⏺A11法律代表 #傅昶生大律師 盤問 PW31 偵輯警員15275 張震東

辯：我就話你當日呢，就喺1845時就去到現場，即係西區警署對出嗰度佈防，咁樣啱唔啱？

PW31：可以再清楚啲嘅，當時我係喺西區警署外，德輔道西往中環方向築起防線嘅

辯：當時呢，就係你去到佈置防線嗰度之後，聽到同你對峙嗰班人有人講一啲口號嘅說話啦？

PW31：係

辯：但你冇可能知道佢係街坊、示威者或者記者，總之就係有人咁講啦，咁講對嗎？

PW31：係

辯：嗰陣時候，你聽到你個地區幫辦就話要推進同埋進行拘捕嘅行動，咁講啱唔啱？

PW31：同意

辯：去到1900嘅時候，你地就開始向東推進啦。

PW31：向中環方向推進

辯：咁推進嘅時候，陽光或者係光線係充足嘅，視野係無阻㗎嘛？

PW31：視野清晰，同意

辯：你推進個時間，就去到距離所謂示威者大約五十米嗰陣，你就見到示威群眾嗰到有人掟雞蛋、水樽等物品，向你掟，咁講啱唔啱？

PW31：同意

辯：我頭先講雞蛋、水樽等物品，其實等物品係唔知道乜嘢嚟，不過都係咁上下嗰啲嘢啦，啱唔啱？

PW31：因為我當時身邊有位警員15927真係中咗雞蛋，所以知道有雞蛋掟過嚟。其他物品係有水樽，同埋一啲唔知咩嚟嘅雜物

辯：你嘅同事，你話佢中咗，但係佢都冇大礙㗎係咪？

PW31：我唔係佢，我唔清楚

辯：但係你就見到15927中咗雞蛋，其他人就冇中到啦，對嗎？

PW31：我冇留意其他人

辯：但係喺你嗰個口供紙，2019年7月29日1800時你就紀錄返，你話見到對住嗰班人，即係示威者，有人掟水樽、雞蛋等物品。你嘅觀察就話「但沒有看見有同事受傷。」

PW31：係，當時我唔見有人受傷

辯：你口供紙嘅描述係正確嘅，對嗎？

PW31：同意

辯：我家下去到2012-2020嘅時間，你嗰陣時仍然喺德輔道西29號嗰度。

PW31：同意

辯：當時有三位被捕人士，女士嚟嘅，都喺嗰度，分別係A10、A11、A12，都係喺德輔道西29號嗰度，對嗎？

PW31：唔同意，佢地係分開過到嚟嘅

辯：咁你見唔見到女警14537喺德輔道西搜查嗰三位女士？

PW31：我冇細心留意搜身過程，係有搜查佢地嘅。

辯：咁你有冇睇到女警14537搜查A11嘅背囊啊？

PW31：呢個我冇留意到

辯：咁喺現場，頭先講過個地方到，你有冇見到偵輯警員5869有搜查A11嘅背囊啊？

PW31：我記得佢係有攞住A11個背囊，我記得有攞住佢嘅隨身物品

辯：你話隨身物品，包括啲乜嘢嘢係A11嘅？

PW31：我冇留意

辯：A11個背囊當時喺邊度，你見到唔見到啊？

PW31：當時我負責留意A12，我就冇留意到

辯：女警14537，你話佢搜咗A10、A11、A12嘅身，佢有冇講「冇任何攻擊性武器」啊？

PW31：我淨係知道佢搜查咗A12之後話冇攻擊性武器。佢有同我講話「冇可以傷害到人嘅嘢」

辯：其他嗰兩個呢？佢都有咁講嗎？

PW31：我冇留意，因為我負責緊A12

辯：喺你口供紙裡面有提及到「於同日2012-2020時，於西環德輔道西29號西區商業大廈外由女警14537分別向A10、A11及A12作出搜查。搜查後沒有發現攻擊性武器。 」(頭盔：不是exact wording)妳係咁講嘅，對嗎？

PW31：口供紙講得唔清晰，我淨係想講A12身上冇攻擊性武器，其餘兩個我唔清楚

辯：你確認你真係咁寫低，不過係解釋唔清晰咁解姐？

PW31：同意