AKSIYA EGALARI TUZILMASI
Депозитарий - UzCSD
Fevral oyi yakunlariga, ya’ni 2023 yilning 1 mart holatiga ko’ra, AJlarning soni 17 taga kamaydi va 612 tani tashkil etdi.
AJlar sonining keskin qisqarishiga bir necha AJlarning tugatilishi, shuningdek, ayrim AJlarning qayta tashkil etilishi va «Hududiy elektr tarmoqlari korxonasi» AJ va «Issiqlik elektr stansiyalari» AJ tarkibiga qo‘shib olinishi sabab bo‘ldi.
Mazkur o‘zgarishlar O‘zbekiston Respublikasi Prezidentining 27.03.2019 y. PQ-4249-son "O‘zbekiston Respublikasida elektr energetika tarmog‘ini yanada rivojlantirish va isloh qilish strategiyasi to‘g‘risida"gi Qarori talablarini bajarish maqsadida amalga oshirildi.
Aksiyalarning umumiy hajmi 11 487,4 mlrd.so’mga oshdi va 178 352,8 mlrd.so’mni tashkil etdi. Aksiya chiqarilishlari umumiy hajmining o‘zgarishiga shuningdek, “Navoiy kon-metallurgiya kombinati” AJning 15,0 trln.so‘mlik dastlabki aksiya chiqarilishi ham o‘z mutaassirligini ko‘rsatdi.
Davlat ulushining umumiy hajmi esa 88,4 mlrd.so’mga kamaydi va 134 415,9 mlrd.so’mni yoki aksiya chiqarilishlari umumiy hajmining 75,4 foizini tashkil etdi. Davlat ulushi mavjud bo’lgan aksiyadorlik jamiyatlarining umumiy soni 1 taga kamaydi va 220 tani tashkil etdi.
Telegram www.t.me/UzCSD
Facebook www.facebook.com/deponet.uz
Instagram www.instagram.com/uz.csd