11軒尼詩道圍捕戰術分析

幾點關於琴日清場既觀察：

1️. 可能你會話：唔係一路靠圍捕拉人架咩？答案係部分正確。

幾次大型衝突中，拉得最多既其實係防線直接衝前 (1118碧街、1006灣仔、0929金鐘道、831銅鑼灣、825楊屋道等)，圍捕手法喺小型地區衝突先用得比較多。

2. 圍捕時間同水炮車推進至銅鑼灣既時間相差1個小時，所以氣象巴打唔明白點解佢地覺得勇武仲留緊喺現場。

不過，呢個time frame絕對可以縮短，可以話今次練兵之後，下次就快手好多。

3️. 佢選擇喺銅鑼灣圍捕，同和理非、勇武撤退路線唔同其實有一定關係。

4️. 水炮車用多咗，用法多變咗 (快速推進作威嚇、直接衝入內街等)，以後會係清場既大方針之一。

投稿一則，講述昨晚軒尼詩道的圍捕行動：

我喺京都廣場附近目睹防暴沿住波斯富街，偷偷地、幾十個、完全無聲咁跑出去，我估有可能係告士打道已經落車，諗住偷偷地跑嚟包抄（參考圖中黑框位置）。

成程無現場哨兵提醒，無手足大叫，好靜咁班防暴就到咗。有手足即刻跑去東角道世貿嗰邊想提水，但已經遲咗，比防暴包圍咗銅鑼灣廣場既人。

呢個都唔係第一次，25號晚旺角包圍都試過一次，係徒步跑過去，唔一定係好似以前咁，不斷用車衝到先落車。

大家真係要提高警覺，企疏啲，留意多啲四周，好多時走唔到唔係唔夠跑，而係卡死咗。

（氣象巴打補充：特別係同早期介入相關既佈防位置，例如琴日既告士打道一直係警方既戰略位置。琴日港島既圍捕方法，某程度上係旺角refine咗再搬黎用）