2019 ЙИЛ 14 - 20 ОКТЯБРЬ КУНЛАРИ УЧУН САВДО НАТИЖАЛАРИ
Пресс служба2019 йилнинг 14-20 октябрларида “ЎзРТХБ” АЖ да 916,3 млрд сўмлик битимлар тузилди, бу эса аввалги ҳафтадаги натижага нисбатан 13,5%га юқори. Кичик бизнес ва тадбиркорлик субъектлари иштирокида тузилган битимларнинг умумий ҳажми 27% га ўсиб, 439,1 млрд сўмни ташкил этди.
Шу жумладан биржа савдоларининг ҳажми 721,1 млрд сўмдан 807,2 млрд сўмга ошди. Валюта савдо майдончаси орқали деярли 1,3 млн АҚШ долларга тенг товарлар сотилди. Экспортнинг таркибида полимер маҳсулотларнинг улуши 85%, пахта толасининг улуши 9%, ва мотор мойининг улуши 6% ни ташкил этди.
Кўргазма-ярмарка савдоларнинг ҳафталик ҳажми 25,4 млрд сўмни ташкил қилди. Кичик бизнес субъектлари томонидан амалга оширилган харидлар 3,3 млрд сўмни ёки тузилган битимларнинг 13% ни эгаллади.
Ўтган ҳафтада давлат харидлари бўйича xarid.uz махсус ахборот порталида тузилган битимларнинг ҳажми 50,5% га ўсиб, 79,8 млрд сўмни ташкил этди. Бюджет ва корпоратив буюртмачиларнинг пул маблағини тежалиши 20,1 млрд сўмни ташкил этди.
Кўриб чиқилаётган давр мобайнида онлайн аукцион орқали 784 та автомобиль рақамлари сотилди. Сотилган давлат рақам белгиларининг умумий суммаси 3,8 млрд сўмни ташкил қилди. Рақобатли савдолар натижасида битимларнинг 18,9% биринчи тоифадаги авторақамларга 48,9% иккинчи ва 32,3% учинчи тоифа авторақамларга тегишлидир.
