6-"AFROSIYOB" ЗАМОНАВИЙ ПОЕЗДИ РОССИЯДАН ЎЗБЕКИСТОНГА ЙЎЛ ОЛДИ!

Бундан 10 йил муқаддам мамлакамиз аҳолиси ва меҳмонларига сифатли транспорт хизматларини кўрсатиш мақсадида юртимизга испаниядан дастлабки "Afrosiyob" замонавий электропоезди олиб келинган эди.

Давлатимиз раҳбарининг бевосита раҳнамолигида мамлакатимиз мустақиллигининг 30 йиллиги байрами арафасида бундай замонавий поездларимиз сони 5 та етказилди. 

Шуни алоҳида таъкидлаш жоизки, бундай саъйи ҳаракатлар тўхтаб қолгани йўқ. Испаниянинг “Patentes Talgo S.L.U.” компанияси ҳамда "Ўзбекистон темир йўллари" АЖ ўртасида тузилган шартномага биноан жорий йилнинг 16 сентябрь куни “Afrosiyob” поездининг яна битта ҳаракат таркиби испаниянинг Билбао портидан Россиянинг Санкт- Петербург портига олиб келинди.

Бугун Москва вақти билан соат 05:00 да мазкур "Afrosiyob" замонавий электропоезди Россиядан Ўзбекистонга йўл олди.

Сентябрь ойининг сўнгги кунларида юртимиз аҳолиси яна бир тарихий воқеага гувоҳ бўлади. Мамлакатимизга 6- "Afrosiyob" замонавий электропоезди олиб келинади.