#1001沙田 控方盤問D1 part2
D1 謝 D2 熊控︰案發當日有冇帶水？
D1︰有
控︰幾時有帶？
D1︰朝早行山果陣
控︰主問時有同你確認過身上同背囊有啲咩
D1︰係
控︰但你冇提過有水，同意定唔同意？
D1︰係
（睇番P9AD11A - 地圖）
控︰由離開朋友屋企，行到去巴士站果個位，有畫到喺張圖度？
D1︰係
控︰由朋友屋企到巴士站，係有一段距離
D1︰係
控︰行過去要幾耐？
D1︰大約13分鍾
控︰去到巴士站已經見到人群？
D1︰係
控︰問下衣著方面先。你話見到粉紅色嘅口罩，即係防毒面具？
D1︰可以咁講
官插口︰係就係，唔係就唔係啦（港女tone）
控︰有見到係有防毒面具
D1︰係
控︰佢地有冇戴頸盔？
D1︰部分係
控︰有啲有戴眼罩？
D1︰係
控︰有啲拎住遮？
D1︰係
控︰主問時有提過佢地係著黑色衫嘅
D1︰係
控︰咁佢地同示威者裝束都吻合？
D1︰係
控︰班人企喺馬路度？
D1︰係
控︰你知道獅子山隧道公路係用黎行車嘅
D1︰係
控︰咁你必然知道示威者裝束人士堵塞左一段獅子山隧道公路，令到冇車可以行
D1︰係
控︰必然知道該處係有示威活動
D1︰係
控︰德興美食坊唔係一間非食不可嘅餐龐黎
D1︰唔係
官︰咁即係唔係非食不可？
控︰如果唔想比人誤會, 咁其實你可以行琴日畫較短嘅果條路線
D1︰唔係
控︰點解呢
D1︰當時想買嘢食，冇諗過會被誤會
官︰你已經知煙霧瀰漫，你仲特登行埋去？
D1︰琴日我係話喺方格（地圖顯示）先望到
官︰（斬釘切鐵，兇神惡殺地）唔係
控︰喺巴士站選擇行去示威者方向？
D1︰係
控︰行到去紅色X燈柱，行緊行人路定單車路？
D1︰行人路
控︰去到單車柱，果度係行人路定單車路
D1︰當時我係行行人路
控︰紅色ｘ果點係行人路定單車徑定咩黎？
D1︰應該係行人路
控︰由紅色X行去藍色X，係打直行過去？
D1︰打斜行
控︰紅色Ｘ對出行上馬路時有冇欄杆，定已經拆哂
D1︰應該有
（睇google地圖 D1_P1_3）
控方向D1指出今天說法與昨天不一樣
D1︰唔同意
控︰有確認過紅色X係行人路？
D1︰係
控︰圖中所見，係花圃靠近欄杆而非行人路
D1︰唔同意
控︰我地睇地圖，我向你指出紅色X位置嘅右手邊係單車徑，單車徑嘅右手邊係行人路
D1︰同意
控︰所以紅色X係...........（聽唔清）
D1︰我以為凹位就係巴士站果個凹位，只係想講喺巴士站附近
控︰去番「巴士站見到有堆人集結，再行前啲，就聽到有人嗌要生理鹽水」果個階段
控︰巴士站果度冇燈柱？
D1︰係
控︰所以你話誤解左巴士站位置都係錯誤嘅
D1︰唔係
控︰圖中所見中間係有欄杆
D1︰係
控︰所以紅色X去藍色X係要跨過欄杆先行到
D1︰唔係
官︰（港女mode）你改黎改去，我聽唔明阿，你話當時紅色X係喺巴士站附近架嘛
D1︰只係畫果陣誤以為係
控︰巴士站有橙色路牌，而紅色X就係呢個牌。但又話行前先聽到有人嗌，而家又多左一個站點？
D1︰即係由橙色站牌行到去紅色消防栓就聽到有人嗌
（法官大人嘆氣並憤怒第二次道「我聽到一頭霧水阿」）
控︰既然被告與昨天說法不一樣，咁就依而家說法問啦
（睇D1_P_P9A(1) 地圖）
控︰澄清多次，係一去到巴士站已經聽到有人嗌？
D1︰唔係
控方要求D1以紅色X畫出第一眼見到人群嘅位置；以紅色O畫出聽到有人嗌嘅位置)
D1嘗試釐清地圖概念，控方表現得好似都唔太知咁，並道「你畫出黎咪得囉」，D1便繼續畫
控︰身處位置同聽到有人嗌嘅位置有幾遠
D1︰約3,40米，我唔知
控︰依你記得有幾遠？
D1︰我冇度過
官︰（唔耐煩mode）度scale咪得囉
控︰你地係聽到佢嗌左幾次都冇人理，先去幫佢地？
D1︰係
控︰由第一次聽去到行過去係有一段時間？
D1︰大約半分鐘左右
控︰行到過去，果位受傷女士身穿示威者裝束？
D1︰唔係
控︰咁著左咩？
D1︰灰色上衣、短褲、拖鞋
控︰見到佢一隻腳流血？
D1︰係
控︰流得多先去幫？
D1︰唔係
控︰所以我咪問你佢流得多唔多血囉
D1︰唔算多
控︰即係只係輕微嘅擦傷？
D1︰當時係
控︰反光衣人見到輕微擦傷，就周圍嗌要生理鹽水？
D1︰唔係
控︰第一次聽到嗌去到行去幫佢幾耐？
D1︰十幾廿秒
控︰然後再用半分鐘行去佢果度？
D1︰係
控︰所以反光衣人因為一個輕微擦傷大叫左十幾廿秒？
D1︰唔係，除左輕微擦傷，隻腳仲有沙石，我相信係基於呢個原因
控︰昨天你冇提過有沙石？
D1︰係
控︰啲沙石喺邊
D1︰佢受傷果度
控︰見到傷口上有沙石？
D1︰係
官︰（十分驚訝道）如果係咁，咪全世界都要帶生理鹽水出街，呢啲係好普通嘅傷黎架嘛
控︰比左幾多鹽水
D1︰1支
控︰你有一定嘅急救知識，20mL，細開咀，咁係沖得走沙石？
D1︰得
控︰既然你有咁多支，但你都覺得比一支就夠？
D1︰我唔多
官︰（質疑道）8支阿嘛
D1︰8支唔多
官︰（發脾氣式）唔係問你多唔多阿！
控︰你話你有帶水？
D1︰係
控︰點解唔用水沖？
D1︰行完山，飲完丟左啦
控︰去幫反光衣男有冇問D2意見？
D1︰有
控︰佢點答
D1︰好阿
控︰即係兩人都同意由巴士詞行到馬路中央？
D1︰係
控︰比完生理鹽水有望向地圖中黃格方向？
D1︰有
控︰黃格入面示威者裝束人士比頭先見嘅更多？
D1︰係
控︰喺藍色X果陣望到沙田正街東行線有路障？
D1︰見唔到
控︰有冇見到有煙
D1︰見唔到
官︰睇番啲被捕相，其實已經見到煙，啲火仲燒到4層樓高，你睇唔到？
D1︰當時只係望向黃格方向，冇望過去正街果邊
控︰有見到示威者打開傘陣？
D1︰有
控︰藍色X上的欄杆已被拆除？
D1︰係
控︰見到有人受傷，應該知現場有危險？
D1︰可唔可以重覆？（控重覆後）係
控︰由藍色X行向橙Ｏ方向？
D1︰係
控︰雖然知有危險，但依然要去希爾頓買外賣？
D1︰係
控︰你本身喺藍色X位置可以行番去紅色O位置？
D1︰係
控︰而果邊係更近希爾頓行人天橋
D1︰係
控︰紅色路線曾經行過？
D1︰有
控︰所以紅色O有行人路行去天橋？
D1︰係
控︰但係依然選擇行獅子山隧道公路到紅色O位置？
D1︰係
控方向D1指出紅色X與橙色O相比更遠？D1不同意。
D1︰因為可以喺橙色O行行人隧道
官︰（震怒）你琴日同意左個行人隧道入口唔係喺果度，係喺藍色X對面
D1︰因為誤會左地圖
官︰（又又又又）你講到我一頭霧水阿
辯︰（企起身）我想check一check抄低嘅文稿先
官︰（兇狠道）我話你知，我好好記性嘅！！！！
（休庭5分鐘）
控︰琴日講得好清楚橙色O係咪行人隧道個入口
D1︰係
控︰有問有冇實質咁行去橙色Ｏ？
D1︰係
官︰有冇圍欄
D1︰中間冇
控︰由藍色X到橙色O中間有石駁？
D1︰係
控︰地圖中「Subway」字栖行出黎都係紅色X嘅方向？
D1︰係
控︰講到底都係想行番去紅色X的行人路？
D1︰係
控方向D1指出︰你選擇行嘅果條路係兜左個大圈。 D1唔同意
（部分有關地圖嘅問題mark唔到）
（打開D1_P_2B）
控︰確認琴日畫嘅路線係準確嘅？
D1︰大致係
控︰琴日條線係喺單車徑落斜路入隧道路口，再右轉，上番樓梯？
D1︰唔係，當時係講單車徑隔離果條行人路，直行打斜，轉右，上樓梯，過去希爾頓
（控方播香港01片 14:30-15:28）
控︰畫面見到樓梯行去行人隧道入口，路面係左斜嘅。
控方向D1指出︰琴日畫紅色直角路線，係要落斜路。 D1同意
控方向D1指出︰你應該要斜角咁切入沙田正街方向。D1同意
控方向D1指出︰你行過所以應該知行人路係斜切過去，所以琴日紅色路線都係講大話。 D1唔同意
控︰去到橙色Ｏ，有嘢堵塞左？
D1︰係
控︰橙色Ｏ位置更易行去紅色Ｘ
D1︰唔係，因為當時黃格果邊有條路可以過到
官︰（不耐煩）即係可以啦，行番去紅色Ｘ
D1︰係
控︰橙色O去紅色X路途短過粉紅色路線？
D1︰係
控︰黃格位置有較多示威者
D1︰係
控︰行去紅色X需要穿越較少示威者，與粉紅色路線相比
D1︰係
控︰粉紅色路線係馬路黎
D1︰係
控︰你係選擇左一條更遠更多人嘅馬路
D1︰唔係
官︰（敷衍發脾氣般）唔明
D1︰因為隧道個入口有堵塞，穿越馬路係最快嘅
官︰（發港女脾氣）佢都冇問你時間
控︰點解遠左，多人左，但會快左
D1︰橙色入口封左......
官︰（打斷D1說話，兇D1）你又話入口唔喺果度？
D1︰見到路面可以直接穿到過去，當時淨係想咁
控︰點解會更快？
D1︰因為可以直接穿過去，我覺得可以啲
控︰喺橙色O沿粉紅色路線行到黃格？
D1︰係
控︰目標係行去寫住單車徑嘅行人路
D1︰係
控︰必然面向果個方向？
D1︰係
控︰你必然會見到有示威者嘅防線
D1︰唔係
控︰唔係望住大埔公路？
D1︰唔係
控︰見唔到有路障？
D1︰見唔到
控︰見唔見到有遮陣
D1︰見到
控︰（跟從官的說法）但冇見到幾米高嘅火同煙？
D1︰見唔到
控︰視力冇問題？
D1︰冇
官︰（協助控方問）嗅覺呢？
D1︰正常
控︰聽覺呢？
D1︰正常
控︰有冇聽到啲施放催淚彈嘅聲
D1︰有一兩下砰砰
控︰咁應該意識到有危險
D1︰所以當時想盡快離開
控︰右前方見唔到有路障？
D1︰係
控︰沿粉紅色線去到啡格係背住行？
D1︰喺石駁背住黃格，唔係背住行
控︰即係而家變成石駁果度係背住？
D1︰背住黃格係因為受到一啲刺激性氣味，跟住D2拉左我去石駁沖眼，所以當刻背住黃格
控︰沖眼之前你面向單車徑？
D1︰係
控︰刺激性氣味即係催液煙？
D1︰睇片知，當時唔知
控︰催淚煙令你咳同流眼水
D1︰係
控︰皮膚刺痛？
D1︰全
官︰咁你以為係咩？
D1︰咁我未聞過，都唔會知催淚煙係咁
控︰你知道警方會施放催淚彈驅散示威者？
D1︰係
控︰拎左黑色頸罩目的係想停止唔舒服？
D1︰係舒緩
控︰點解要戴到上頭
D1︰可以有固定
控︰點解唔拎手袖戴？
D1︰因為當時最嚴重係咳同流眼水
控︰所以冇選擇戴手袖
D1︰係
控︰睇片見到大埔公路段比較少人
D1︰當時冇留意，睇片係睇到少人
控︰睇片都見到較少催淚煙？
D1︰係
控︰帶面罩都舒緩唔到先洗眼同戴上裝備？
D1︰係
控︰咁戴左面罩依然好唔舒服？
D1︰係
控︰但冇嘗試過搵較少煙嘅方向離開
D1︰冇
控︰現場好多催淚煙？
D1︰我係行到去啡格先多
控︰沖眼前唔多？
D1︰聞到，唔係見到
控︰但D2冇受影響？
D1︰佢有，但當時佢都有幫我沖眼
控︰知道佢有不適，見到佢有咳同流眼水？
D1︰但我嚴重啲
控︰就算冇聞過，都會懷疑架嘛，下話？
D1︰當時冇諗咁多
控︰黃格位置較多催淚煙味？
D1︰喺星星果個位聞到
控︰琴日話行近黃格交界再番去係為左沖眼？
D1︰係
控︰星星位置催淚煙味較少？
D1︰可以咁講
控︰所以紅色X、橙色O的方向催淚煙味會更弱
D1︰係
控︰所以喺星星沖完眼，你依然選擇行去較多味果度，而非紅色X方向
D1︰係
控︰沖眼時，因為流眼水而視線模糊
D1︰係
控︰咁你點知D2用左幾多支生理鹽水
D1︰模糊，而唔係睇唔到
控︰沖完眼得到抒緩
D1︰係
控︰有冇坐低休息？
D1︰有
控︰由沖眼到休息用左幾耐
D1︰半分鍾到一分鍾
控︰就舒緩哂？
D1︰舒緩左啲
控︰紫星係有人比左裝備你地？
D1︰係
控︰唔認識？
D1︰係
控︰有人講「快啲著左啲保護裝備」
D1︰係
控︰常識都知啦，陌生人比嘢你，唔會隨便戴上
D1︰唔係，因為我見到佢好似急救員咁，所以我覺得佢係專業人士，所以戴
控︰男人嘅反光衣上有冇寫急救？
D1︰有個十字
控︰你自己有急救知識？
D1︰有
控︰女朋友係讀護理系？
D1︰係
控︰你唔知呢個陌生人嘅急救知識會比你地多？
官︰（協助控方指）急救唔會戴眼罩，手套，呢啲唔係急救黎架嘛。果啲係預防黎。（舉例）醫生救人係專業 同 點樣預防受傷呢樣唔係醫生嘅專業黎
（按︰嗯.....直播員就真係聽到一頭霧水.......急救第一件事就係要戴手套，現場環境安全。據法官大人嘅例子，醫生唔係預防嘅專業，但叫人打針嘅袁國勇同張竹君又係醫生黎）
D1︰唔係
控︰唔知啲裝備有冇人用過？
D1︰係
控︰常識都知啦，有人用過再戴係唔衛生
D1︰係
控︰有冇參與過示威活動
D1︰冇
控︰有冇試過戴防毒面具同眼罩
D1︰眼罩有，中學實驗室果陣
控︰檢取嘅眼罩唔係實驗室果啲
D1︰係
控︰你唔會知有冇效去舒緩
D1︰係
控︰沖完眼情況已經有好轉
D1︰係
控︰但你選擇留低同人交收啲你唔知效能嘅裝備，而唔係即刻走
D1︰係
控︰關於防火手套，佢話你因為地下有玻璃碎？
D1︰係
控︰咁你見唔見到
D1︰見到
官︰（發脾氣）你睇到玻璃碎喺地，但你唔會禁落去架嘛
D1︰係
控︰撐住起身果個位冇
D1︰係
控︰由起身到離開應該唔會受傷
D1︰係
控︰意識到現場有危險
D1︰係
控︰果個男人比兩個眼罩D2睇下邊個fit
D1︰係
控︰有冇試到？
D1︰冇
控︰冇試就拎走哂人地兩個眼罩走？
D1︰係
控︰即係佢咁缺物資，連生理鹽水都冇，你都拎哂啲眼罩走
D1︰係
控︰D2受較少影響，但依然戴上唔知有冇人用過嘅防毒面罩
D1︰係
控︰眼罩、防毒面具、防火手套係示威者常用嘅
D1︰係
控︰連埋黑衣，你更似一個示威者
D1︰係
控︰咁唔擔心警察清場時會拉埋你？
D1︰擔心
控︰但你依然選擇戴上
D1︰係
控︰咁你又話會更似，又擔心比警方誤會，你仲行過去？
D1︰甲為可以更快到希爾頓，甚至去到新城市廣場
控︰喺啡格位，有冇見到示威者設置路障？
D1︰冇
控︰視力正常，戴左眼罩，都見唔到有火堆？
D1︰係
控︰有人話要「走阿」，有冇周圍望下？
D1︰有
控︰巨響黎自咩方向？
D1︰冇留意，淨係聽到
控︰冇嘗試搵危險嘅源頭，你唔驚行緊去危險果邊？
D1︰唔驚
控︰大埔公路方向與獅子山隧道公路方向比較冇咁多人？
D1︰係
控︰冇咁煙霧瀰漫？
D1︰係
控︰但都選擇去較多示威者嘅獅子山隧道公路方向
D1︰係
控︰睇番D1P9A(1) 今日畫嘅圖，過程至少15分鐘
D1︰不同意
控︰大概幾耐？
D1︰3-5分鐘
控方指出︰1750離開朋友屋企行到巴士站用左13分鐘，即係1803，但做左一連串嘅事就3-5分鐘，最少，被制服時係1806。但承認事實已經講係1805被制服，所以一連串事件根本係唔可能有充足時間發生。所以由紅色X到被制服中間嘅事情都係講大話
D1唔同意
控︰由離開朋友屋企到比警員撞到之前，全程都係同D2一齊？
D1︰係
控︰整個過程D2冇反對所行嘅路線？
D1︰冇反對
控︰岩岩警方已經量度到由聽到大叫到去到大叫位置係43米距雜，即係你最少聽到43米外嘅嘢
控︰D2洗眼，視野受影響，好唔舒服，喺背囊拎生理鹽水係本人定D2？
D1︰D2
控︰現場混亂？
D1︰係
控︰你唔會留意到背囊嘅膠布有冇趺出黎
D1︰唔係，有影響視力，而唔係睇唔到嘢
控︰冇特登番意D2將幾多支生理鹽水袋落背囊？
D1︰係
控︰你自己有急救知識？
D1︰有
控︰D2係讀護理系？
D1︰係
控︰生理鹽水本身冇消毒作用
D1︰係
控︰行山驚擦傷最少要帶埋消毒藥水
D1︰唔一定，因為消毒火酒開左會揮發
官︰會揮發又有咩關係阿？
控︰有冇帶過呢啲？
D1︰冇
控︰有啲紅色嘅消毒大小係同生理鹽水差唔多
D1︰係
控︰冇帶？
D1︰係
控︰冇消毒嘅傷口放膠布會有機會發炎
D1︰係
控︰黑色頸罩係為左防曬？
D1︰係
控︰但都係常見示威者用嘅？
D1︰係
控︰黑色手袖都係示威者常用嘅？
D1︰係
控︰出門口時已帶備2樣示威者常用嘅嘢
D1︰係
控︰加埋眼罩，防毒面罩，防火手套，最少有5樣嘢係同示威者一致
D1︰係
控方指出︰帶呢啲嘢係參與示威
D1唔同意
（部分無法抄錄）
控方指出︰帶2年白色短袖上衣係示威完更換，避免警方截查時係黑色衫
D1唔同意
控方指出D1同D2的防毒面罩係一齊買嘅
D1唔同意
控︰D1，D2的防毒面罩嘅型號，生產梯次都係一樣LOTR191581
（睇證物）
D1同意係一樣
控方指出防火手套都係一齊買嘅
D1唔同意
控︰證物上都有縫上Good Luck字樣
（睇證物）
D1同意款式一樣
官︰點解唔叫係女朋友走先
D1︰因為佢要送我番工
官︰（高聲責罵證人道）好緊要嘅，去到生死關頭，唔送唔得嘅（法官一連串機關槍式質問，唯太惡太嘈，直播員無法記錄）
控︰有戴黃色頭盔？
D1︰冇
控︰有身處示威群眾中？
D1︰有
控︰逗留該處最少由1750-1805
D1︰唔係，因為1750係喺朋友屋企走
控︰到達巴士站到1805期間係逗留左喺示威群眾中
D1︰係
控︰知悉有其他示威者喺現場
D1︰係
控︰知悉佢地有堵路同開遮陣？
D1︰係
控方指出︰有參與沙田正街與獅子山隧道公路交界嘅示威？
D1唔同意。
（D1部分完)