⏺A14法律代表 #曾藹琪大律師 盤問PW29警員52775 葉廣泉

辯：警員，我想請問你呢，係講到其後有同事嚟協助你處理第十二被告，之後你就係離開現場啦，對嗎？

PW29：係

辯：你呢係繼續進行掃蕩嘅任務，對嗎？

PW29：係

辯：掃蕩嘅路線係乜嘢呢？

PW29：跟住我係去咗皇后街德輔道西嘅位置，負責監視許智峯並準備作出拘捕。期間收到指示，我地警察後方嘅車輛受到攻擊，所以我地就去咗後方警車嘅車輛就作出防守同埋驅散。

官：後方即係邊度？

PW29：後方即係向西嘅方向。德輔道西近高陞街嘅位置

辯：以你所知啦下，你嘅隊員有冇任何人係向東面繼續推進？

PW29：之後我地有向東面繼續推進，包括我

辯：呢個係講緊時間大約幾多點左右啊？

PW29：大約係八點半左右，夜晚八點半

辯：係你成隊，即係你嘅特別戰術小隊第三隊？成隊向東推進？

PW29：係

辯：有出到去干諾道中同埋干諾道西嘅，對嗎？

PW29：干諾道西...有

辯：主問嘅時候，你亦都有講到當推進嘅時候見到示威者向皇后街方向逃走嘅，記唔記得？

PW29：記得

辯：根據你嘅觀察，該些逃走嘅人士，佢地係沿著德輔道西向東直跑，定係四散去唔同嘅街道？

PW29：佢地係沿德輔道西向東方向，向皇后街方向逃跑

辯：你嘅意思係，轉入皇后街，定係只不過向皇后街方向？

PW29：係向皇后街方向姐

辯：過咗皇后街之後嘅情況你睇唔睇到㗎當時？

PW29：睇唔到