2023 йил давомида Зарур амалиётлар марказига фармацевтик инспекциялар ўтказиш юзасидан жами 752 та ариза келиб тушган

Бу ҳақда АОКАда ўтказилган брифингда Фармацевтика тармоғини ривожлантириш агентлиги ахборот хизмати раҳбари Севара Тўлаганова маълум қилди.

Фармацевтика тармоғини ривожлантириш агентлигининг Зарур амалиётлар марказига 2023 йил давомида фармацевтик инспекциялар ўтказиш юзасидан жами 752 та ариза келиб тушган бўлиб булардан 19 таси маҳаллий корхоналарда ва 295 таси хорижий корхоналарда GMP инспекцияси ўтказиш бўйича, 294 таси маҳаллий дистрибюторларда GDP инспекцияси ўтказиш бўйича, 1 таси ҳусусий божхона омборҳонасида GSP инспекцияси ўтказиш бўйича ва 15 таси дорихоналарда GPP инспекцияси ўтказиш бўйича келиб тушган.

Ушбу аризалар асосида 19 та маҳаллий корхоналарда ва 35 та хорижий корхоналарда GMP юзасидан, 153 та маҳаллий дистрибюторларда GDP юзасидан ҳамда 1 та ҳусусий божхона омборҳонасида GSP юзасидан ва 4 та дорихоналарда GPP  фармацевтик инспекция ўтказилган.

Шу билан бирга аввал берилган сертификатларни амал қилиш муддатини тасдиқлаш мақсадида жами 64 та инспекция назорати ўтказилган.

Корхоналарда сертификатлаштириш текширувларини амалга оширишдан олдин иҳтиёрий ўтказиладиган баҳолаш инспекциялари юзасидан келган мурожаатларга асосан 1 та GMP ва 2 та GDP баҳолаш инспекциялари ўтказилган.

Барча ўтказилган инспекциялар мобайнида аниқланган номувофиқликларни бартараф этиш учун ўрнатилган тартибда муддатлар берилган ва ариза берувчилар томонидан ушбу номувофиқликлар тўлиқ бартараф этилганидан сўнг уларнинг мурожаатлари асосида жами 180 та қайта фармацевтик инспекциялар ўтказилган.

Ўтказилган инспекциялар натижасида 12 та маҳаллий ва 11 та хорижий корхоналарга GMP сертификатлари, 115 та маҳаллий дистрибюторларга GDP сертификатлари ва 1 та ҳусусий божхона омборҳонасига GSP сертификати тақдим қилинган.

Шунингдек, 4 та маҳаллий ва 2 та хорижий корхонага GMP сертификати ҳамда 10 та маҳаллий дистрибюторга GDP сертификати тақдим қилиш рад этилган.

Ўтказилган инспекция назоратлари асосида 12 та GMP, 3 та GDP ва 1 та GLP сертификатлари амал қилиш муддатлари инспекция мобайнида аниқланган номувофиқликлар тўлиқ бартараф этилгунига қадар вақтинчалик тўхтатилган бўлиб, ҳозирда ушбу сертификатлар сони 1 та GDP ҳамда 1 та GLP сертификатини ташқил қилмоқда.

         Зарур амалиётлар маркази томонидан 2 та ишлаб чиқарувчи корхонага берилган GMP сертификат амал қилиш муддати тўхтатилди. Ҳозирда сертификатлаштириш рад этилган корхоналарда мавжуд муаммолар юзасидан методик ёрдам берган ҳолда ишлар олиб борилмоқда.

Ҳалқаро ҳамкорлик йўналишида Ўзбекистон Республикаси ҳамда Россия Федерацияси ваколатли органлари томонидан тақдим этилган GMP сертификатларини ўзаро тан олинишини йўлга қўйиш борасида бир қатор ишлар амалга оширилмоқда. Маҳаллий ишлаб чиқарувчилар томонидан ишлаб чиқарилган дори воситаларини Россия Федерациясида Давлат рўйхатидан ўтказиш жараёнини енгиллаштириш ва бу орқали экспорт ҳажмини ошириш мақсадида Фармацевтика тармоғини ривожлантириш агентлиги ҳамда Россия Федерацияси Саноат ва савдо вазирлиги Фармацевтика ва тиббиёт саноатини ривожлантириш департаменти ўртасида “Россия Федерацияси ва Ўзбекистон Республикасида зарур ишлаб чиқариш амалиёти соҳасидаги норматив-ҳуқуқий тартибга солишни баҳолаш ва уйғунлаштириш бўйича” йўл харитаси тузилди ва ушбу масалада фаолият олиб борувчи ишчи гуруҳ ташкил этилди. Йўл ҳаритаси 3-бандига асосан дори воситаларини ишлаб чиқарувчи корхоналарда ўтказиладиган фармацевтик инспексияларга ёндашувни баҳолаш мақсадида қўшма инспекциялар ўтказиш кўзда тутилган бўлиб Россия Федерацияси GMP йўналишидаги инспекторларини фармацевтик инспекция ўтказишдаги ёндашувларини баҳолаш мақсадида 23-24 ноябрь кунларида Ўзбекистон Республикасидаги «RADIKS» МЧЖ ишлаб чиқариш корхонасида хамкорликда фармацевтик инспекция ўтказилди ҳамда Москва вилоятида жойлашган, инсулин дори воситасини ишлаб чиқариш бўйича энг йирик корхоналар қаторида бўлган "Герофарм" корхонасида Марказ ходимлари томонидан ишчи гуруҳ қўшма инспекция ўтказилди.