⏺A2法律代表 #余珮詩大律師 盤問 PW2

📌播放P3(2)ATV錄影片段(影片連結)

00:09:49 暫停

辯：喺呢個時間，呢到有幾個警務人員撳低被告，你當時在唔在場，你見唔見到自己？

PW2：見唔到

辯：即係你見唔到自己？

PW2：見唔到

-繼續播放-

辯：嗰個片段大概喺00:10:03，就會聽到有啲聲話「好痛啊」、「透唔到氣」，嗰陣時你係唔在場㗎嘛係咪？

PW2：係

-繼續播放-

辯：而家係大概係00:10:14，都聽到話「好痛啊」、「好痛啊」，呢個階段你都係未到呢個地點嘅係咪？

PW2：喺附近

辯：但係就未到第二被告被撳低嘅地點？所以你就聽唔到第二被告話「好痛啊」呢啲說話啦？

PW2：聽唔到

-繼續播放-

辯：呢個時間係00:10:24，而家見到一個灰色短袖衫、黑色口罩、揸住盾牌喺螢幕中間，嗰個係咪你嚟？

PW2：係

辯：所以去到00:10:20你就真係去到呢個位置啦？

PW2：去到比較近第二被告嘅位置

-繼續播放-

辯：00:10:52，我地見到有三個警務人員喺第二被告身邊，有冇你份？

PW2：冇

-繼續播放-

辯：00:11:02，呢個灰色衫嗰個係咪你嚟？

PW2：唔係

辯：所以係呢個同事就撳住第二被告啦，係咪？

-控方反對問題，指出不應由PW2去評論(comment)影片顯示的畫面，辯方撤回問題-

辯：但係你就唔在場？

PW2：而家呢個時間我唔喺現場

辯：你喺00:10:02呢個畫面，你係唔係撳低第二被告嗰個警務人員，同唔同意？

PW2：同意

辯：00:11:13，有兩個警務人員抬走第二被告，都唔係你嚟嘅，係咪？

PW2：係

-法官要求回帶重播影片相關時段，00:？？:？？暫停並截圖，呈堂為P29_PW2-2-

辯：00:12:01，右手邊嗰個見到短袖衫、揸住盾牌嗰個警員係咪你嚟？

PW2：係我

辯：警員，頭先我地睇咗個片段啦，我地第一次見你出現個時間就係00:10:24，記唔記得？

PW2：記得

辯：你同唔同意由00:10:24至00:12:01期間，有個白色衫嘅幫辦叫你行去舖頭前面第二被告嘅位置，呢段時間其實你只係負責控制人群嘅。

PW2：當時係

辯：所以第二被告被帶走去到（抄唔切;()

PW2：同意

辯：你都唔可以確認第二被告嗰個狀態，係咪？

PW2：同意

辯：第二被告俾警員帶走嘅時候我地喺片段聽到去話「好痛」、「透唔到氣」，要叫醫生，其實佢之後已經暈咗架啦，所以去到00:12:01個位置，其實你係冇可能向第二被告施行警誡嘅，同唔同意？

PW2：我唔同意

辯：直至你帶第二被告上警車嘅時候，第二被告個狀態仍然係未醒嘅，同唔同意？

PW2：唔同意

辯：當日警車AM7175係咪坐滿咗警員同埋一啲疑犯？

PW2：係

辯：警車上面都係因為客滿所以有啲警務人員需要企喺到？

PW2：係

辯：除咗你之外，當時仲有其他警員企喺架警車上面，啱唔啱？

PW2：係

辯：當你00:12:01離開現場上警車嘅時候，你記唔記得係咪要成4至5名警員抬走第二被告？

PW2：係

辯：你係其中一個？

PW2：我係協助

辯：有冇負責抬？

PW2：有

辯：當時你抬走第二被告嘅時候，佢係冇戴口罩㗎嘛？

PW2：冇

辯：你就話第二被告係被安排去坐喺單邊數上嚟第四行，係咪？

PW2：係

辯：即係車頭上落嚟第四行？

PW2：車頭數去車尾第四行

官：計唔計司機嗰排？

PW2：計

辯：當時個車廂個環境係昏暗嘅？

PW2：唔同意

辯：當時其實佢係暈咗嘅，所以你地只係將佢放咗喺地上面，但係佢個頭就挨咗落個座位到嘅？

PW2：唔同意

辯：而第二被告係去到長沙灣警署先醒返嘅，同唔同意？

PW2：唔同意

辯：去到警署嘅時候，第二被告係同你講去要求睇醫生，但係你冇安排，同唔同意啊？

PW2：唔同意

辯：頭先你係話「我呢個時候就係用手銬將A2鎖上」嘅，同唔同意？

PW2：唔同意

辯：頭先我地喺片段見到(在PW2上手銬前A2已經被鎖上了手銬)

PW2：頭先我係話繼續使用膠手銬

辯：邊個階段？因為已經扣好㗎喇喎？

PW2：已經有同事扣好，所以我係話繼續使用膠手銬