700.000.000 сўм пулни олиб, берган ваъдасини бажармай пулларни ўз эҳтиёжлари учун ишлатиб юборди

Тошкент шаҳрининг Яккасарой туманида 2018 йилнинг 20 октябрь куни ИИБ ТБга тушган мурожаатга кўра, шу йилнинг август ойида М.Улуғбек туманида яшовчи Х.А. Бошлиқ даҳасида яшовчи Х.И.га “Жанубий” вокзал атрофидан ер майдонини олиб беришини ваъда қилиб, фирибгарлик йўли билан ундан 700.000.000 сўм пулини олган ҳамда берган ваъдасини бажармай пулларни ўз эҳтиёжлари йўлида ишлатиб юборган.

Кўрилган чоралар натижасида Х.А. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси