Жон Рокфеллер ўн олтита темир йўл компания, олтита пўлат қуювчи завод, олтита юк ташувчи фирма, тўққизта банк ва тўққизта кўчмас мулк билан савдо қилувчи компанияга эгалик қилган. Шунингдек, унинг 273 гектар ери, бир неча ҳашаматли уйлари, апельсин етиштириладиган боғи ва шахсий гольф майдони бўлган. Жон Рокфеллер ҳақиқатда омадли инсон бўлган. Унинг фикрича бундай катта муваффақиятга қаттиқ интизомга риоя этгани ва ўзи ишлаб чиққан қуйидаги ўн икки қоидага амал қилганлиги сабабли эришган.
1. Бировлар учун ишлашдан қочинг. Қанчалик кўп бировлар учун меҳнат қилсангиз, бой бўлишингиз шунчалик кечикади.
2. Пулингизни иқтисод қилишга ўрганинг. Ҳар доим харид қилмоқчи бўлган маҳсулотингизни чегирма билан харид қилишга ҳаракат қилинг. Харид қилишни режалаштирган маҳсулотингизни аниқ рўйхатини тузиб олинг ва шу рўйхатга амал қилинг.
3. Агар сиз ўзингизни камбағал деб ҳисобласангиз тадбиркорлик билан шуғулланинг. Агар ўзингизни қашшоқ деб ҳисобласангиз зудлик билан тадбиркорлик билан шуғулланишни бошланг.
4. Молиявий барқарорликка фақат доимий даромад эвазига эришиш мумкин. Доимий даромад манбайи яратиш эвазига осойишта ҳаёт кечириш мумкин.
5. Завқли турмуш кечириш учун бир ойда топишингиз керак бўлган пул миқдорини аниқлаб олинг. Кўпроқ топсангиз янада яхши, аммо, топишингиз керак бўлган пул миқдорини камайтирманг.
6. Бошқаларга хушмуомалалик билан муносабатда бўлинг. Инсоннинг бир ўзи муваффақиятга эришиши қийин. У бировларнинг кўмаги билан бой бўла олади.
7. Атрофингиздаги дангаса ва омадсиз инсонлар сизни бой бўлишингизга тўсқинлик қилади. Бой бўлиш учун ўзига ишонган омадли инсонлар билан кўпроқ мулоқот қилинг.
8. Масъулиятни бўйнингизга олинг. Масъулиятсиз инсон ҳеч қачон бой бўлмайди. Мақсадга эришиш учун имконият қидиринг, баҳона эмас.
9. Муваффақиятга эришган инсонларнинг ҳаёт йўли ва бизнес фаолияти билан танишинг.
10. Мақсад – инсонни ҳаракатга чорлайди. Мақсади йўқ инсон тирик мурдага ўхшайди.
11. Муҳтожларга кўмак беринг. Сармоянгизнинг маълум бир қисмини хайрия ишларига ажратинг.
12. Ўз бизнесингизни шакллантиринг ва ундан завқ олинг.
ЖОН РОКФЕЛЛЕРНИНГ МАШҲУР ИҚТИБОСЛАРИ
1. Муваффақият- қабул қилинган қарорга чамбарчас боғлиқ.
2. Инсонлар билан тўғри мулоқот қилишни билиш – катта устунликка эга бўлиш дегани.
3. Келажакка ким бўлишни билишни иложи йўқ, аммо, катта ишларга қодир эканлигинга ишонч бўлиши зарур.