⏺A24法律代表 #黃錦娟大律師 盤問PW62偵緝警員17534 陳超勁

✨此逐字稿只牽涉辯方盤問PW62夾口供相關的內容，敬希留意✨

辯：我同你指出，有可能一啲咁嘅紀錄都係你自己嘅意思㗎咋。同意定唔同意阿？

PW62：唔同意

辯：不過係2020年3月之內，你知唔知15944就住呢間事件喺法庭俾口供啊？

PW62：我冇留意

辯：就住你喺庭上睇過嗰咁多條嘅片段，就住呢啲片段你需要審視嘅時間而指出不同嘅被告人。其中一個可能嘅原因，就係呢啲片段係揀出嚟俾你睇㗎，所以其實你應該知道裡面有啲被捕人你係可以搵到出嚟㗎。同意定唔同意啊？

PW62：唔同意

辯：亦都因為咁，喺法庭上高，你用好快嘅時間，一分鐘計，就喺片段裡面指出你話你肯定係某啲被告人嘅片段，同意定唔同意啊？

PW62：唔同意

辯：亦都因為同一個原因，所以點解每一條播比你嘅片段喺庭上高，都認到有被捕人㗎，永不落空啊？

PW62：我唔同意

辯：我同你指出呢，有可能你同15944就住喺庭上嘅片段認到人嘅原因係因為你地自己傾過或者有其他人話俾你地聽㗎。同意定不同意啊？

-主控 #郭棟明大律師 反對問題，指出不應引述另一證人的證供，辯方更改問題-

辯：我嘅問題呢就係，有可能你係同15944係傾過片嘅問題嘅？

PW62：唔同意

辯：亦都因為你地有傾過嘅可能性，所以你可以喺片裡面指出話係A24嗰個人嘅？

PW62：唔同意

辯：或者係其他人話俾你聽㗎？類似嘅可能。

PW62：冇可能

辯：呢個就係15944佢喺法庭裡面所認出一啲嘅截圖、時間。睇列表七，04:21:23截圖時間，呢個你有可能係同15944夾過嘅，同唔同意啊？

PW62：唔同意

辯：另外一個時間，係關於列表18嘅，你指出嘅時間係04:56:36，記唔記得？呢個同你喺自己3月16日證人口供所帶出嘅時間係唔同㗎。04:56:42（附件33）個時間有可能就係你同15944傾過先至有呢個時間出咗嚟囉，有冇呢個可能啊？

PW62：唔好意思，講緊邊個時間啊？

辯：附件33，呢個時間

PW62：不同意

辯：舉多一個例子，就係你喺法庭到話睇過嘅警察片段。你喺嗰個列表裡面第53，03:37:58.24，見唔見到？

PW62：見到

辯：呢個時間亦都有可能你同15944都係傾過㗎，同唔同意啊？

PW62：唔同意

辯：因為呢個可能性，所以你地揀出嚟嘅時間係一樣，或者爭好少。同意定唔同意啊？

PW62：唔同意。

辯：除咗時間之外，其他物品嘅形容，例如粉紅色，你描述係濾心嘅防毒面具。粉紅色呢個都係你同15944傾過之後大家嘅共識嚟㗎，會唔會有咁嘅可能啊？

PW62：係我自己喺片段見到

辯：證人，你冇喺證人台上高如實講出你嘅證供㗎。

PW62：唔同意

辯：我同你指出，喺19年7月28日之後，直到你今日一直以嚟嘅證供你都一路喺度將你所謂辨認到嘅嘢嘅情況誇大咗㗎。

PW62：唔同意