#1118理大 #審訊 [16/14]
⏺繼續控方盤問D4
👉我向你指出你所在嘅位置，你只會睇到暢運道天橋上嘅位置，唔會睇到南橋嘅位置
不同意
👉就北橋，你只會睇到北橋頂部嘅位置，唔會睇到行人路嘅位置
不同意
👉如果你真係想去，你會嘗試行去南橋到北橋
不同意，我係見到北橋入面，南橋被堵塞，而且示威者係行上面嘅，所以我無利
媽咪再試多次喺正門走唔走到，走唔到就到，一開始匿埋嘅時間約1800，唔肯定，無睇錶。
入咗F、G、H、J座嘅一間房可以匿埋，等爸爸過嚟，爸爸由佐敦過嚟，唔清楚匿咗幾耐。匿埋時有睇新聞，透過Crystal部手機睇直播片段，見到出面好混亂，開始有汽油彈、示威者、催淚煙，警察嗰邊有裝甲車同水炮車。
當時唔知道有暴動發生，無諗過自己係咪喺暴動區域。擔心自身安全，所以先匿埋。有打比爸爸，目的係想爸爸接我走，但接唔到。
當刻無諗打999，因為已經搵咗屋企人。爸爸話平靜時會接我走，所以叫我等多陣。
👉由爸爸叫你等，到瞓覺都無打電話報警
無，因為當刻無咁諗到
👉係咪因為你留喺大學校園參與暴動？
唔係
👉等爸爸救你期間，你話見到場面混亂，你有無收到警方要求無關者離開理大嘅消息
Crystal有收到，有轉告比我。同埋講Y座出入口有衝突，有一班離開嘅市民同急救員被拘捕。
👉有無話2200後唔離開就會被告參與暴動
有，聽到呢個消息後，有諗過要走，原因係因為我哋並無參與暴動。無行到去Y座，因為消息同時指Y座有衝突。
👉點解你唔行一行去認證消息是真是假
因為我聽到呢個消息，同埋父母都叫我唔好四圍走，最緊要安全
👉父母叫你唔好周圍走係收到消息前定消息後
消息前，消息後都有講過唔好去有可能發生衝突嘅地點，收到呢個消息有即刻打比屋企人，有講返消息指出咗啲咩，例如可以由Y出口離開、Y出口有衝突、有離開嘅人被捕。所以當時父母話等平靜後爸爸接走我。父母叫我留在原地，不要去Y座。
👉父母有無同你講警方作出澄清？
無，我亦都唔知
👉你同唔同意你可以走過去離遠觀察
同意，但我怕牽涉喺衝突入面，所以無出到去
👉你自己亦無打電話比999確認消息真假
係
👉你無要求父母去確認消息真假
係
👉我向你指出，如果你真係想走，你一定會行去Y座離開
不同意
👉食堂喺VA位置，你連Y座都唔去，點解你又要走去VA
第一，當時嗰消息只係話Y座有事發生。第二，我哋中午之後就無食過嘢，好肚餓
👉所以你決定離開安全位置到食堂
係
👉點解2200前收到呢個訊息你唔行出去問其他人消息真假？
因為當時無咁諗到，2300到食堂，食完嘢就瞓覺。見到好多人食緊嘢，除曬裝備口罩（遮住面嘅嘢，包括防毒面具），好平靜。有物資比人攞，裡面有裝備比人攞。
👉你見到有示威者又有裝備提供，你認唔認為呢個係一個組織嘅地方比人參與暴動
不同意，因為我無諗咁多，只係想食嘢，返去瞓覺前有同父母講喺理大瞓一晚，有同父母講喺食堂見到嘅事。食堂有裝備呢件事唔清楚有無講。大概係講我食嘢咁。當時無諗過叫父母替自己報警求助。2300去瞓。
👉為什麼食完嘢後唔去搵出口離開？
當時我同Crystal都好攰，又眼見整晚都走唔到，所以同屋企人商量後，決定睇下聽朝會唔會平靜返，18號0730-0745時，一開始係聽到有大叫離開理大．
👉點解你無即刻走
因為我無諗過全部人都會走，係急救員姨姨同我講，同埋當刻都以為警察已經封曬，所以無第一時間離開。
👉我個問題係，點解你起身後聽到人講離開理大，你唔走，仲要去食堂？
因為我以為警察仲喺度，同埋無諗過其他人都會走。我係後來先從姨姨口中得知兩個消息，一、無警察，二、所有人都會離開。
👉點解你要同全部人一齊走，而唔係你哋兩個自己走？
因為當時等緊我爸爸嚟，但急救員姨姨同我哋講，理大所有人都會喺嗰度走，所以我哋決定跟住所有人離開。
👉你嘅意思係聽到有人話走時，你無諗住走係因為等爸爸接。但急救員同你講所有人走你又跟住走？
係，因為我唔想得返我哋兩個留喺裡面，無同爸爸講我哋自己跟咗大隊走，但有同爸爸講我哋會去科學館道，叫佢嚟尖沙咀接我走。呢個電話係離開緊嘅時候（未出大學）打，都whatsapp媽咪。
👉你係決定咗跟大隊離開先打比爸爸
係，亦都有問佢意見
👉即係話你已經換曬成身黑衫黑褲同裝備先打比爸爸
係，有同爸爸講我係呢個裝束出去，我有同爸爸解釋點解我哋要咁嘅穿著，佢同意我哋嘅做法。
👉喺你未離開理大，千鈞一髮之際你都交代到咁多嘢？
一路行一路打，唔係企喺度
👉我向你指出你講大話
不同意
👉你喺主問無提及過你問準爸爸先著嗰啲裝束
同意
👉因為你而家講緊大話
不同意，因為我主要係聯絡媽媽，媽媽whatsapp我係因為爸爸講比佢聽
👉急救員姨姨叫你哋包返住自己，係咩意思？
佢當時話出面有記者，唔好比記者影到，所以就叫我哋戴佢比我哋嘅嘢
👉畀記者影到有咩問題
無諗過有咩問題，但我自己都唔想畀記者影
👉原因
因為我同Crystal都唔想自己嗰樣喺新聞到出現，所以先相信姨姨同我哋講嘅嘢。
👉但問題係，你11月17日進入理大你唔驚有記者影，18號就驚？
因為我17號都諗到會有記者影，係18號聽到急救員姨姨咁講先知會有記者影我哋
👉但係你喺庭上講過，你之前睇嘅新聞有人影理大同影示威者
當時我無諗到，係急救員講我哋先有呢個諗法
👉你又唔係參與暴動，你驚啲咩
正如頭先所講，我哋兩個唔想比人影，就係咁簡單
👉唔想比人影，帶面罩咪得，做咩戴頭盔？
姨姨話帶頭盔保護自己安全，沒有戴防毒面具，只有戴外科口罩，姨姨無比防毒面具我，亦都無自己攞。
👉點解要攞？
當時我無諗到，佢比咩我咪拎咩，面巾戴咗喺面，先戴外科口罩，再在外圍戴面巾，大概蓋住鼻子。
👉點解戴面巾？
當時無諗，但面巾可以遮到更多
👉點解換埋黑T？
因為我當時著緊短袖衫，姨姨叫我遮返隻手，佢同我講，唔想比記者影到就著可以遮到自己隻手嘅。我相信佢。
👉你覺得影到手有問題？
當刻無諗咁多，手袖都係要遮住隻手
👉我向你指出，因為你係唔想比人用白色衫認得你嘅身份
不同意
👉你只係著白色衫同手袖已經足夠
不同意
👉你係要掩蓋你嘅身份，唔比人知你喺理大走出嚟
不同意
Crystal將啲衫放曬入我嘅背囊，Crystal著黑色長袖衫，外科口罩，黑色長褲，頭盔係白色，無防毒面具，無面巾，無黑色手袖。
👉有無問姨姨點解Crystal無面巾？
當時佢都有比到Crystal，但我印象中佢無戴到，我無叫Crystal戴返，因為當時好緊急，總之聽個姨姨講，盡快行，Crystal有遮住面，無用面巾。換衫呢個決定無同爸爸講，然後就跟其他人一齊行。我跟住一大批人群離開理大。
播片片。
👉控方要求指出Crystal在影片中的位置
睇唔到，好矇，要求睇多次
👉控方放大影片再次播放
👉你身邊白色頭盔嘅人係咪Crystal？
唔係，所以你見到我有抬頭望，我哋係喺緊急出口離開，一堆人湧入去，佢可能落在喺較後嘅位置，所以我企喺度等埋佢
👉你咁關心Crystal，落樓梯時你唔等埋佢？
當時佢係跟喺的後面
👉影片所示你係跑出理大少少先停低，點解你唔係喺理大門口等埋佢？
行出少少係因為唔想阻其他人出嚟，因為已經好逼，後期喺呢個位等到Crystal，不在這個畫面。我就叫佢跟住我，我即刻（在前少少的位置）whatsapp媽咪，直至去到射催淚彈嘅位置，當時我太混亂，就跟住哥哥姐姐跑入咗去。
👉Crystal一直喺你後面，幾後？
係，唔清楚
👉點解
因為我頭先所講，我用whatsapp同媽媽聯絡緊，同時要顧及前面嘅情況
👉有無另轉頭確認Crystal係咪喺你後面
無，因為路得一條，佢一定跟住我
👉有無叫Crystal捉住你背囊、手臂一齊走
無
👉你哋已經失散過一次，點解你唔捉住佢？
當時無咁諗到
播片
👉影片中無Crystal
係
👉你仲行到前面過咗一批黑衣人
同意
👉你在片中從來無另轉身望Crystal
同意，因為就算呢一刻搵唔到佢，我哋離開咗呢個地方都可以再搵佢
👉我向你指出，你話你同Crystal一齊離開係講大話，影片中你係一個人離開
不同意
👉你話你入理大搵Crystal係講大話
不同意
👉片中你走上前嘅目的係咩
無目的
👉你話你係跟住人走，咁點解你而家衝前？
我只係向前少少，都係跟緊同一班人，行咗上去有催淚煙，唔向後走係因為聽到有玻璃樽聲，啲哥哥姐姐都跑曬去右面，同埋當時都好辛苦，只想盡快離開嗰嗰位置
👉你唔知Crystal係咪喺你後面，你就右轉咗，你唔驚Crystal搵唔到你咩？
當時好混亂，好驚，要確保咗自己安全，
👉逃避催淚煙更簡單嘅方法為向後離開
不同意
👉幾時有人畀遮你
跨過鐵欄時
👉係咪入科學館嘅人之中其中一個
應該係
👉認唔認得
唔認得
👉畀你時，把遮係開定關
關
👉比你做咩
就力，同埋落去時可以掂住地下
👉咁更應該向後走啦
不同意
👉走入咗科學館，把遮有無打開過？
有，畀咗把遮我後，之後唔小心㩒到，有開過，但去到後門我已經收返遮
👉你去咗電梯大堂時係有防毒面具
不同意
睇片片
👉片中嘅你除緊咩？
唔知道，好矇
👉我向你指出，你除緊一個防毒面具
不同意
👉就算唔係證物嗰嗰，你入去都係有防毒面具
不同意
👉我向你指出你對警員嘅指控全部都係講大話
不同意
👉只係你用嚟掩飾你嘅防毒面具？
不同意
去到科學館後門望一望周圍就已經知道Crystal唔喺度。
👉點解唔出去搵Crystal?
因為出面去危險，同埋我去辛苦，咁樣出去只會更危險
👉你唔係同Crystal一齊
不同意
👉你係去參與暴動
不同意
👉你係教唆理大入面嘅人士一齊參與暴動
不同意
👉Crystal嘅衣物呢？
喺背囊，背囊唔知去咗邊，無扔。唔知Crystal嘅嘢去咗邊
👉同唔同意你同你嘅律師從來無搵過呢個背囊去咗邊
同意