АМАЛДАГИ САЪЙ-ҲАРАКАТЛАР 

Кундан-кун янгиликлар, изланишларга юз тутаётган жамиятимизда бугун улкан ишларни амалга ошириш йўлида кенг ислоҳотлар олиб борилмоқда. Газ таъминоти соҳасида шиддат билан эришилаётган натижалар бунга яққол мисолдир. 

Хусусан, “Ҳудудгаз Тошкент шаҳар” МЧЖ томонидан тумангаз таъминоти филиалларида ҳам қизғин иш бошланди. Айни дамда энг йирик лойиҳалардан бири ҳозир Юнусобод тумани “Бободеҳқон” маҳалласида олиб борилмоқда. Жорий йилнинг март ойига қадар “Бободеҳқон” маҳалласидаги 900 та хонадонларни 2 босқичли газ таъминотига ўтказиш ва табиий газ назоратининг автоматлаштирилган ҳисобга олиш тизимини (АСКУГ) жорий этиши белгиланди.

Катта куч ва катта жамоа штабига 7 та тумангаз таъминоти ҳамда Марказий диспетчерлик хизмати бўлимидан жами, 12 нафар ходим ва 40 нафарга яқин хизматчилар жалб этилди. Бундан ташқари иш жараёнида ишчи кучи ва механизмларга қўшимча эҳтиёж бўлиш эҳтимоли эътиборга олинган ҳолда, бригада ташкил этилди. Бир неча кун аввал бошланган жараёнда тақсимланган газ қувурлари бўялиб, эндиликда кўчаларга газ қувурларини қуриш-ўрнатиш ишлари бошлаб юборилди.

Ўз ишига масъулият билан ёндашаётган ходим ва ишчилар, қизғин иш жараён ҳақида ахборотларни тақдим этиб боришмоқда.

 “Ҳудудгаз Тошкент шаҳар” МЧЖ матбуот хизмати