⏺A14法律代表 #曾藹琪大律師 盤問PW34警長58151施卓然(1)
辯：警長，想問返響高陞街推進前有一條警方嘅防線啦，當中除咗有你嗰隊嘅特別戰術小隊，即係綠色燈嗰隊人嘅頭盔？
PW34：我地盞綠色燈唔喺頭盔，喺件背心到
辯：即係你嗰隊嘅特別戰術小隊全部人都有綠色燈喺個背心上面嘅？
PW34：我嗰team係
辯：有幾多人啊呢一隊？大概？
PW34：約莫十個到啦
官：當日係咪淨係你嗰隊先有綠色燈？
PW34：未必，當日我都唔肯定
辯：咁你嗰隊你話大概十個人左右，就係由署理警司姓洪嘅女警司負責嘅，對嗎？
PW34：唔對，我地嗰日嘅行動唔係佢去負責成個行動。其實我地嗰組人就係由我地個訓練組警司，中文名唔係好記得，本地人嚟嘅，唔記得佢全名。淨係記得佢嘅posting(單位)，我地叫佢Bran Sir，我地under佢嘅
辯：我其實剛才問你係咪洪警司負責嘅原因係，因為最後嘅訓示就由洪警司負責嘅。
PW34：各巡視係佢負責嘅
辯：佢嘅訓示係對喺高陞街全部嘅警員發出還是只係某一小部分人？
PW34：對象有幾多人或者邊一部分我唔肯定，但我地嗰team係其中一組聽訓示嘅小組嚟嘅
辯：訓示係咪響你在高陞街防線嘅時候通過對講機收到？
PW34：我諗諗先...唔係咁肯定，究竟係通過通訊機定係親自聽佢講
辯：但係你就係響收到洪警司嘅指示之後開始推進嘅？
PW34：係
辯：冇其他人俾指示啦？
PW34：冇
辯：高陞街警方嘅防線除咗你地小隊之外，仲有載有藍色燈響身上或者裝備上嘅特別戰術小隊啦？
PW34：係
辯：嗰隊大概幾多人啊？
PW34：唔肯定
辯：你地同佢哋嘅分工有冇明顯嘅指示啊？
PW34：我冇聽到佢地話藍色燈嗰組人要喺邊度做啲乜，我淨係記得我地嗰team就係負責德輔道西西行線嗰邊
辯：除咗載有藍色燈同埋綠色燈喺身上嘅呢兩隊STC，仲有冇其他嘅STC小隊？
PW34：或者我咁講啦，STC當日大致上有分開三組人。以我嘅記憶呢，係有CTRU(反恐特勤隊)、有我地機動部隊總部嘅兩隊訓練組，咁即係有三group人喺度。但係我地統稱都係STC，咁綠色燈同藍色燈嘅分別呢，我地綠色燈就係訓練組第四隊，訓練組第三隊就藍色燈，CTRU嘅燈就紅色...
辯：你得知當日STC有三組人，原因係因為響開始行動之前係有一個概括性嘅訓示，讓你地知道當天響德輔道西係有乜嘢嘢嘅警員，對嗎？
PW34：概括個訓示冇講STC有幾多人，淨係講個行動姐。我冇留意有咩兵種，淨係話我地會夥拍住A大隊
辯：除咗話你夥拍住A大隊之外，最少都有同你講STC大致有三組人啦對嗎？
PW34：唔對，真係冇講...唔係，我冇聽到
辯：咁你頭先同我地講話大致有三組STC嗰個嘅答案，你係建基於乜嘢？
官：你想問佢點知？
辯：係
官：問清楚啲啊唔該
PW34：因為我眼見到有三組STC一齊行動
辯：清楚啦。去返個防線先，除咗STC A大隊，仲有我地頭先片段見到個便裝警員有冇喺防線到㗎？
PW34：有
辯：你就講到響高陞街防線你都係頭排嘅，第幾行講唔講到？
PW34：一開頭嗰個防線未開始行之前，我喺我前又有、後又有，我地冇話企死一個前排
官：即係你企過前排又企過後排？
PW34：係
辯：行去後面即係有幾後？
PW34：如果有四浸嘅話，我都係喺防線之內嘅
辯：冇行離個防線但都有去到防線後排嘅？
PW34：有
辯：咁開始推進嘅時候你又講唔講到你喺第幾排？
PW34：講唔到，因為我係準備去緊前排
官：你嘅意思係咪一定唔係最前排，因為你準備去緊前排？我有冇理解錯？
PW34：即係我未去到防線最前，夾雜咗喺中間
辯：係咪因為你收到嗰個訓示，你喺後排，所以你行返去前面，係咪咁嘅意思啊？
官：係咪因為你收到洪警司嘅時間，你當時喺警察防線嘅後排，所以你當時行返去前面，係咪咁嘅意思啊？
PW34：係
📌播放C4 NOW直播片段
由19:57:43開始
辯：頭一排我地見到有警員揸住一啲盾牌嘅，見唔見到？
PW34：見到
辯：你當天冇揸盾牌嘅，對嗎？
PW34：冇
辯：但係以你所見，當日警員所用嘅盾牌係透明嘅，對嗎？
PW34：對
辯：呢個畫面見到警方防線嘅中間同埋後面，我地都會見到一啲光嘅，光嘅顏色包括藍色同埋紅色嘅。
PW34：係
辯：基於我嘅觀察，睇下你同唔同意。呢啲光嘅來源係包括警方防線後面有一啲警車嘅。
PW34：有機會
辯：而警方中間亦都會有警員係用電筒嘅。
PW34：有機會
官：你同意嗎？
PW34：有機會用電筒，我同意
辯：但係你有行去後排，警車你係見到㗎嘛？
PW34：有
辯：警車上面嘅燈有紅色、有藍色，係咪？
PW34：嗰日有冇著我唔肯定，但係警車上嘅燈係有藍色同紅色
辯：而家響呢個畫面嗰度，你講唔講到你大概嘅位置響邊啊？
PW34：大概喺畫面...
辯：行人路上面定馬路上面，講唔講到？
PW34：講唔到
辯：大概幾後你講唔講到？
PW34：唔會離開個防線
辯：如果用最頭排嚟起計...
官：剛才咪問咗，時間唔係咁嘥法㗎
-播放至播放器時間04:58:11暫停，實時19:59:23暫停-
辯：確唔確認警方防線後面有警車，上面有燈著咗㗎？
PW34：唔好意思，我冇留意，我淨係留意咗自己
-再次播放至播放器時間04:58:11，實時19:59:23暫停-
辯：見到？
PW34：同意
辯：而響警方中間發出嚟嘅光，睇唔睇到、你同唔同意係警方用嘅電筒？
PW34：睇唔到，唔同意
辯：但係妳會同意畫面清楚顯示眾多嘅警方人員中間係有光見到嘅？
PW34：我同意畫面所見係有光，但係你話係咪喺裡面定係反光而出返嚟，就唔敢答
-播放至播放器時間04:49:40，實時19:57:54暫停-
辯：而家見到呢，就係警方開始個防線有郁動啦，呢一個時候係咪就係你講緊由後方行上嚟嘅時候？
PW34：未啊，我都係喺個防線裡面，但係挨近行人路嘅
-散庭，翌日(4月9日)0930續審-