4-тадбир. 2021 йилда суратга олинадиган фильмлар тақдимоти бўлиб ўтди

Жорий йил 11 январдан 11 февраль кунига қадар “Янги Ўзбекистон ва Миллий кинемотография” шиори остида миллий кино санъати ойлиги доирасида 11-16 январь кунлари “Ўзбек миллий кино санъати ҳафталиги” ўтказилмоқда. Ҳафталикнинг илк кунида “Ўзбеккино” Миллий агентлиги томонидан 2021 йилда суратга олинадиган фильмлар тақдимоти бўлиб ўтди.

Тақдимотлар лойиҳа муаллифлари томонидан ўтказилиб, суратга олинажак бадиий фильмлар бўйича батафсил маълумот берилди. Жорий йилда “Ўзбеккино” Миллий агентлиги 20дан ортиқ тарихий, ҳарбий ва драма жанридаги бадиий фильмлар суратга олинади. Тақдимотда киноижодкорлар, киноташкилотчилар ва ҳомийлар иштирок этишади.

Миллий кино санъатига бағишланган ҳафталикнинг илк куни сўнггида режиссер Муҳаммадали Искандаровнинг “Мен террорчи эмасман” фильми премьераси бўлиб ўтади.