10 846 нафар ички ишлар органи, 2 653 нафар Миллий гвардия ва 2 252 нафар Фавқулодда вазиятлар вазирлиги ходими ҳайит намози ўқиладиган масжидларда хавфсизликни сақлаш учун жалб қилинади

Бу ҳақда АОКАда ўтказилган брифингда ИИВ Жамоат хавфсизлиги департаменти ахборот хизмати раҳбари Музифа Султонова маълум қилди:

Давлатимиз раҳбари томонидан жорий йилнинг 19 июнь куни имзоланган “Қурбон ҳайитини нишонлаш тўғрисида”ги

195-сонли қарорига асосан, жорий йилнинг 28 июнь куни республикамиз ҳудудидаги жами соат 05:00 дан 06:20 гача 2 124 та масжидлардан 2 058 тасида ҳайит намозлари ўқилади ва тахминан 2 млн 200 минг нафардан ортиқ фуқаролар қатнашиши кутилмоқда.

Ҳайит намози ўқиладиган масжидларда жамоат тартибини сақлаш ҳамда фуқаролар хавфсизлигини таъминлашга 10 846 нафар ички ишлар органлари, 2 653 нафар Миллий гвардия ва 2 252 нафар Фавқулодда вазиятлар вазирлиги ходимлари жалб этилади. 

Хизматда фойдаланиш учун 5 849 та алоқа воситалари, 2 059 та автотранспорт, 4 194 та металлодетектор ва 261 та хизмат итлари ажратилади.

Бундан ташқари, ҳудудларда 3 318 нафар заҳира кучлари ташкил этилган.

Шунингдек, республика ҳудудидаги 9 480 та мусулмонлар қабристонларига фуқароларнинг ташрифи буюришларини инобатга олиб, жамоат хавфсизлигини таъминлаш мақсадида 7 461 нафар ички ишлар органлари, 446 нафар Миллий гвардия ва 1 895 нафар Фавқулодда вазиятлар вазирлиги ходимларини жалб этилиши, масжидлар атрофидаги йўлларда транспорт воситалари ҳаракатини вақтинча чекланиши ва масжидлардан 150 метр узоқликда алоҳида автотураргоҳлар ташкил этилсинмаълум қиламиз.