#018 盾牌製作建議

以上盾牌都係屬於理論性質，未有真實製作過，有機會有其他問題。

1. 紙皮護盾 (盡量用現場既材料可以做既加工)

先用兩張紙皮，中間夾住現場揾到既硬物，例如鐵馬鐵枝等等，再用牛皮膠紙封住側邊 然後係裡面果層紙皮整幾個窿方便拎住佢。

Option 1: 可於中間加入Joint Filler增加防護力，或者可以屈曲紙皮，用索帶綁住兩邊，拉緊佢再用牛皮膠紙痴實索帶。 (帶Filler入場可參考post #011)

Option 2: 可於中間加入路牌。鐵皮一塊，甩d螺絲可以拆佢落黎，增加防護力，但會加重盾牌。

Option 3: 包保鮮紙，但好易爛。

優點：咩材料都可以係現場揾到，易製作，輕便

缺點：一濕水就爛，易爛，防護力低。

2. Joint Filler護盾 (少量平既工程物料可以加工)

屈左佢少少，用索帶綁住兩邊，拉緊佢，再用牛皮膠紙痴實索帶。係中間鑽四個窿，兩個窿裝喉碼，(用長螺絲加絲母，窿鑽大少少，用牛皮膠紙包一包螺絲) 兩個綁索帶。 (窿鑽大少少 照舊用牛皮膠紙包實索帶)

Option 1: 買一大塊防火板，放個Filler係上面再屈一屈佢。再畫個曲面既形，再cut佢落黎，cut三塊。然後將Filler一分為二，係上中下插一塊防火板入去，利用牛皮膠紙圍邊封住，但要較高技術同未必穩。

Option 2: 喉碼可用鋁製扶手取代，一個可以穿隻手入去，一個就可以俾你捉實，請自行選擇。

3. 鐵皮護盾

用路牌，直接用電批鑽穿佢加手抽或喉碼，方便快捷。

Option 1: 屈佢 (好難屈)，易d瀉力。

Option 2: 最前面加Filler方便瀉力，用索帶綁實。