#043 戴安全帽, 護目鏡, 口罩及其他PPE既方法講解
好多人會話:戴呢d野都要人教?唔係掛?無錯,的確要教下。因為唔單止小弟,仲有好多人話見到其實好多人都將D裝備戴錯晒,變左好多裝備都完全發揮唔到佢地應有既功能。
於是小弟就想同大家講講應該點樣戴裝備。
1. 安全帽
最重要係入面D扣要扣得實個帽,唔好鬆出黎,同埋帽帶、帽帶、帽帶!因為好重要所以要重覆三次。帽帶係可以扣實頂帽等佢唔會隨便跌出黎,長或短得制可以較。最後就係帽既鬆緊,帽背面有個野可以扭下佢黎較鬆緊。如果緊得制就大力扯下佢等佢變番鬆,戴左上頭再慢慢較番緊。其他可以參考 post #004。
2. 護目鏡
眼罩側邊麻煩盡量貼住塊面,有幾貼得幾貼。如果眼罩既帶係可以調較果隻,戴左上去之後拉到最緊!同埋唔該留意番,唔好攝左口罩同面罩既邊位入去眼罩到。
記住,咁會令到眼罩有空位可以入到催淚彈既煙!
另外有巴打提議可以去買反光貼痴上去眼罩到,反光用。
如果怕眼罩狂起霧,可以搽一層洗頭水,淋浴露或者洗手液上去,但記得唔好濕水。或者去買枝防霧筆,都只係幾十蚊一枝。
3. 口罩
唔該唔好普通口罩出面再戴N95或者豬咀,你咁做只係浪費緊D靚裝備,戴豬咀就豬, 入面唔好再戴任何野。同埋要令到D裝備有幾貼得幾貼。
提外話,小弟諗到個小設計,係去日本城買有活性炭粒成份既除臭劑,將佢放入去兩個口罩中間再用膠紙痴住口罩既底部,叫做隔多一層啦。
4. 手套
無戴手套唔好掂任何欄河果D,呢排發夢仲係見到好多人無呢個意識。請記住:留低左指紋係發夢現場係好大鑊嫁,狗講到明會用指紋黎告人,請戴手套!另外如果係做煙霧隊,請戴好防火手套,催淚彈係好熱嫁!
5. 冰袖
去買D野攝入去冰袖到啦,小弟早幾日買左卷壽司既竹,防唔高但叫有多重保護。各位不妨發揮下創意,睇下有咩岩攝入去啦。