⏺A2法律代表 #余珮詩大律師 盤問 PW3
辯:警員,就住本案,你係喺2021年5月24號早上1045落咗第一份口供,係咪?
PW3:係
辯:喺2021年之前從來冇錄過任何關於本案嘅口供嘅,係咪?
PW3:係
辯:喺2021年5月24號你落呢份口供嘅時候,係憑記憶落嘅,係咪?
PW3:啱
辯:頭先你就同主控講話你第一眼見到第二被告嘅時候,佢係喺彌敦道北行線由北向南跑去你到?
PW3:係
辯:你就話想截停佢、大叫警察。
PW3:啱
辯:嘗試截停佢、佢唔合作、頑強抗拒,呢個係你講法?
PW3:啱
辯:你就話「佢衝埋嚟我到,我用手截停,佢嘗試逃走,我捉住佢條腰嘅」,係咪?
PW3:係
辯:但係喺2021年5月24號呢份口供裡面,咁重要關於佢用手撥開你、你捉住佢條腰,然後雙雙倒地,係冇提到嘅?
PW3:係冇提到
辯:所以呢個係你今日第一次講嘅?
PW3:係
辯:我同你提議,呢個係你今日加落去嘅。
PW3:唔同意,係事實
辯:你可唔可以講第一眼見到第二被告嘅時間?
PW3:我相信應該係1446左右
辯:你制服咗第二被告之後,你係咪繼續處理第二被告?
PW3:係
辯:你同唔同意當你地制服第二被告嘅時候,第二被告有講話「好痛啊」、「透唔到氣」、叫醫生,記唔記得?
PW3:唔記得
📌播放P3(2)ATV錄影片段
辯:聽唔聽到有把聲話「好痛啊」、「透唔到氣」、要叫醫生,聽唔聽到啊?
PW3:聽到
辯:但係當時喺現場嘅時候你就冇留意啦?
PW3:係
辯:你同唔同意事實上第二被告俾你地制服咗之後,其實佢已經冇郁動?
PW3:唔同意
辯:但係個片段係見到佢冇郁㗎喎
-重播相關片段-
辯:而家個時間係00:09:51,我地見到(第二被告)撳低咗、訓低咗喺地下㗎啦,我地可以播多少少。
-繼續播放-
辯:個片段係睇唔到佢郁嘅,同唔同意?
官:再繼續啊,未完。
-繼續播放-
辯:我地頭先喺00:10:56,見到著住灰色短袖t shirt嗰個警員,係咪你嚟?
PW3:可唔可以播多次?
-播放片段-
辯:00:10:50,見到一個著住灰色短袖T shirt,撳低咗...
PW3:係,係我嚟
辯:頭先畫面大概00:11:14,就見到你負責抬起第二被告行埋一邊?
PW3:係
辯:你同唔同意制服咗第二被告之後,係曾經有警員跪過佢條頸?
PW3:我見唔到
辯:你同唔同意當你地抬佢離開路邊嘅時候,其實佢已經暈咗?
PW3:我唔同意
辯:由你地抬佢離開路邊直至上警車,佢都冇行嘅,同唔同意?
PW3:唔同意
辯:你記得唔記得當時警車上面係咪已經坐滿咗疑犯同埋警員?
PW3:係有疑犯同埋警員
辯:你記唔記得當時係有警員需要企喺架警車嘅走廊位置?
PW3:我都係企喺走廊位置,近車門
辯:你記唔記得當你地抬第二被告上車嘅時候,你安排咗乜位置比第二被告或者邊個警員安排位置俾第二被告?
PW3:我記得係警員11804,帶咗被告上車之後,喺右手邊單排近車門第二個座位坐低
辯:你地制服咗第二被告至到帶佢上咗警車呢段時間,第二被告都係暈咗嘅。
PW3:唔同意
辯:當你地帶第二被告帶上車之後,你地只係將佢隨便擺喺地下,佢個頭只係枕咗喺個座位上面。
PW3:唔同意
辯:你會點形容架警車個燈光,光亮定昏暗?
PW3:昏暗
辯:直至第二被告去到長沙灣警署之後,佢先醒返嘅,同唔同意?
PW3:唔同意
辯:喺責任上都要問返啦,根據我嘅紀錄,喺2017年5月18號嘅時候,你有一個紀律聆訊嘅,係咪?
PW3:係
辯:嗰次係咩事?
PW3:因為某件事件,話我係有啲情況冇跟到警例去做出
-盤問完畢,本人手指已告廢-