1-матн: Аллоҳнинг бизга берган тавфиҳ-ҳидояти билан эътиқод қилган ҳолда Аллоҳнинг тавҳиди тўғрисида айтамиз: Албатта Аллоҳ ёлғиз, Унинг шериги йўқ
fitrat.uz
نقول في توحيد الله معتقدين بتوفيق الله أن الله واحد لا شريك له
1-матн: Аллоҳнинг бизга берган тавфиҳ-ҳидояти билан эътиқод қилган ҳолда Аллоҳнинг тавҳиди тўғрисида айтамиз: Албатта Аллоҳ ёлғиз, Унинг шериги йўқ.
Шарх: (Ёлғиз Аллоҳ таолога ибодат қилиб, ширк келтирмасликка тавҳид дейилади. Аллоҳни қўйиб яратилган нарсаларга, яъни фаришта, жин, авлиё, бут, дарахт, олов ва бундан бошқаларга сиғинишга ширк деб аталади). Тавҳид пайғамбарлар даъватининг боши, (жаннатга олиб борувчи) йўлнинг аввалги манзили ва Аллоҳга юзланувчи банданинг қиладиган энг биринчи ишидир. Аллоҳ таоло айтади:
"لقد أرسلنا نوحا إلى قومه فقال يا قوم اعبدوا الله ما لكم من إله غيره" (الأعراف:59)
(Табарий ушбу оятни қуйидагича тафсир қиладилар: “Роббимиз Аллоҳ таоло бу оят билан эшитувчи одамларга Нуҳ عليه السلام ни қавмига юборганини эслатади. Шунда Нуҳ айтдилар: Ибодатга ҳакли бўлган ёлғиз Аллоҳгагина ибодат қилингиз. Тоатлар қилиб, Ул зотнинг олдида ўзингизни паст тутингиз. Бутларга ибодат қилишни тарк этингиз. Чунки, сизлар учун Аллоҳдан бошқа ибодат қилишингизга лойиқ бирор илоҳ йўқ”). (Табарий тафсири: 8-жуз, 213- саҳифа).
Ҳуд, Солиҳ, Шуайб алайҳимуссалом каби бошқа пайғамбарларнинг ҳам юқоридагидек тавҳидга даъват қилишганини Аллоҳ таоло “Аъроф” сурасининг кейинги оятларида баён қилган. Расулуллоҳ саллаллоҳу алайҳи ва саллам айтадилар:
"أمرت أن أقاتل الناس حتى يشهدوا أن لا إله إلا الله، و أن محمدا رسول الله" (رواه البخاري: 25 و غيره).
Маъноси: “Одамлар то ла илаҳа иллаллоҳ ва Муҳаммад Расулуллоҳ деб гувоҳлик бермагунларича улар билан курашишга буюрилдим”.
Демак, инсонни энг биринчи Исломга олиб кирадиган ва охирида дунёдан чиқиб кетишидаги нарса тавҳид бўлиши керак экан. Расулуллоҳ саллаллоҳу алайҳи ва саллам бундай деганлар:
"من كان آخر كلامه لا إله إلا الله دخل الجنة" (المستدرك على صحيحين:هذا حديث صحيح الإسناد ولم يخرجاه).
Маъноси: “Кимнинг охирги сўзи ла илаҳа иллаллоҳ бўлса, албатта жаннатга киради”.