#029 面對水炮車時基本防線

網上都好多人話：見到水炮車第一件事應該調頭跑。呢個係無錯，但大家有無諗過，人係無可能跑得快過車既，所以第一件事係應該先去築起防線，去阻擋佢前進， 姐係用鐵馬或者欄河陣。

咁好啦，用完之後又點呢？水炮一射過黎都係無用，人人都會走。

所以小弟就覺得應該先諗辦法減低水炮既威力，令到各位同路人可以走得切。

咁呢個時候有位巴打就建議左一樣好好用既料，相信大家都估唔到嫁啦，就係——麻包袋。

麻包袋有個特色，就係佢夠淋，同時佢入面有好多個細窿，咁姐係點？

各位可以試下做個簡單實驗，揾個勞工手套，笠實係水喉出水位，出水位既水壓會急降。同樣道理，將麻包袋鋪係最前線既鐵馬同埋欄河陣表面，當水炮射過黎可以輕鬆減少水壓既威力。 (前提係水炮射中麻包袋)

不過見到水炮車既話，小弟都係建議各位即刻調頭走。唔好諗住犠牲會俾水炮車射中可以做烈士，狗佢用水炮一下射你對腳，你就走都走唔到。