⏺A14法律代表 #曾藹琪大律師 盤問PW34警長58151施卓然(2)
辯：琴日散庭之前，我們就講到差唔多推進開始。我地記得㗎啦，高陞街防線嘅時候你有走動嘅，喺高陞街防線你喺最前排嘅時候，你可以觀察到示威者嘅防線係佢地嘅頭一排啊？定係頭三排？定係幾多呢？
PW34：頭排就肯定睇到㗎啦，而尾排即係較後排嗰啲就睇到個大環境囉
官：嗰啲示威者係咪一排一排咁企？
PW34：因為佢哋都唔係咁整齊，即係group曬一堆咁
辯：而公道啲咁講，無論喺頭排定係頭五排都好啦，你都會形容示威者防線係有一個類似傘陣嘅排列，對嗎？
PW34：係
辯：雨傘都會阻擋咗你對於示威者、群眾後方嘅觀察，對嗎？
PW34：有部分係
📌播放C4 NOW直播片段
由20:00:14播放至20:01:06
-20:00:50時暫停-
辯：鏡頭影住示威者防線，對嗎？
PW34：對
辯：我地而家見到示威者防線嘅頭排啦，就係響一個西城六十大廈下面嘅。
PW34：見到
辯：如果從呢一個角度呢，你都會同意呢個鏡頭唔係平排咁影過去，係高少少咁影過去，同意嗎？
PW34：同意
辯：儘管由較高望落去，我地呢個位見到呢，傘陣都去到差不多係一個綠色燈箱，我地遲啲會見到係恆生銀行嘅位置嘅，同唔同意？
PW34：你嘅意思係呢個角度嚟講啊嘛？呢個角度嚟講係
辯：我同你提議呢，你推進時嘅位置包括係同示威者平排嘅角度再加上距離，你當其時可以見到示威者嘅情況會較呢一個畫面更少嘅。
PW34：喺推進嘅時候，我睇到嘅影像都係集中頭嗰排，而律師你問話我睇到嘅畫面係咪比較少，我就唔同意
官：你意思係你喺現場睇嘅就唔會好似一個長方格咁嘅情況？
PW34：係
辯：你可能會睇得闊啲，但係你睇唔到呢個畫面咁後嘅情況，同唔同意？
PW34：唔同意，我唔同意睇唔到呢個畫面更加後嘅情況
辯：我講緊嘅係啱啱推進嘅呢一個時候，而唔係你去到好埋嘅時候，你清楚㗎嘛？
PW34：我清楚
辯：睇到去邊個位？恆生銀行？有冇咁遠？
PW34：可以遠啲，因為我身嘅高度比較高，同埋前面嘅示威者佢唔係好似畫面咁定格，所以我話可以睇到後面嘅大環境
辯：換言之，喺示威者郁動嘅時候，你會響一啲空隙對較後方嘅位置作一個粗略嘅評估？
PW34：同意
由20:00:06播放至20:00:21
-20:01:15時暫停-
辯：基本上你一開始就急步，對嗎？
PW34：對
辯：而剛才喺頭先嘅畫面，我話喺西城六十下面聚集嘅人士亦都向後散去，同意？
PW34：諗諗先...同意
-20:01:20時暫停-
辯：我地會見返綠色燈箱，相信呢個冇爭議係恆生銀行嘅位置。剛才舉傘聚集嘅群眾係大概去到呢個位置。
PW34：同意
由20:03:16播放至20:03:23
辯：首先響20:03:16呢個位，我地見到匯豐銀行，同意？
PW34：同意
辯：匯豐銀行就喺皇后街同德輔道西交界。
PW34：同意
辯：呢個亦都係你，大約啦，截停同埋搜查第十四被告附近嗰間匯豐銀行，對嗎？
PW34：對
辯：而家望到呢個畫面最右手邊我地會見到恆生銀行，最左我地會見到匯豐銀行。
PW34：係
-展示截圖-
辯：(恆生銀行及匯豐銀行)中間我睇會見到三個商鋪，對嗎？
PW34：對
辯：我而家同你提議，就係當你響高陞街防線開始推進嘅時候，就住呢一張截圖顯示嘅德輔道西範圍呢，你係不能清楚掌握到個情況嘅。你唔能夠清楚觀察到呢一個範圍發生緊咩事嘅。
PW34：唔同意，未去到唔清楚，因為喺眼前發生嘅事我係清楚，即係個焦點。但係你話去到成條德輔道西去埋東行線嗰邊，我就真係睇唔到啦
官：如果你講緊一啲嘅別人嘅細動作，例如吐口水咁你見唔見到？
PW34：要視乎我係咪留意緊佢囉
官：呢個大場面，例如推進嘅時間呢五個圈有冇人聚集呢啲睇唔睇到？
PW34：呢五個靠近我嗰邊我會睇到
官：靠近德輔道西嗰邊你會睇到？
PW34：係
辯：警方喺高陞街嘅防線同示威者最後喺西城六十下面嘅防線大概八十米係咪啊你話？
PW34：麻煩你重複多次
官：佢話警方喺高陞街嘅防線同示威者最後喺西城六十下面嘅防線距離大概係八十米，話你講過。
PW34：約八十啦
辯：如果我地之後會睇返地圖，不過都同你確認下。由恆生銀行至到匯豐銀行大概三十米
PW34：二十至三十
辯：我同你指出，響眾多雨傘高舉再加上超過一百米嘅距離下，你係冇可能睇到最少匯豐銀行，講緊你啱啱起步推進嘅情況嘅
PW34：部分睇到啦
辯：你見到你面前呢個相簿呢，麻煩你掀去第二頁先。呢一福相片係喺米舖即係P57第三個檔案做出嚟嘅截圖嚟。呢個就係警方推進到去大概？？？嘅情況嚟。
📌播放C4 NOW直播片段
由01:17:33開始
辯：我地見到，睇番張相片，我藍色圈住嗰個位，中間到係有一啲人士舉住雨傘嘅，係咪？
PW34：係
辯：呢啲就係你地推進驅散嘅時候，嚟到呢個時間呢，我地見到匯豐銀行對出呢個位係人群擠迫嘅，呢個形容同唔同意？
PW34：就呢個畫面係
辯：其中一個原因，如果唔係唯一一個原因嘅話呢，就係前方聚集嘅人士，全部向後散去。
PW34：其中一個但又唔係全部嘅原因
辯：警方當日就住呢一段嘅推進呢，係冇追過後過皇后街嘅位置嘅，對嗎？
PW34：唔對，因為我唔知
辯：咁答案應該係我唔知，咁就會清晰啲啦。
PW34：知道
辯：你有冇見到向中環走嘅人群...或者我問返嘅地理上，如果呢啲向中環走嘅人群繼續向後往中環方向走的話呢，佢哋就會走出咗干諾道西啦？
PW34：我唔知
辯：法官閣下，或者呢一個相簿我想成為證物D14-3
官：好，繼續。
辯：下一個議題。你第一眼見到第十四被告，根據你琴日響一個地圖畫比我地睇嘅位置呢，佢就係喺匯豐銀行對出嘅位置啦。
PW34：係
辯：我唔重複你主問嘅證供，我直接同你指出你係響拉住第十四被告背部孭住嘅背囊嘅時候拉跌咗佢嘅，同唔同意？
PW34：同意。同一時間，即係我聲控期間我亦都有特登去拉佢
辯：所以你昨天喺主問時候就住呢一部分，你拉住佢係並不準確嘅。你琴日嘅證供就話「我立即追住佢，用右手拉住佢個背囊，勒令佢停喺到，佢就停左喺啱啱上左行人路匯豐銀行外面嘅位置，我嗌佢坐低。」其後主控個問題之後都有跟進咗有關嘅情況呢，你有一個證供係咁講嘅，「我叫佢坐低，佢有坐低」。
PW34：冇衝突，我嘅意思係我叫佢坐低同一時間我有用力拉，咁究竟佢係被我拉跌定係佢自己坐喺度呢，係同步嘅。因為佢唔自己坐低我亦都冇咁輕易拉住佢啦
-展示證人供詞-
辯：呢個係響2019年7月29日1500時錄取嘅紀錄嚟嘅？
PW34：係
辯：呢一段咁講啦，「見到有一名男子，（名字，十八歲，下稱AP）頭戴黑色頭盔，上身穿黑衫、下身穿黑長褲，孭住一個黑色背囊，右手手持一支黑色棍狀物體，向匯豐銀方向逃走，相信有參與未經批准集結。於是我立即用手拉住AP的背囊，並將他拉下。」，同唔同意呢個描述係好清楚你有拉第十四被告、拉低佢？
PW34：我係有拉低佢，即係拉低佢個背囊，到最後佢係坐低咗
-口供呈堂為證物D14-4-
辯：響播影片之前，我問返你一個問題先。你記得主控琴日都比過幾段有關制服同埋處理第十四被告嘅片段妳睇嘅？
PW34：係
辯：你會同意喺數個片段之中，淨係講緊處理第十四被告嗰啲片段，米報喺最早嗰個嚟？
PW34：係
📌播放C2米報Rice Post片段
由01:17:33至01:18:12
辯：啱啱過咗嗰秒啦，01:17:59啦，雖然見唔到全個身，但你都會同意畫面中㗎嗰個係第十四被告？
PW34：同意
辯：當時第十四被告右手有支棍啦，左手放喺頭上面。
PW34：係
-播放至01:18:09時暫停-
辯：同意第十四被告個姿勢，佢係側身全身係貼住個行人路嘅，除咗個頭？
PW34：係，同意
辯：捲曲住個身體嘅。
PW34：同意
辯：呢個就係你拉低第十四被告嘅時候，佢嘅姿勢嚟嘅。
PW34：拉低咗之後，定係之後...停低咗就係呢個畫面，但係我拉佢背囊落嚟嗰下，就顯示唔到嗰個動作啊，即係點樣坐喺度先？定係直接撻落嚟？呢度睇唔到
辯：你嘅意思即係話你拉低佢嘅時候佢先坐喺度，然後先至變到畫面呢個位置啊？
PW34：冇印象
辯：成個過程太快啦，記唔到細節，對嗎？
PW34：係
辯：基於你個答案，我同你指出，你拉低第十四被告嘅時候，佢成個人都係響行人路上面，同唔同意？
PW34：你意思係拉低咗佢之後佢成個人就喺行人路啊嘛？如果係咁嘅話，同意
辯：你第一眼見到第十四被告嘅時候，佢都係響行人路上面。
PW34：唔同意
辯：而家畫面右手邊嗰個就係你啦？
PW34：係
辯：呢一個位置亦都係你拉低第十四被告嗰陣你身處嘅位置嚟？
PW34：係，我制服佢嘅位置
官：咁你制服第十四被告嘅位置係咪即係你拉低佢嘅位置？
PW34：我唔同意用拉低呢個字
辯：頭先俾你睇返份文件，你都同意個描述係準確㗎嘛？
PW34：咁份文件係我寫嘅，我咪同意。但係我係講緊究竟佢被制服嘅過程係因為被我拉定係佢聽到我嘅指示，而個結果被制服呢？所以我唔同意你淨係話我拉低佢，佢係有服從我嘅意思喺度
官：過程入面第十四被告係冇反抗㗎嘛？
PW34：冇反抗
辯：你未答我個問題，唔好講你係咪拉低佢先，你拉第十四被告背囊嘅時候，你係身處而家畫面嘅呢個位置？
PW34：唔同意
辯：請解釋
PW34：我拉佢背囊嘅位置係喺馬路，而制服咗佢之後就係而家畫面上嘅行人路
辯：剛才你都講，由你拉第十四被告嘅背囊直至佢跌低，係一瞬間嘅事。我同你指出，你嘅說法並不合理。
PW34：我唔同意
-01:17:57時暫停-
辯：呢一個畫面見到第十四被告左手，起碼畫面見唔到有袋，係冇揸住個袋嘅。
PW34：畫面係
-01:18:04播放至01:18:12-
-01:18:08時暫停-
辯：見到琴日你提及嗰條帶嘅，喺左臂上面？
PW34：見到
辯：同你指出呢個係一條帶嘅，左臂上。
PW34：呢到見到係
辯：我同你指出事實上都係得一條帶嘅
PW34：事實唔係囉
-展示臨時證物PP14-12黑綠色背囊、PP14-13藍色背囊、PP14-14黑色背囊-
辯：PP14-12呢就係黑綠色背囊嘅，我唔想混淆就叫佢綠色背囊，PP14-13就係藍色背囊，PP14-14我就叫佢黑色背囊好冇？
PW34：好
辯：同唔同意證物PP14-13藍色背囊同而家畫面米報01:18:08，D14左臂上條帶相似？
PW34：唔清楚
辯：如果我地睇黑色背囊PP14-14，佢條帶相對PP14-13係明顯地冗贅，包括厚度同埋粗度。我估計到你個答案，我責任上要問你。黑背囊上面呢條帶明顯地不是米報畫面上01:18:08，A14左臂上嘅帶嚟。
PW34：唔清楚
辯：甚至如果你睇PP14-12綠色背囊，佢呢個袋上面嘅帶都比PP14-14上面嘅帶輕身。
PW34：望落差唔多
辯：嗰個綠色背囊呢，PP14-12係有多過兩條帶嘅，對嗎？
PW34：係
辯：有啲粗啲、有啲幼啲，對嗎？
PW34：係
辯：同你指出，證物PP14-14黑色背囊，並沒有在任何時候由第十四被告揸住或者孭住，同唔同意？呢一個證物PP14-14嘅黑背囊係喺第十四被告跌在地上嘅時候已經喺地上面。
PW34：唔同意
辯：你知唔知道PP14-13藍背囊同埋14黑背囊，呢一個牌子嘅袋呢，係一間大型嘅運動店迪卡龍，價錢由十九蚊起已經有一個，知唔知道？
PW34：價錢就唔知，但係知道係迪卡龍
辯：都係一個普遍嘅牌子嚟，對嗎？
PW34：係
辯：最後一個環節啦，嗱，6314你琴日就同我地講係協助你嘅便衣警員嚟嘅。
PW34：係
辯：我地亦都見到響處理第十四被告嘅時候，有其他嘅便裝警員。
PW34：係
辯：如何識別佢哋呢？佢哋就著咗一件背心，後面就寫著police、警察。
PW34：著便衣、有裝備、有件背心喺度，警察背心加裝備
📌播放C7香港獨立媒體片段
由00:35:32播放至00:40:00
辯：琴日我地都聽到你嘅證供，你話響高陞街嘅時候你有去防線後排嘅，呢度我地見到撲記、合成海味，見唔見到？
PW34：見到
辯：呢個都係警方前排響高陞街防線嘅一部分嚟，不過呢個就係較後排嘅位置。
PW34：冇乜印象
辯：你唔洗擔心嘅，因為我地之後睇返推進都會見到。但係你會同意呢個似乎係警方聚集在一起嘅情況啦，係咪？
PW34：係
辯：喺呢個畫面我地都有見到有左邊有揸住盾牌嘅畜龍小隊？
PW34：嗰啲唔係嚟
辯：防暴？
PW34：係
辯：有畜龍喺度，見唔見到啊？
PW34：畫面中間嗰啲好似係
辯：亦都見到有便衣啦，我地見到右手邊有著住寫住警察背心嘅同事
PW34：係
-播放至00:36:58時暫停-
辯：而家畫面面前著住藍色背心呢啲係咩嚟？
PW34：傳媒聯絡隊
辯：而家見到有個箭咀指住呢一名黑色衫、白色波鞋嘅人，你可唔可以幫我地留意一下呢個人有冇著到傳媒聯絡對嘅背心？
-播放至00:37:10時暫停-
辯：見唔見到呢名人士佢係冇著住警方嘅背心嗎，係咪？
PW34：唔對，我睇唔到
辯：你唔可以確認。
-00:37:10時PW34稱由於該人孭背囊，無法確定是否有穿着警察背心。-
（中間skip咗幾個問題，直播員跪）
官：佢(前面提及孭背囊的該人)所戴嘅頭盔係咪警方嘅頭盔，你講唔講到？
PW34：講唔到，都有啲同事嘅頭盔係自己買嘅
辯：你嘅講法即係話警員係自己可以決定行動當天戴咩頭盔？便裝啦，係咪啊？
PW34：如果政府有派比佢嘅話就會用政府嗰啲
-播放至00:37:24時暫停-
辯：呢度我地睇到佢手持緊盾牌啦
PW34：睇到
辯：我地頭先再睇嗰二十秒你見唔見到警方police個字喺佢身上啊？
PW34：睇唔到
-播放至00:38:32時暫停-
辯：呢個環節嚟緊想你留意呢，你見到有個味字嗎？鏡頭左手邊。
PW34：看到
辯：佢下面就有一個穿著藍色背心嘅人士啦，呢個人士嘅右手邊有個人身穿黑衫、黑褲、黑鞋，手持一個棍狀物體嘅。我想你留意住呢個人士有冇著住寫著警察police嘅背心
-播放至00:38:58時暫停-
辯：呢一名黑衣嘅人士並沒有著住寫著警察police嘅背心，同唔同意？
PW34：唔同意
辯：你係見到定係？
PW34：睇得唔清楚
辯：睇下你當日嘅認知啊，當日有冇任何便衣警員，以你所知，係冇著寫住警察police嘅背心，喺現場？
PW34：冇留意，我冇留意便裝啲同事
辯：訓示有冇講及？
PW34：冇
辯：以你所知，警方係需唔需要使用或者配戴幼嘅棍作為裝備嘅一部分㗎？
PW34：以我所知，偵輯嘅同事係有支短嘅伸縮警棍獲分配俾佢哋
官：咁剛才問緊嗰位人士手持嗰棍嘅長度、粗幼同伸縮警棍係咪...？
PW34：講唔到
辯：嗰支伸縮警棍有冇PP14-11枝行山杖咁幼？
PW34：我唔知，對唔住。CID嗰支警棍我真係好少用，所以我唔知
辯：你同唔同意頭先我表示俾你叫你留意嘅嗰兩名黑衣嘅人士，佢哋嘅衣著、裝備同大部分嘅示威者相似？
PW34：唔同意，因為單靠畫面我真係睇得唔清楚
辯：就你所知，當日7月28日德輔道西呢個行動，有冇任何便衣嘅警員去過示威者防線嗰邊？
PW34：我冇留意CID啲同事
-剛才片段指認兩個黑衣警員截圖為D14-5-