскай супольнасці

Заяўкі будуць разглядаць на пастаяннай аснове. Дэдлайн – 31 снежня 2022 г.

Памер гранту: да 5 000 EUR

Праектныя прапановы павінны быць скіраваныя на:

падтрымку ўкраінскіх бежанцаў і ўкраінскіх грамадзянскіх актывістаў,
барацьбу з парушэннямі правоў чалавека,
збор доказаў парушэнняў у гэтай сферы для правядзення ў будучыні расследаванняў,
супрацьдзеянне дэзінфармацыі аб крызісе і бежанцах.

Даведацца больш і падаць заяўку.

Конкурс грантаў ад Беларускага дома правоў чалавека імя Барыса Звозскава (2 500 - 20 000 еўра)

Для каго: арганізацыі і ініцыятывы грамадзянскай супольнасці Беларусі

Няма дэдлайну, але праекты будуць разглядацца да моманту сканчэння сродкаў.

Прапануюць падтрымку для праектаў у 4х катэгорыях: