770/769-сонли “AFROSIYOB” замонавий поезди 2022 йил 17 январдан бошлаб, “Тошкент-Бухоро-Тошкент” йўналишида ҳар куни қатновини амалга оширади
Qalb davosi (Admin)![](/file/e1d6ed38abbabfb8cc7c4.jpg)
Йўловчиларга янада кўпроқ қулайлик яратиш ҳамда мамлакатимизда ички туризмни янада ривожлантиришга кенг имконият яратиш мақсадида, 2021 йил декабрь ойининг сўнгги кунларида ҳафтанинг жума, шанба, якшанба кунлари “Тошкент-Бухоро-Тошкент” йўналишида 770/769-сонли “AFROSIYOB” замонавий поездининг ҳаракати йўлга қўйилган эди.
“Ўзбекистон темир йўллари” АЖ томонидан йўловчиларнинг талаблари атрофлича ўрганиб чиқилиб, 2022 йил 17 январдан бошлаб 770/769-сонли “AFROSIYOB” замонавий поездининг “Тошкент-Бухоро-Тошкент” йўналишида ҳар куни, яъни душанба, сейшанба, чоршанба, пайшанба кунлари ҳам қатнови йўлга қўйилди.
Мазкур замоанвий поезд ҳаракат жадвали бўйича ҳар куни 08:30 да Тошкент марказий темир йўл вокзалидан, Бухоро темир йўл вокзалидан эса 15:27 да ҳаракатланади.
Изоҳ: Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олишингиз мумкин.
“O‘ztemiryo‘lyo‘lovchi” AJ