Аҳолини камбағалликдан чиқариш бўйича чоралар босқичма-босқич амалга оширилмоқда
Шаҳрихон туманида аҳолини камбағалликдан чиқариш, бугунги пандемия шароитида иқтисодий жиҳатдан қийинчилик сезаётган оилаларни қўллаб-қувватлаш бўйича тизимли ишлар давом эттирилмоқда.
Бугун туман ҳокими Ҳикматилло Дадахонов бошчилигидаги ишчи гуруҳи Сегаза, Қум, Марказ маҳаллаларида бўлиб, кўмакка муҳтож оилалар ҳолидан хабар олдилар. Уларга озиқ-овқат маҳсулотлари тарқатилди. Шунингдек, бир неча оилаларга чорвачилик қилиш учун қўй берилди. Оилавий тадбиркорликни йўлга қўйиш истагида бўлганларга иссиқхона қуриш ва бошқа йўналишларида амалий ёрдамлар кўрсатилди.
