⏺A3法律代表 #陳永豪大律師 主問A3
✨鑑於直播員未能聽到前面部分的主問，故此逐字稿並不包括A3當日在會展上班及離開會展部分的主問✨
辯：以及更加西邊都冇啦係咪？
A3：沒有
辯：你有冇經過過皇后街？
A3：有
辯：你有冇踏入修打蘭街至皇后街之間嘅德輔道西？
A3：有
辯：有冇踏入嗰個範圍嘅德輔道西嘅馬路？行車路，即係。
A3：淨係過馬路嘅時候行過，我多數時間都喺行人路
辯：有兩邊嘅路面㗎嘛？所謂東行、西行。你話過馬路，你講緊邊條馬路啊？
A3：大概係近向海邊嗰個出口位嗰個馬路。但係我講唔到街名
辯：你意思係你行向海邊嘅出口過馬路定係(聽唔到)？
A3：係由海邊嗰個出口位嗰度十字路口過馬路
辯：或者麻煩書記俾控方證物P61A(地圖)你睇，睇下會唔會補充到一啲資料
辯：頭先我地講緊德輔道西同埋呢兩條街之間嘅路段啦，我問你有冇踏入過行車路馬路上面，你話多數喺行人路，都係過馬路先會經過。
A3：我過馬路嘅時候係喺後邊呢度，係呢度後面
辯：地圖框線右邊外面嘅位置，干諾道西上面一個橫街嘅線，就係所謂德輔道西九跟住睇唔到後面啲字。總括嚟講就係地圖嘅正右方。
辯：好啦，咁有冇踏入過頭先我講嘅德輔道西嘅嗰個路段？繼續係修打蘭街同埋德輔道西中間。
A3：我係踏入過呢一個路段(用手喺地圖上圈)
辯：地圖上接近皇后街東行線嘅嗰個電車站，證人用一個鵝蛋型嘅手法圈住咗。
辯：所以我唔係關心德輔道西更東嗰邊嘅路段，我集中講緊修打蘭街同埋皇后街之間嘅德輔道西。你有冇踏入過呢個路段嘅馬路？
A3：馬路沒有
辯：你喺被制服之前有冇試過喺東行線、西行線直接橫跨過馬路？
A3：沒有
--中間堆問題少亂少複雜，抄唔切--
辯：你有冇諗過去案發現場支持任何人㗎？
A3：冇
辯：當時去到嗰度係咪為咗參與任何示威活動？
A3：不是
辯：你當時出現係咪為咗參與非法集結或暴動或任何非法活動？
A3：不是
辯：簡單嚟講，由你喺呢個地圖畫出你出現個位置計起，你當時自己仍然戴住嗰對手袖㗎？
A3：冇錯
辯：直至到被制服之前有冇除低過？
A3：沒有
辯：由你進入地圖個位置嗰下呢，你嗰雙護膝係咪仍然戴住？
A3：冇錯
辯：直至到被制服嘅時候都仍然戴住，你接受㗎係咪？
A3：係
辯：至於進入地圖嗰一刻，你有冇外科口罩？
A3：我冇戴到嘅，身上有，喺個腰包入面
辯：當時有冇嗰個3M防毒面罩？
A3：有，同樣喺個腰包入面
辯：你進入呢一個地圖範圍嗰一刻大概幾點？
A3：大概接近八點
辯：離開灣仔嗰陣你就冇外科口罩，接近八點你就有，咁你幾時由冇到有外科口罩？
A3：喺我喺地鐵站上地面嗰陣
辯：邊個地鐵站？
A3：上環B出口
辯：大概幾點？
A3：大概應該係七點九呢段時間
辯：如何得返嚟㗎？
A3：呢一個口罩係當我喺上環B出口出嘅時候，行咗兩步，有個...一名男子佢跑過嚟，質咗個口罩同豬嘴俾我
辯：兩樣嘢定係有其他嘢？
A3：兩樣嘢
辯：所謂豬嘴係咪就係嗰個3M防毒面罩？
A3：冇錯
辯：嗰個口罩就係畫面見到你被制服嘅初段仍然戴住嗰個，係咪？
A3：口罩，係
辯：呢名男子你認唔認識？
A3：不認識
辯：佢當時係一個人定係有其他人？
A3：佢係一個人
辯：俾兩樣物品你嘅時候有冇講其他說話？
A3：沒有
辯：你有冇對對方講任何說話？
A3：我有對佢講我唔需要呢啲嘢，將呢啲嘢嘗試俾返佢
辯：你話嘗試俾對方，即係你接近佢嘅，係咪？
A3：係
辯：咁你嘗試俾對方，對方咩反應？
A3：佢冇理會我，直接跑走咗
辯：咁你之後點處理呢兩樣物品？
A3：我原本諗住搵垃圾桶dale咗呢兩樣嘢佢，但係我喺附近搵唔到，我就暫時將佢放咗落個腰包到
辯：大家知道你有使用嗰個外科口罩嘅，邊個階段？
A3：喺我被拘捕之前嘅大概嗰一分鐘
辯：配戴上呢一個外科口罩嘅時候你身處邊一個地方？頭先嗰個地圖會唔會幫到你？
A3：可以
辯：邊條街？
A3：我身處德輔道西，接近海外信託銀行大廈
辯：相信當時繼續喺個腰包到攞出嚟戴啦，係咪？
A3：冇錯
辯：防毒面罩就一直留喺你個腰包入面？
A3：冇錯
辯：你離開上環地鐵站之前，知唔知德輔道西嗰度有示威活動？
A3：唔知道
辯：你進入去地圖範圍啦，進入之前你知唔知到嗰度有示威活動？
A3：唔知道
辯：講緊進入嗰個階段啦下。有冇知道例如TVB或者I-cable發放過警方呼籲？
A3：唔知道，當日冇睇過電視
辯：由你進入地圖，至到你戴上口罩嘅嗰一刻，有冇喺現場聽到警方嘅呼籲啊？
A3：呢一個我冇留意到
辯：警方嘅警告呢？
A3：當場亦都冇留意到
辯：警方嘅旗號呢？
A3：沒有
官：警方冇旗號定係...你沒有嘅意思係乜嘢？
A3：我沒有見到警方嘅旗號，法官閣下
辯：由你進入地圖嗰陣，直到你去到最遠表示三號嗰個位啦，期間...（引用開案陳詞第十八段）你喺進入地圖直到去到三字期間，你有冇見到有啲人喺雨傘後面作掩護啊？
A3：有
辯：你自己有冇喺雨傘後面作掩護啊？
A3：沒有
辯：第二樣就係，不斷高叫口號。你有冇聽到有人不斷高叫口號啊？
A3：我淨係聽到好嘈囉
辯：第三呢就係，手持及揮動鐵通、長棍及自製盾牌。你有冇見到？
A3：呢個我冇留意到
辯：你本人有冇高叫口號？
A3：沒有
辯：叫口號呢？
A3：沒有
辯：第四，頭先第三，揮動鐵通、長棍嗰啲，你有冇咁做啊？
A3：我本人沒有
辯：拖住載有磚頭嘅手推車，你見唔見到有人咁做啊？
A3：我見唔到有
辯：你本人有冇咁做？
A3：我本人沒有
辯：第五啦，向警方防線拋、擲磚頭及其他雜物。有冇見人咁做啊？
A3：我見唔到有
辯：你本人有冇咁做啊？
A3：我本人沒有咁做
辯：呢度要特別集中話duw雜物呢樣嘢問你，任何時間當晚你有冇咁做？
A3：當晚任何時間我都沒有咁做
辯：為咗完整起見，有冇企咗喺德輔道西嘅馬路，向差人duw雜物？
A3：沒有
辯：第六啦，用電筒向警方照射強光及用雷射筆向警方照射雷射光束。進入地圖直到三號為止，你有冇見人咁做啊？
A3：沒有
辯：你本人有冇咁做啊？
A3：我沒有咁樣做過
辯：第七款啦，係將啲卡板推向警方防線。你有冇見人咁做？
A3：我冇見到有人咁做
辯：你本人有冇咁做？
A3：我本人沒有
辯：第八款，拋啲物品包括路牌、指示牌...製造響聲噪音。你有冇見到或者聽到有人咁做過？
A3：我沒有見到或者聽到有人咁做過
辯：呢一連串嘅問題，同你答咗個問題，你之前話聽到好嘈喎。你當時講嘅好嘈，分唔分辨到係咩聲音嚟㗎？
A3：我分辨唔到，我只係聽到一大堆嘈吵聲喺度
辯：第九款，破壞閉路電視鏡頭。你喺現場有冇見到有人咁做？
A3：沒有見過
辯：你本人有冇咁做？
A3：我本人沒有咁做
辯：第十款，將警方施放嘅催淚煙踢回及擲或者掟回啦，警方方向。有冇見人咁做？
A3：我冇見到有人咁做
辯：你自己有冇咁做？
A3：我自己沒有咁做
辯：好啦，呢塊就適合解釋咁點解你要戴上嗰個外科口罩呢？你講嘅去到海外信託大廈你就戴上呢個口罩。問題係，點解啦？慢慢講
A3：當其時，我行到去德輔道西近海外信託銀行大廈嘅時候呢，我就見到前方係有警察同埋示威者。之後我就了解到呢條路行唔到去我食飯嘅地點。因為我認為已經俾兩班人封住咗，所以我就向東面離開。
辯：咁你就行行下返轉頭啦，咁個口罩呢？你返轉頭嗰陣戴咗個口罩未？已經戴咗定係未戴？兩個答案
A3：未戴。返轉頭之後啦，我就聽到示威者嗌褪(tan3)後。之後就有人喺我背脊㧬(ong2)我向前，並且(聽唔到)
辯：㧬(ong2)你向前即係向德輔道西嘅東面定西面？
A3：東面。之後嗰一刻我亦都聞到一個好刺鼻嘅味道，覺得係吸入咗一啲氣體而不適，所以我戴上口罩。
辯：點解係戴呢個外科口罩而唔係嗰個3M防毒面罩嘅？
A3：我唔係好清楚佢嘅用途同埋用法
辯：咁喺反方向啦，去返東面。可唔可以成功戴上你嘅口罩？
A3：我有戴到
辯：點解會向嗰邊行？其後又有警察捉呢？
A3：因為我後面一直有人㧬(ong2)我，之後行去東面。然之後呢，去到大概喺德輔道西皇后街交界近呢個德輔大廈嗰個位呢，就俾人從後推跌，撞咗向一個電箱。之後我跌咗出馬路，跟住我就發覺我俾人從後抱住咗，之後我先知道嗰一個係警務人員，然之後佢就將我拘捕。
辯：拘捕嗰陣包唔包括管有攻擊性武器呢一個罪名？
A3：包括
辯：逐把刀講，嗰個𠝹刀先啦。你帶埋呢把𠝹刀去現場有咩目的？
A3：呢把刀係我返工嘅時候使用嘅，咁因為公司提供嘅數量有限，唔見就冇。所以我就將佢袋喺身，預防整唔見
辯：係唔係帶去現場作任何破壞或傷害他人身體而用㗎？
A3：唔係
辯：至於嗰把萬用𠝹刀同埋𠝹刀嘅用途有冇分別啊？
A3：有。把萬用𠝹刀係我帶住，唔見咗把𠝹刀嘅話我可以用
辯：咁有冇帶住把萬用𠝹刀去破壞或者傷害他人身體？
A3：沒有，同埋我想補充少少...把萬用刀同埋𠝹刀我淨係返工嘅時候用過
辯：現場冇用過？
A3：現場冇用過
辯：喺現場有冇諗過嚟用？
A3：沒有
辯：你剛剛話想補充？
A3：我而家開始補充。我把萬用刀，因為佢係有好多工具，我返工需要用，我平時都會用到。而且，把萬用刀上面係有叉同匙羹，我平時食飯都會用到。
辯：即係常常帶備喺身嘅？
A3：冇錯
辯：嗰把𠝹刀，唔洗返玩具反斗城返工，咁會唔會帶出街？
A3：平時唔會，因為平時提供嘅數量足夠，所以我唔需要帶走
辯：所謂平時，即係返舖頭啦，唔係平時即係返展銷呢啲情況？
A3：冇錯
辯：就由喺個三字擰轉身向東行啦，你有冇喺回程嘅時候作出嗰十樣裡面任何嘢？
A3：沒有
辯：喺嗰個階段有冇留意到現場有任何人做過嗰十樣嘢？
A3：喺嗰個階段我留意到沒有
辯：你點形容返轉頭向東行嘅步速啊？
A3：緩慢
辯：你當時前後左右有冇人啊？
A3：有
辯：點形容啊嗰個遠近？你同嗰啲人
A3：身貼身
辯：由三號去到皇后街交界啦，步速有冇改變啊你本人？
A3：有
辯：快咗或是慢咗？
A3：快慢都有
辯：你會點形容嗰個場面啊？由你喺三字行返轉頭嘅時候？講緊你點形容嗰場面啊？個氣氛同埋啲人
A3：混亂同恐慌
辯：喺你到三字位之前有冇呢啲混亂、恐慌嘅情況？
A3：沒有
辯：我講緊你擰轉身向東嗰一刻，出現咗混亂恐慌嘅場面未？
A3：並未
辯：知唔知道當時驅使或者導致呢個混亂場面係因為啲乜嘢？
A3：唔清楚
辯：你提及向東行有快過有慢過，乜嘢驅使由快變返慢？
A3：當時我塊面同埋個口都好辛苦啦，之後我嗰陣時睇唔到嘢，我係憑感覺去行
辯：三號返皇后街呢段路，你可唔可以自己自行決定你嘅步行速度㗎？
A3：唔可以
辯：係咪仍然前後左右都係人貼人㗎？
A3：係
辯：如果唔係撞到個電箱，你當時打算向邊個方向離開㗎？
A3：我打算一直直行
辯：你係唔係為著可以親身出現喺現場參與暴動或非法集結而身處喺現場㗎？
A3：唔係
辯：你係咪同任何在場或不在場嘅人士有著同一個犯罪計劃或者協議而出現喺現場㗎？
A3：唔係
辯：你喺現場出現有冇懷住一個同任何人一齊有犯罪嘅意圖㗎？
A3：沒有
辯：你有冇同意喺現場為著示威又好，以上講緊犯法嘅就係非法集結或者暴動啦，擔當任何角色㗎？
A3：我沒有擔當任何角色
辯：你有冇喺現場協助或教唆任何現場嘅人士啊？
A3：沒有
辯：有冇藉著你嘅出現，支持或者鼓勵現場人士做任何嘢？
A3：沒有
辯：你本人有冇喺現場做任何破壞社會安寧嘅行為？
A3：沒有
辯：你本人有冇喺現場作任何擾亂秩序嘅行為？
A3：沒有
辯：任何威嚇性、有侮辱性或者挑釁性嘅行為啊？
A3：沒有