3D Olamiga Kirish

Assalamu alaykum!

Quyida sizning 3D olamiga eng yengil, eng arzon va iloji boricha tekin yoʻl bilan kirishingiz uchun shaxsiy tajribamdan kelib chiqib tuzilgan qoʻllanma bilan boʻlishaman.

ChatGPT – eng kuchli yordamchi

Bugungi kunda yangi kasb egallashda eng qulay instrument — bu, albatta, ChatGPT. Hozircha eng optimal tarif sifatida ChatGPT Go (oyiga 6$) ni tavsiya qilaman. Imkoniyatlari keng, cheklovlari deyarli yoʻq.

1. Avvalo, o'zingizga savol bering: “Nega 3D?”

3D modellingga kirishda eng katta xato — kimningdir muvaffaqiyatidan ruhlanib, shoshma-shosharlikda qaror qabul qilish. Sizda haqiqiy qiziqish bormi, yo'qmi — avval shuni aniqlab olish kerak.

Buni qanday bilasiz?

1. YouTube’da 3D modeling jarayonlarini tomosha qiling.
2. Jarayon sizni o‘ziga tortayaptimi? Yo'qmi — mana shu eng asosiy signal.
3. Agar yoqsa — programmani biror tanishingizning kompyuteriga oʻrnatib, 2–3 kun sinab koʻring.
4. ❗️ Kompyuteringiz bo'lmasa, shoshilib yangi kompyuter sotib olmang.
5. Avval sinab koʻring — balki sizda bu sohaga sabr yetmasligi ham mumkin.

8 yillik tajribam va 20 dan ortiq shogirdimdan kelib chiqib aytaman:

Ko‘pchilikning sabri yetmaydi. Shu sabab avval pul tikish emas, sinov bo‘lishi shart.

2. Xo‘sh, hammasi yoqdi. Endi nima qilamiz?

Kompyuter masalasi

Endi sizda birinchi savol paydo bo‘ladi:

“Qanaqa kompyuter olish kerak?”

Bu yerda sizga yana ChatGPT eng yaxshi yordamchi bo‘ladi. Yo‘nalishingiz va budjetingizni aytasiz — u sizga optimal konfiguratsiyani yig‘ib beradi.

3. Programma o‘rnatish

Kompyuter masalasi hal bo‘lgach, navbat dasturlarga keladi.

Buning uchun telegramdagi @soft_cloud3d kanali juda qo‘l keladi — kerakli programmalarni o‘rnatib olasiz.

4. Qayerdan bepul o‘rganaman?

Endi asosiy qism — fundamental bilim olish. Quyida siz uchun eng yaxshi bepul manbalarni jamladim. Ularni birma-bir ko‘rib, o‘zingizga yoqqan uslubda o‘rganishingiz mumkin.

O‘zbek tilida:

• Rustam Pulatov — boshlang‘ichdan mutaxassis darajasigacha o‘rganish mumkin
• https://www.youtube.com/@Pulatov3D/videos
• Abdulloh Inagamov — juda sodda va tushunarli darslar
• https://www.youtube.com/@Inagamov3D/videos
• Kamoliddin Sharipov — amaliy va foydali kontent
• https://www.youtube.com/@KamoliddinSharipov_cg/videos

Rus tilida:

• Alex Happy — qisqa, ketma-ket va juda tushunarli darslar. Boshlang‘ich darslari bepul.
• https://happy3d.ru
• Ilya Izotov — interyer vizualizatsiya yo‘nalishiga kirayotganlar uchun eng yaxshi online maktab boshlang'ich darslar bepul
• https://vk.com/club150709842

Xulosa

Agar yuqoridagi bepul manbalarni o‘rganishga sabringiz yetib, bu sohani haqiqatan yoqtirib qolsangiz — demak 3D sizniki. Keyinchalik deyarli barcha ustozlarning pullik kurslari ham bor, o‘zingizga yoqqanini tanlab davom ettirishingiz mumkin.

Sizni 3D olamida omad va kuchli motivatsiya tark etmasin!

Savollaringiz bo‘lsa, bemalol yozing @Azizbekcgbot — albatta yordam beraman. 😊

3d modelling va 3d model savdosi bo'yicha ko'proq ma'lumot olsh uchun obuna bo'ling: T.me/Azizbekcgblog