24 бош қўйни ўғирлаган шахс аниқланиб, қўлга олинди

2019 йил 1 февралга ўтар кечаси номаълум шахс Қашқадарё вилоятининг Миришкор туманида жойлашган фермер хўжалиги дала майдонидан “Чаманзор” МФЙда яшовчи П.Қ.га тегишли 24 бош қўйларни ўғирлаб кетган.

Кўрилган чоралар натижасида ушбу жиноятни “Миришкор” МФЙ Ширин маҳалласида яшовчи М.Х. содир этганлиги аниқланиб, ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси