#017 消防街井講解

有巴打講話想了解下消防街井，咁等我都跟我既理解去講下佢先。

消防街井好常見，係新起既樓附近你一定會揾到一個消防街井。因為可以方便消防員係棟樓火燭果陣即刻將水駁落去棟樓既入水位，令到D水可以好快流入去消防水缸，避免火燭果陣各種消防設備因為缺水而唔能夠正常運作。

而其實呢，街井既運作好簡單。

先扭開左右兩邊(或者一邊)既出水位，再扭開中間個水龍頭就會識噴水。

不過記住要小心，因為D水會周圍噴，最好先準備一條膠水喉。

水栓扭開後有水出果d係上次d水尾黎，要係水栓旁邊地下有個鐵蓋係閘掣 ，用水匙扭開先會持續有水出。

街邊紅色既街井入面既水都係淡水。不過記住，隨便用街井既水係犯法嫁，唔好隨便用啊 不過發夢果陣做咩都無人知啦。

上圖就係正常要開街井既步驟，同埋水匙既用法。

有巴打講水掣開關係順閂、逆開。

不過巴打俾左另外呢張圖我研究。發現其實果個位只係一個好普通既閘掣俾人甩左個唐環。如果好大力既話，係可以扭開到既。

另外，果位巴打再提醒各位呢點：

教大家正確用消防水栓姐，用之前記得要裝有水務處認可臨時水錶上水柱先可以合法用水，無裝而拎水就違法。

黃色水栓咸水，紅色水栓淡水。