#011 推薦具有防護性既工程物料

唔知點解發夢果陣好易俾人打，咁呢個時候有D防護物料防下身就好重要啦。有巴打提議有種物料叫Joint Filler，佢係一種地盤好常用既物料，用黎保護物料或者係用黎留窿用。防護能力唔錯，而且價格便宜 大約幾十蚊已經有一塊2米X 2米咁大既料，咁你當然唔洗用到咁大塊啦，最簡單既做法係拎把cutter剪一細塊再放落去d衫袋。

有巴打都建議，部分外套有夾層，或者係入面有兩層拉鏈，中間有一層空位可以放野，咁呢個會係一個好好既選擇。

呢隻料同之前介紹既料一樣，都可以係新填地街揾到，厚度有好多種俾你選擇。最小10mm，多既可以去到25mm都有。當然越厚防護能力越高，但會令你上半身行動無咁方便 。

仲有天氣熱唔好成日著厚褸出街，小心中暑。

另外手同腳建議用豬腸膠。豬腸膠係一種常見既保溫物料，怕利器但唔怕鈍器，同joint filler一樣可以好輕鬆用cutter剪左佢落黎。

用法好簡單。先度一度手既直徑，再評估你需要既防護力。一般25mm已經防護能力好勁，可以視乎你手既size同埋你需要既靈活度自行選擇15mm~25mm。

姐係假設你隻手係8cm直徑，就去新填地街買，同人講要內徑80mm豬腸、厚度話15mm 買一條。咁一條就通常係1.2米既，你可以去買把拉呎度度上臂下臂分別既長度，再cut兩截。然後將條豬腸膠橫身劏開，令佢變左做個C字，然後套落手到。

記住豬腸膠去到咩d特定呎吋會無貨。咁你可以買一卷joint filler 度量，剪一細條圍住手咁包住就得。不過易甩，無豬腸咁方便。