#0929金鐘 DCCC237/2021 [15/35]

法庭文字直播台

#0929金鐘 15/8/2022上午審訊 [15/35] 控方盤問D1詳情

✂️控方盤問

張係會傳召嘅證人，唔清楚張是否在法庭內，沒有嘗試聯絡任何人關於呢單案，辯方大狀表示張不在法庭內。

約出嚟都係打發時間，其中一個活動就係去誠品睇書。約出嚟時沒有再決定其他行程。當時香港新界九龍港島日日都有示威，去邊度撞到示威遊行的機會都唔細。不清楚當日有示威。

知道示威有催淚煙，同人講八卦時都會聽到，去銅鑼灣前唔清楚有示威以政總為目標。

確認地鐵站入唔到，知銅鑼灣有示威，想搵車走，無考究示威以邊度為終點，由銅鑼灣去到天樂里時，係跟住人流行，人流有叫示威口號，與19年其他示威的口號吻合。

在循道衛理教會攞物資，當日被捕後警方檢取證物，除了護目鏡、豬咀、額外濾嘴、生理監水、勞工手套外，其他都係自己帶出去街嘅。

無特別原因著黑衫黑褲，不是日日黑衫黑褲，藍色頸套係處理濕疹，今日有頸部無濕疹，你可以檢查，已經唔記得當日頸有無濕疹，頸套可以吸汗，而汗有鹽份，就係鹽份加重皮膚病，所以吸汗對減輕濕疹係有幫助的，印象中無毛巾，當日無帶處理濕疹的藥物及藥膏。當日在某個時間點有戴頸套，當日天氣熱，唔記得程度，但有出汗

同意有多一套衣物，唔係用嚟抹汗，係有汗時更換，一般日子都會帶，出汗就換，覺得唔舒服就換，唔記得當日有無舒服。

接收物資時知道這些物品與示威有關，但當時唔知嗰幾包係咩，而家知係生理鹽水。係貪便宜而拎，有無即時睇啲物資，當時唔知嗰嗰係生理鹽水，不同意知道全部都係示威物品。

不單是貪便宜，有可能有需要用到豬咀同護目鏡，知生理鹽水係醫療物品，但唔知佢係洗傷口定眼藥水。有預期自己需要受到醫療處理，因為2019唔同而家，會有飛來橫禍。

當時諗住搵地鐵站，行到灣仔無警方截停，拎物資時唔見警方防線，唔知幾時要用呢啲物資，意外就係意外，同埋我唔會知道警方的佈署，會唔會射催淚煙。

同意遊行向西，唔清楚目的地，去到太古廣場時，見到有人沿金鐘道向前行，亦有人向其他方向，咩方向都有，我無特別留意。唔少人係向前行。唔知有幾多人向政總行，有一部份，係有人企咗喺度，唔係好大量。

1610在灣仔區入面，未攞物資

唔知幾點去到金鐘，到太古廣場，由灣仔到金鐘係步行速度，前後左右都多人，有時多啲有時少啲，估計10分鐘不足以行到太古廣場，要耐啲

由灣仔去金鐘一路都有人流，速度比平常慢，1648-1649被捕，因為無睇時間，唔知被制服前幾耐在金鐘太古廣場，曾在太古廣場上天橋，逗留約5分鐘以內，落到地面夏愨道。

到金鐘太古廣場，到上天橋前會觀察下，有時會再拎電話出嚟，睇下人少啲嘅地方會唔會收到訊號，大概係呢啲，無話一嚟於知道方向，都要花啲時間確認。

當日由銅鑼灣、去灣仔、金鐘搵地鐵站，之後想搭船，因為對港島的認識係鳥瞰，大概方向知，邊條街唔熟。

盤問尚未結束，D1作供未完

［1305］午休